ខេត្តមណ្ឌលគិរី ៖ ប្រជាពលរដ្ឋរាប់រយនាក់មកពីបណ្តាភូមិ ឃុំ ស្រុកមួយចំនួននៅក្នុងខេត្តមណ្ឌលគិរី ត្រូវបានទទួលការពិនិត្យព្យាបាលជំងឺទូទៅ និងចែកថ្នាំដោយឥតគិតថ្លៃពីសមាគមសម្ព័ន្ធមិត្តខ្មែរនៅប្រទេស បារាំង។ ក្នុងសកម្មភាពពិនិត្យព្យាបាលនោះមានវេជ្ជបណ្ឌិតចំនួន៣នាក់ និងក្រុមការងារចំនួន១០នាក់ មកពីប្រទេស
ខេត្តមណ្ឌលគិរី ៖ ប្រជាពលរដ្ឋរាប់រយនាក់មកពីបណ្តាភូមិ ឃុំ ស្រុកមួយចំនួននៅក្នុងខេត្តមណ្ឌលគិរី ត្រូវបានទទួលការពិនិត្យព្យាបាលជំងឺទូទៅ និងចែកថ្នាំដោយឥតគិតថ្លៃពីសមាគមសម្ព័ន្ធមិត្តខ្មែរនៅប្រទេសបារាំង។ ក្នុងសកម្មភាពពិនិត្យព្យាបាលនោះមានវេជ្ជបណ្ឌិតចំនួន៣នាក់ និងក្រុមការងារចំនួន១០នាក់ មកពីប្រទេសបារាំងបានពិនិត្យជំងឺទូទៅ និងចែកថ្នាំដល់ប្រជាពលរដ្ឋ ព្រមទាំងចែកអំណោយដល់ប្រជាពលរដ្ឋក្រីក្រចំនួន២០០គ្រួសារផងដែរ។
ពិធីនេះធ្វើឡើងកាលពីព្រឹកថ្ងៃទី១៥ សីហាក្នុងបរិវេណមន្ទីរអប់រំយុវជន និងកីឡា ខេត្ត ក្រុងសែនមនោរម្យ ។ តាមសម្តីរបស់លោកស្រីសាម៉េត ម៉ារ៉ា ជាតំណាងសមាគមសម្ព័ន្ធមិត្តខ្មែរនៅប្រទេសបារាំងបានប្រាប់កោះសន្តិភាពថា សមាគមបានចុះមកពិនិត្យព្យាបាលជំងឺទូទៅ និងចែកថ្នាំពេទ្យដោយឥតគិតថ្លៃដល់ប្រជាពលរដ្ឋនៅខេត្តមណ្ឌលគិរី។ នាឱកាសនោះសមាគមបានចែកអំណោយផ្ទាល់ដល់ប្រជាពលរដ្ឋក្រីក្រចំនួន២០០គ្រួសារផងដែរ ដោយមួយគ្រួសារទទួលបានអង្ករ១០គីឡូក្រាម អំបិល១ញ្ចប់ ស្ករស១គីឡូក្រាម ប្រហុក០,៥០គីឡូក្រាម មី៣កញ្ចប់ សាប៊ូ១ដុំ ទឹកត្រី១ដប ទឹកស៊ីអ៊ីវ១ដប ដែកកេះ និងប៊ិចផងដែរ។
លោកស្រីបានបន្តថា សមាគមនឹងបន្តការងាររបស់ខ្លួននៅក្រុងសែនមនោរម្យក្នុងការពិនិត្យព្យាបាលជំងឺទូទៅ និងចែកថ្នាំពេទ្យដោយឥតគិតថ្លៃរយៈពេល២ថ្ងៃគឺចាប់ពីថ្ងៃទី១៥-១៦ សីហា ហើយសមាគមមិនបានកំណត់ចំនួនប្រជាពលរដ្ឋនោះទេ ពោលគឺសមាគម និងក្រុមការងារបន្តពិនិត្យ និងព្យាបាលជូនបងប្អូនប្រជាពលរដ្ឋដែលអញ្ជើញមកពីតំបន់ឆ្ងាយៗទៀត ៕
ចែករំលែកព័តមាននេះ