រាជធានីភ្នំពេញ ៖ អាជ្ញាធរខណ្ឌទួលគោកដឹកនាំដោយលោកសាំង សុភៈវិចិត្រ អភិបាលរងខណ្ឌ កាលពីយប់ថ្ងៃទី១៥ សីហា បានចុះទៅត្រួតពិនិត្យ និងធ្វើការណែនាំដល់ម្ចាស់ខារ៉ាអូខេ ចំនួន៣កន្លែង ដែលស្ថិតនៅតាមផ្លូវលេខ៥៩២ សង្កាត់បឹងកក់ទី២ ខណ្ឌទួលគោក ក្នុងបំណងធ្វើយ៉ាងណាឱ្យទីតាំងខារ៉ាអូខេទាំងនោះ
រាជធានីភ្នំពេញ ៖ អាជ្ញាធរខណ្ឌទួលគោកដឹកនាំដោយលោកសាំង សុភៈវិចិត្រ អភិបាលរងខណ្ឌ កាលពីយប់ថ្ងៃទី១៥ សីហា បានចុះទៅត្រួតពិនិត្យ និងធ្វើការណែនាំដល់ម្ចាស់ខារ៉ាអូខេ ចំនួន៣កន្លែង ដែលស្ថិតនៅតាមផ្លូវលេខ៥៩២ សង្កាត់បឹងកក់ទី២ ខណ្ឌទួលគោក ក្នុងបំណងធ្វើយ៉ាងណាឱ្យទីតាំងខារ៉ាអូខេទាំងនោះអនុវត្តឱ្យបាននូវគោលនយោបាយភូមិ-សង្កាត់មានសុវត្ថិភាព។
ទីតាំងខារ៉ាអូខេទាំង៣នេះគឺខារ៉ាអូខេកូនប្រសាស្រី, សំនៀងចិន្តា និងសំនៀងរីករាយ ដែលកន្លងមក ខារ៉ាអូខេនេះតែងមានស្រីៗ និងអ្នកយាមម៉ូតូចេញមកតាមដងផ្លូវហៅម៉ូយ បង្កភាពអនាធិបតេយ្យតាមដងផ្លូវសាធារណៈ ធ្វើឱ្យបាត់បង់សណ្តាប់ធ្នាប់ មិនតែប៉ុណ្ណោះធ្លាប់មានការទាស់ទែងគ្នា ហើយហៅជើងកាងមកដកកាំភ្លើងខ្លីភ្ជង់ក៏មានដែរ។
លោកសាំង សុភៈវិចិត្រ អភិបាលរងខណ្ឌ ទួលគោក បានឱ្យដឹងថា ដោយមានការណែនាំពីលោកសេង រតនៈ អភិបាលខណ្ឌទួលគោកថា ធ្វើយ៉ាងណាឱ្យគ្រប់ខារ៉ាអូខេទាំងអស់ ធានាឱ្យបាននូវសន្តិសុខ សណ្តាប់ធ្នាប់សង្គម លោកបានដឹកនាំមន្ត្រីរាជការជុំវិញខណ្ឌ សង្កាត់ ចុះមកត្រួតពិនិត្យខារ៉ាអូខេ និងណែនាំដល់ម្ចាស់ឱ្យដាក់កញ្ចក់ ទ្វារ ទីតាំងកុំឱ្យមើលឃើញដល់ក្នុងផ្ទះ នារីបំរើត្រូវស្លៀកពាក់ឱ្យបានសមរម្យ ហាមនារីខារ៉ាអូខេ និងអ្នកហៅម៉ូយ ប៉ោយដៃលើចិញ្ចើមផ្លូវហៅភ្ញៀវចូល ហាមនារីក្នុងខារ៉ាអូខេ រត់លេងឡូឡា រំខានដល់ប្រជាពលរដ្ឋរស់នៅក្បែរនោះ ហាមយកអាវុធចូល ហាមជួញដូរ ប្រើប្រាស់ គ្រឿងញៀន និងផ្លូវភេទ ហើយត្រូវបិទបំរាមតាមជញ្ចាំង។ បើសិនម្ចាស់មិនស្តាប់តាមការណែនាំនោះទេ អាជ្ញាធរ និងមានវិធានការ បិទអាជីវកម្មទាំងស្រុង ៕
ចែករំលែកព័តមាននេះ