សេចក្តីព្រាងគោលនយោបាយរដ្ឋាភិបាលថ្មីរបស់លោកស្រីយីងឡាក់ នឹងត្រូវ​ដាក់លើតុ​គណៈ​​រដ្ឋមន្ត្រីដើម្បីអនុម័តនៅថ្ងៃស្អែក ទី​១៦ សីហា ២០១១ មុនពេលបញ្ចូន​ទៅដល់ដៃសភា។​ នេះ​បើតាមសម្តីរបស់លោកស្រីយីងឡាក់កាលពី​ថ្ងៃ ទី១៥ សីហា។ លោកស្រីបន្តថា ប្រសិនបើ​គណៈ​​រដ្ឋ​​មន្ត្រី​គ្មាន​ការជំទាស់ទេ សេចក្តី​ព្រាង​នោះ​​នឹង​​​បញ្ជូន​​បន្តទៅឱ្យ​សភា ដើម្បីកំណត់ពេល​​​ឱ្យ​​រដ្ឋា​ភិបាល​អនុវត្ត​នូវ​គោលនយោបាយ​របស់​ខ្លួន។

គោលនយោបាយ​រដ្ឋាភិបាលថ្មីគ្រោង​ប្រកាស​នៅថ្ងៃទី២៤ សីហា។ លោកស្រី​នាយក​រដ្ឋ​មន្ត្រីបានទទួលដំណឹង​ថា ប៉ូលិសអន្តរជាតិ​(Interpol) បានដកដីកា​​ចាប់​ខ្លួន​បងប្រុស​របស់​លោកស្រី​ដែលជាអតីត​នាយក​រដ្ឋមន្ត្រីគឺ​លោក​ថាក់ស៊ីន ស៊ីណាវ៉ាត្រា ប៉ុនែ្តគាត់បានច្រាន​ចោល​ការពាក់ព័ន្ធគ្រប់បែបយ៉ាងជាមួយរដ្ឋាភិបាល​។ លោកស្រីនាយករដ្ឋ​មន្ត្រី​ប្រកែក​ថា គាត់​មិន​បាន​ជាប់​ពាក់​ព័ន្ធនឹងកិច្ចការបរទេស និងសន្តិសុខ​អន្តរ​ជាតិ​ឡើយ ហើយគាត់ក៏មិនទាន់​ពិនិត្យ​​បញ្ហានោះឱ្យ​បានល្អិតល្អន់នៅឡើយដែរ​។

ចំណែករឿងទំនាក់ទំនង់រវាងកម្ពុជាថៃ លោកស្រីនិយាយថា រដ្ឋាភិបាលនឹងដោះ​ស្រាយ​​​ជម្លោះព្រំដែនរវាងប្រទេសទាំងពីរតាម​ផ្លូវ​ការ​ទូត និងការចរចាដោយពឹង​លើផលប្រយោជន៍ របស់ប្រទេសទាំង​​២​រៀងៗខ្លួន​ ​មិនមែន​យោង​លើទំនាក់ទំនង​ឯកជនរវាងបងថាក់ស៊ីន និង​​សម្តេច​នាយក​រដ្ឋ​មន្ត្រីកម្ពុជាហ៊ុន សែន នោះទេ​។ ​ចំណែក​ ទំនាក់ទំនង​ពាណិជ្ជកម្មរវាងប្រទេស​ទាំង​ពីរនឹងអាចស្តារឡើងវិញ​កាន់តែ​លឿន​។ លោក​ស្រីយីងឡាក់ ស៊ីណាវ៉ាត្រា បាន​លើក​ឡើង​ថា លោកប្រធានាធិប​តីអាមេរិក​ Barack Obama ក៏បានសម្តែងការអប​អរសា​ទរ និងសង្ឃឹមថា​ប្រទេសថៃនិងដើរតួរនាទីនាំមុខក្នុងតំបន់
អាស៊ាន។

ចំពោះការស្ទង់មតិពីផលអវិជ្ជមានក្នុងការតែងតាំងលោក Surapong Towijakchaikul ជារដ្ឋមន្ត្រីការបរទេសនោះ​ លោកស្រីយីងឡាក់ និយាយថា យើង​មានទំនុកចិត្ត​លើ​លោក​Surapong ព្រោះ​គាត់​មានសមត្ថភាពគ្រប់​គ្រាន់​ក្នុងការបំពេញតួ​នាទី ហើយគាត់ត្រូវការពេល​វេលា​ដើម្បីបញ្ជាក់ពីខ្លួនគាត់។
ការអំពាវនាវរបស់លោក Jatuporn Prom​pan ឱ្យ​រដ្ឋាភិបាលសង​ប្រាក់​១០លានបាត​ដល់​គ្រួសារជនរងគ្រោះម្នាក់ៗ ដែលស្លាប់ក្នុងអំពើហិង្សា​ពេលមានបាតុកម្មលើដងផ្លូវកាលពីឆ្នាំមុន លោកស្រីនិយាយថា វាជាបញ្ហានយោបាយ​ដែល​ត្រូវតែយកមកពិភាក្សាដើម្បីឱ្យ​ស័ក្តិ​សម​នឹង​ថវិកា​ជាតិ។ ឥឡូវនេះ​​​យើង​កំពុង​តែ​ជួប​បញ្ហា​​ទឹកជំនន់​​​បំផ្លិចបំផ្លាញ​ដែលត្រូវ​​ដោះស្រាយ៕