ប្រធានធនាគារពិភពលោក Robert Zoellick បាននិយាយកាលពីថ្ងៃទី១៤ ថា អ្នកវិនិយោគបាត់បង់ជំនឿចិត្តលើភាពជាអ្នកដឹកនាំ សេដ្ឋកិច្ចរបស់ប្រទេសធំៗមួយចំនួន ហើយវាបានបង្ហាញលទ្ធផលដល់ការគំរាមកំហែងលើទីផ្សារពិភពលោកឱ្យធ្លាក់ចូលក្នុងតំបន់គ្រោះថ្នាក់ថ្មីមួយទៀត។ លោកបន្តថា
ប្រធានធនាគារពិភពលោក Robert Zoellick បាននិយាយកាលពីថ្ងៃទី១៤ ថា អ្នកវិនិយោគបាត់បង់ជំនឿចិត្តលើភាពជាអ្នកដឹកនាំ សេដ្ឋកិច្ចរបស់ប្រទេសធំៗមួយចំនួន ហើយវាបានបង្ហាញលទ្ធផលដល់ការគំរាមកំហែងលើទីផ្សារពិភពលោកឱ្យធ្លាក់ចូលក្នុងតំបន់គ្រោះថ្នាក់ថ្មីមួយទៀត។
លោកបន្តថា ព្រឹត្តិការណ៍ស្រដៀងគ្នាដែលកើតឡើងក្នុងសហរដ្ឋអាមេរិកនិងអឺរ៉ុបបានបន្លឺសំឡេងប្រាប់អ្នកវិនិយោគនៅក្នុងប្រទេសថាពួកគេខំតស៊ូគ្រប់គ្រងបញ្ហាប្រាក់បំណុលក្នុងមុខជំនួញរបស់ខ្លួននិងភាពអត់ការងាររួចហើយ។ ហើយអ្វីដែលយើងបានឃើញនៃជំនឿចិត្តដ៏ផុយស្រួយនោះ គឺដំណើរការនៃទីផ្សារសេដ្ឋកិច្ច។ ខ្ញុំគិតថា ហេតុការណ៍ទាំងនោះក៏បានរួមបញ្ចូលទាំងភាពមិនឋិតថេរមួយចំនួនផ្សេងទៀត ដែលបានជំរុញឲ្យយើងធ្លាក់ចូលក្នុងតំបន់គ្រោះថ្នាក់ថ្មី។ ខ្ញុំមិននិយាយលេងទេ ។
គាត់ថា សហរដ្ឋអាមេរិកធ្វើឱ្យជំនឿចិត្តក្នុងទីផ្សារបន្ទាប់ពីបង្ហាញពីការតវ៉ាយ៉ាងជូរចត់ក្នុងព្រឹទ្ធសភាលើបញ្ហាមិនចប់ដោយសារការខកខាននៃការសងប្រាក់បំណុល។ គាត់បន្តថា និយាយនេះមិនមែនថា សហរដ្ឋអាមេរិកប្រឈមមុខនឹងបញ្ហាទៀតនោះទេ។ បញ្ហាធ្ងន់ធ្ងរខ្លាំងនោះនៅតំបន់អឺរ៉ុប ដែលជាកន្លែងត្រូវចាត់វិធានការដោះស្រាយជាមួយប្រាក់បំណុលពួកគេ និងការប្រកួតប្រជែងបានធ្លាក់ចុះថយក្រោយ។ យើងដូចជាប្តូរពីការបំផ្លាញចូលទៅកាន់វិនាសកម្មដោយសារប្រទេសប្រើប្រាស់ប្រាក់អឺរ៉ូដ៏ច្រើន។ ទីផ្សារហិរញ្ញវត្ថុត្រូវបានទទួលរងនូវរបួសវិលមុខរយៈពេលប៉ុន្មានថ្ងៃខាងមុខ ដោយសារការកើនឡើងក្តីកង្វល់ពីវិបត្តិប្រាក់បំណុលនៅអឺរ៉ុបនិងសេដ្ឋកិច្ចអាមេរិកចុះខ្សោយហើយយើងអាចឃើញពិភពលោកដើរថយក្រោយនិងទៅមុខមិនរួច។
ប៉ុន្តែគាត់និយាយថា កម្រិតនៃផលប៉ះទង្គិចក្នុងដំណើរឡើងចុះដូចអង្គុយលើរថភ្លើងអាកាស កាន់តែធំអាស្រ័យលើកំរិតជំនឿចិត្តនៃការបាត់បង់នោះឯង។ គាត់លើកឡើងផងដែរថា យើងបាននិយាយជាច្រើនរួចមកហើយស្តីពីជំនឿចិត្តទីផ្សារ ប៉ុន្តែបញ្ហាពិតប្រាកដគឺ ជំនឿចិត្តទីផ្សារលើមុខជំនួញឬជំនឿចិត្តរបស់អតិថិជនហើយវាជាបញ្ហាមួយចំនួនដែលយើងមិនទាន់បានដឹងនៅឡើយ។ គាត់ថា ប្រាក់យ៉េនអាចក្លាយជារូបិយវត្ថុបំរុងក្នុងពេលអនាគត។ ប្រាក់ដុល្លារនឹងនៅតែជាប្រាក់បំរុងសំខាន់ដដែល ប៉ុន្តែខ្ញុំគិតថា យើង ចង់ផ្លាស់ប្តូរប្រព័ន្ធដែលនឹងមានរូបិយប័ណ្ណជាច្រើនចូលរួម៕
ចែករំលែកព័តមាននេះ