រាជធានីភ្នំពេញ ៖ នៅថ្ងៃទី១៥ ខែសីហា ឆ្នាំ២០១១ ក្រុមហ៊ុន RMA(Cambodia)Co., Ltd ដែលជាក្រុមហ៊ុននាំចូលត្រាក់ទ័រម៉ាកដ្យនឌៀរ និងជាផលិតផលរបស់សហរដ្ឋអាមេរិកបានរៀបចំយុទ្ធនាការផ្តល់សេវា កម្មចុះជួសជុលត្រាក់ទ័រដល់ទីកន្លែងជូនអតិថិជនរបស់ខ្លួន និងដល់អ្នកប្រើប្រាស់ត្រាក់ទ័រដ្យនឌៀរទាំង អស់នៅទូទាំងព្រះរាជាណាចក្រកម្ពុជាដោយឥតគិតថ្លៃនោះឡើយ។
រាជធានីភ្នំពេញ ៖ នៅថ្ងៃទី១៥ ខែសីហា ឆ្នាំ២០១១ ក្រុមហ៊ុន RMA(Cambodia)Co., Ltd ដែលជាក្រុមហ៊ុននាំចូលត្រាក់ទ័រម៉ាកដ្យនឌៀរ និងជាផលិតផលរបស់សហរដ្ឋអាមេរិកបានរៀបចំយុទ្ធនាការផ្តល់សេវាកម្មចុះជួសជុលត្រាក់ទ័រដល់ទីកន្លែងជូនអតិថិជនរបស់ខ្លួន និងដល់អ្នកប្រើប្រាស់ត្រាក់ទ័រដ្យនឌៀរទាំង អស់នៅទូទាំងព្រះរាជាណាចក្រកម្ពុជាដោយឥតគិតថ្លៃនោះឡើយ។
យុទ្ធនាការនេះ គឺផ្តោតសំខាន់ទៅលើរបៀបថែទាំត្រាក់ទ័រឱ្យបានត្រឹមត្រូវតាមស្តង់ដានៃបច្ចេកទេស ដោយមានការត្រួតពិនិត្យទៅលើប្រព័ន្ធប្រេង ប្រព័ន្ធដំណើរការនៃម៉ាស៊ីន និងពិនិត្យទៅលើលក្ខខណ្ឌទូទៅរបស់ត្រាក់ទ័រទាំងមូលដែលក្រុមអ្នកបច្ចេកទេសរបស់ក្រុមហ៊ុនបានទទួលការហ្វឹកហាត់រៀនពីរោងចក្រដ្យនឌៀរផ្ទាល់នាពេលកន្លងមក។ គោលបំណងនៃយុទ្ធនាការនេះ គឺដើម្បីឱ្យអតិថិជនចេះថែទាំ និងចេះប្រើប្រាស់ឱ្យបានត្រឹមត្រូវតាមលក្ខខណ្ឌបច្ចេកទេសជាប្រយោជន៍គឺដើម្បីការប្រើប្រាស់ត្រាក់ទ័របានយ៉ាងមានប្រសិទ្ធភាព និងបានយូរអង្វែង។ ក្នុងឱកាសនេះផងដែរក្រុមហ៊ុនក៏មានកម្មវិធីលក់គ្រឿងបន្លាស់ក្នុងតម្លៃពិសេសដោយចុះតម្លៃរហូតដល់ទៅ១៥%។
យុទ្ធនាការប្រព្រឹត្តទៅបានក៏អាស្រ័យដោយសារក្រុមហ៊ុនមានរថយន្តសេវាកម្មជួសជុលដល់ទីកន្លែងសម្រាប់ត្រាក់ទ័រដ្យនឌៀររហូតដល់ទៅចំនួន២គ្រឿងឯណោះ។
គួរបញ្ជាក់ដែរថា រថយន្តសេវាកម្មជួសជុលដល់ទីកន្លែងនេះមានកន្លែងសម្រាប់ដាក់ឧបករណ៍ជួសជុល កន្លែងដាក់គ្រឿងបន្លាស់ និងមានម៉ាស៊ីនសម្រាប់បូមខ្យល់ដែលបំពាក់លើរថយន្តរួចជាស្រេចតែម្តងដែលបង្កលក្ខណៈងាយស្រួលដល់ការជួសជុលដល់ទីកន្លែងទោះជាត្រាក់ទ័រក្នុងចំការ ឬនៅទីកន្លែងណាក៏ដោយ។
យុទ្ធនាការជួសជុលនេះគឺបំរើជូនអតិថិជនទាំង២៤ខេត្ត-ក្រុងដែលចាប់ផ្តើមដំបូងគឺនៅតាមបណ្តោយផ្លូវជាតិលេខ៤ដែលជាតំបន់មានចំការធំៗ និងមានចំនួនត្រាក់ទ័រច្រើនដែលប្រើរយៈពេល២សប្តាហ៍ ហើយបន្ទាប់មកគឺនៅតាមបណ្តោយផ្លូវជាតិលេខ៥ លេខ៦ លេខ៧ និងលេខ៨ ហើយចូលត្រឡប់មកភ្នំពេញវិញដោយប្រើរយៈពេលចំនួន៦សប្តាហ៍។
គួរបញ្ជាក់ដែរថា ក្រុមហ៊ុន RMA (Cambo dia)Co., Ltd បានផ្តោតសំខាន់ទៅលើសេវាកម្មក្រោយការទិញដែលយកចិត្តទុកដាក់ខ្ពស់លើការធានាគុណភាពផលិតផលសេវាកម្មជួសជុលដល់ទីកន្លែង និងធានាលើគ្រឿងបន្លាស់មានគ្រប់គ្រាន់ និងទាន់ពេលវេលា ៕
ចែករំលែកព័តមាននេះ