ខេត្តប៉ៃលិន ៖ ដោយសារតែរោគសរសៃប្រសាទធ្វើទុក្ខឈ្មោះ សាត សុខុន អាយុ៤៧ឆ្នាំ រស់នៅភូមិវត្ត សង្កាត់ប៉ៃលិន ក្រុងប៉ៃលិន យកកាំបិតចុងស្រួចមកចាក់កប៉ងធ្វើអត្តឃា.តនៅ ក្នុងចំការស្វាយដែលមានចំងាយពីផ្ទះប្រហែល ៣០០ម៉ែត្រ ។ ហេតុការណ៍នេះកើតឡើងកាលពី វេលាម៉ោង១២ថ្ងៃត្រង់ ទី១០ ខែសីហា ឆ្នំា
ខេត្តប៉ៃលិន ៖ ដោយសារតែរោគសរសៃប្រសាទធ្វើទុក្ខឈ្មោះ សាត សុខុន អាយុ៤៧ឆ្នាំ រស់នៅភូមិវត្ត សង្កាត់ប៉ៃលិន ក្រុងប៉ៃលិន យកកាំបិតចុងស្រួចមកចាក់កប៉ងធ្វើអត្តឃាតនៅក្នុងចំការស្វាយដែលមានចំងាយពីផ្ទះប្រហែល ៣០០ម៉ែត្រ ។ ហេតុការណ៍នេះកើតឡើងកាលពី វេលាម៉ោង១២ថ្ងៃត្រង់ ទី១០ ខែសីហា ឆ្នំា២០១១។ ការចាក់កខ្លួនឯងនោះមិនស្លាប់ទេ លុះពេលដឹងខ្លួនវិញរត់ទៅផ្ទះកូនប្រសាប្រុសនៅក្បែរនោះ ហើយត្រូវគេដឹកតាមម៉ូតូទៅសង្គ្រោះនៅមន្ទីរពេទ្យខេត្តជាបន្ទាន់ ។
អ្នកស្រីសាយ សេងហាក់ អាយុ៥១ឆ្នាំ ជាប្រពន្ធនិយាយថា ប្តីរបស់គាត់បានស៊ីឈ្នួលកាប់ឆ្ការព្រៃនៅក្នុងចំការស្វាយរបស់អ្នកជិតខាង ដោយមួយថ្ងៃគេឲ្យថ្លៃឈ្នួល១ម៉ឺនរៀល។ ក្រោយពីហូបបាយនៅផ្ទះរួចវេលាម៉ោង១២ថ្ងៃត្រង់ប្តីគាត់ដើរទៅកាប់ឆ្ការព្រៃបន្តទៀត តែរូបគាត់ជាប្រពន្ធហាមមិនឲ្យទៅទេ ដោយឃើញនិយាយខុសប្រក្រតីដឹងថា «ជំងឺចាស់រើឡើងវិញ» ។ ទោះគាត់ជាប្រពន្ធឃាត់យ៉ាងណាក៏ប្តីគាត់មិនស្តាប់ដែរ គឺប្រកែកថាគាត់មិនកើតអីទេ។
ប្រភពដដែលបន្តទៀតថា ប្តីរបស់គាត់អតីតជាកងទ័ពធ្លាប់ត្រូវរបួសក្បាលដោយមុតនឹង អំបែង គ្រាប់ផ្លោងក្នុងសម័យប្រយុទ្ធជាមួយខ្មែរក្រហម តែត្រូវលោកគ្រូពេទ្យយកអំបែងចេញអស់ហើយចាប់តាំងពីពេលនោះមក ។ ទោះជាយ៉ាងណាក្តី របួសចាស់នេះបានរើឡើងវិញក្នុងរយៈកាលបីឆ្នាំមុន ដោយធ្វើឲ្យប្តីរបស់គាត់និយាយភ្លេចមុខភ្លេចក្រោយ ។ នៅពេលរោគចាស់រើម្តងៗប្តីរបស់គាត់តែងប្រាប់ថា មានមនុស្សពីរបីនាក់ដេញចាក់សម្លាប់គាត់ ជួនកាលឃើញគេមកឈរគម្រាមសម្លាប់ ដូច្នេះហើយប្តីគាត់ចេះតែនិយាយថា «មានគេមកយកជីវិត»ហើយក៏ភ័យខ្លាចរត់គេចតែម្នាក់ឯង។ ពេលកើតអាការបែបនោះរូបគាត់ជាប្រពន្ធទិញថ្នាំជំនួយសរសៃប្រសាទឲ្យលេបក៏ជាលែងកើតមានបញ្ហាអ្វីទៀត។
លោកលី បាំង អាយុ២៧ឆ្នាំ ជាកូនប្រសានិយាយថា ឪពុកក្មេកលោកទៅកាប់ព្រៃតែម្នាក់ឯង ហើយបន្ទាប់ពីគាត់ដឹងខ្លួនថាបានចាក់កខ្លួនឯងមក ក៏រត់មកផ្ទះរបស់លោកដែលនៅជិតចំការនោះឲ្យជួយ។ ពេលគាត់រត់មកដល់ផ្ទះភ្លាម ស្រាប់តែអ្នកជិតខាងផ្អើលឆោឡោនាំគ្នាមកមើលដោយស្មានថាចោរប្លន់ ។ គាត់បានប្រាប់គេឯងថា ពេលអារ.កខ្លួនឯងនោះគាត់មិនបានដឹងខ្លួនអ្វីបន្តិចទេ លុះដឹងខ្លួនឡើងមានឈាមហូរបាញ់ស្រោចជោកពេញកនិងស្មាក៏ភ្ញាក់ស្មារតីស្ទុះរត់មកឲ្យកូនជួយ។
លោកគ្រូពេទ្យឲ្យដឹងថា បុរសនោះរហែកបំពង់ខ្យល់ ហើយមានរបួសជាច្រើនកន្លែងទៀតនៅក្រោមកត្រូវដេរជាច្រើនថ្នេរ និងបានដេរភ្ជិតបំពង់ខ្យល់វិញ។ ពិតជាសំណាងណាស់ដែលគាត់ចាក់មិនត្រូវសរសៃឈាម បើសិនជាដាច់សរសៃឈាមនឹងស្លាប់មិនខាន៕
ចែករំលែកព័តមាននេះ