រាជធានីភ្នំពេញ ៖ លោកអនុប្រធាននាយកដ្ឋានព័ត៌មាន និងទូរទស្សន៍ជាតិនៃក្រសួងព័ត៌មាន ត្រូវជនមិនស្គាល់មុខដកកាំភ្លើងភ្ជង់ ខណៈកំពុងជិះរថយន្តនៅតាមដងផ្លូវលើស្ពានជ្រោយចង្វា បន្ទាប់មកជននោះបានបើករថយន្តម៉ាករ៉េវហ្វ័រ ពណ៌ទឹកប៊ិច ពាក់ស្លាកលេខ ភ្នំពេញ 2E-0765 រួមទាំងកាំភ្លើងម៉ាក M16 កាត់កាណុង
រាជធានីភ្នំពេញ ៖ លោកអនុប្រធាននាយកដ្ឋានព័ត៌មាន និងទូរទស្សន៍ជាតិនៃក្រសួងព័ត៌មាន ត្រូវជនមិនស្គាល់មុខដកកាំភ្លើងភ្ជង់ ខណៈកំពុងជិះរថយន្តនៅតាមដងផ្លូវលើស្ពានជ្រោយចង្វា បន្ទាប់មកជននោះបានបើករថយន្តម៉ាករ៉េវហ្វ័រ ពណ៌ទឹកប៊ិច ពាក់ស្លាកលេខ ភ្នំពេញ 2E-0765 រួមទាំងកាំភ្លើងម៉ាក M16 កាត់កាណុង យកទៅប្លុងចោលនៅលើផ្លូវតាមបណ្តោយដងទន្លេសាប សង្កាត់ជ្រោយចង្វា ខណ្ឌឫស្សីកែវ ។
ហេតុការណ៍នេះ កើតឡើងនៅម៉ោង៧និង៤០នាទីយប់ថ្ងៃទី១៥ សីហា។ លោកអនុប្រធាននាយកដ្ឋានដែលត្រូវទទួលការគំរាមកំហែងនេះ ឈ្មោះសូ ស៊ីថា អាយុ៤៨ឆ្នាំ ជាអនុប្រធាននាយកដ្ឋានព័ត៌មាន និងទូរទស្សន៍ជាតិនៃក្រសួងព័ត៌មាន មានលំនៅឋានភូមិព្រែកលៀប សង្កាត់ព្រែកលៀប ខណ្ឌឫស្សីកែវ។ ទាក់ទិនការភ្ជង់គំរាមនេះត្រូវសមត្ថកិច្ចឱ្យដឹងថា ជននោះប្រហែលជាខឹងលោកសូ ស៊ីថា ដែលបើករថយន្តពាំងពីមុខធ្វើឱ្យគេវ៉ាមិនកើត។ តាមព័ត៌មានឱ្យដឹងថា នៅមុនពេលកើតហេតុ លោកសូ ស៊ីថា បានជិះរថយន្តម៉ាកកូរ៉ូឡា ពណ៌ស ពាក់ស្លាកលេខ ភ្នំពេញ 2D-5536 មួយគ្រឿងជាមួយភរិយាមកពីផ្សារចាស់ ក្នុងគោលបំណងទៅផ្ទះ។
លោកសូ ស៊ីថា បានឱ្យដឹងថា នៅពេលធ្វើដំណើរមកដល់ចំណុចលើស្ពានជ្រោយចង្វា ស្រាប់តែមានរថយន្តម៉ាករ៉េវហ្វ័រ ពណ៌ទឹកប៊ិច ពាក់ស្លាកលេខ ភ្នំពេញ 2E-0765 មកទន្ទឹម ហើយអ្នកបើកនោះដកកាំភ្លើងម៉ាក M16 កាត់កាណុង ភ្ជង់មកលើលោកតាមកញ្ចក់រថយន្ត។ បន្ទាប់ពីភ្ជង់រូបលោក ហើយលោកបានបើករថយន្តតាម និងទូរស័ព្ទរាយការណ៍ទៅសមត្ថកិច្ច ទើបជននោះបើករថយន្ត រួមទាំងកាំភ្លើងយកទៅប្លុងចោល រួចគេចខ្លួនបាត់ ៕
ចែករំលែកព័តមាននេះ