រាជធានីភ្នំពេញះ៖ ប្រជាពលរដ្ឋរស់នៅភូមិដើមស្លែង សង្កាត់ច្បារអំពៅទី២ ខណ្ឌមានជ័យ ប្រមាណជា៣០គ្រួសារ បានរុះរើលំនៅឋានមកបោះជម្រកស្នាក់នៅបណ្តោះអាសន្នលើទីទួល សុវត្ថិភាព ដើម្បីបញ្ចៀសពីទឹកជំនន់ជន់លិចលំនៅឋានរបស់ពួកគាត់។
រាជធានីភ្នំពេញះ៖ ប្រជាពលរដ្ឋរស់នៅភូមិដើមស្លែង សង្កាត់ច្បារអំពៅទី២ ខណ្ឌមានជ័យ ប្រមាណជា៣០គ្រួសារ បានរុះរើលំនៅឋានមកបោះជម្រកស្នាក់នៅបណ្តោះអាសន្នលើទីទួលសុវត្ថិភាព ដើម្បីបញ្ចៀសពីទឹកជំនន់ជន់លិចលំនៅឋានរបស់ពួកគាត់។
នៅព្រឹកថ្ងៃទី១៥ សីហា ឆ្នាំ២០១១ លោកយ៉ិន វុធ ចៅសង្កាត់ច្បារអំពៅទី២ បានចុះណែនាំប្រជាពលរដ្ឋក្នុងមូលដ្ឋានឱ្យមកសាងសង់លំនៅឋានបណ្តោះអាសន្នលើផ្លូវបេតុងក្នុងភូមិដើមស្លែងដែលស្ថិតនៅមិនឆ្ងាយប៉ុន្មានពីលំនៅឋានដែលលិចលង់ទេ។ ឆ្លៀតឱកាសនោះ លោកយ៉ិន វុធ ក៏បានណែនាំដល់ប្រជាពលរដ្ឋឱ្យនាំគ្នាខិតខំថែរក្សាសុខភាព ហើយប្រុងប្រយ័ត្នកូនចៅកុំឱ្យចុះលេងទឹកក្រែងជួបគ្រោះថ្នាក់ផ្សេងៗ។
សូមរំលឹកដែរថា ជារៀងរាល់ឆ្នាំប្រជាពលរដ្ឋរស់នៅក្នុងភូមិសាស្ត្រខាងលើតែងតែត្រូវទឹកជំនន់ទន្លេមេគង្គជន់លិចពុំដែលខាន ហើយកាលពីឆ្នាំកន្លងមកពួកគាត់បានទៅបោះទីតាំងរស់នៅបណ្តោះអាសន្នក្នុងវត្តច្បារអំពៅ។ ដោយឡែកនៅឆ្នាំនេះ អាជ្ញាធរមូលដ្ឋានបានចុះសម្រួលឱ្យបងប្អូនសាងសង់កន្លែងរស់នៅតាមបណ្តោយផ្លូវបេតុងក្បែរលំនៅឋានរបស់ពួកគាត់វិញម្តងដោយសារនៅទីនោះក៏ពុំសូវមានមនុស្សធ្វើដំណើរឆ្លងកាត់ដែរ។
ជាមួយនឹងគ្រោះធម្មជាតិខាងលើនេះដែរប្រជាពលរដ្ឋបានសំណូមពរតាមរយៈកោះសន្តិភាពសុំជំនួយឧបត្ថម្ភពីបណ្តាអង្គការឬសប្បុរសជននានា សូមជួយដល់ពួកគាត់ផងព្រោះការរុះរើទីជម្រកគឺពិតជាជួបនូវការលំបាកហើយខ្វះខាតចៀសមិនផុតឡើយ៕
ចែករំលែកព័តមាននេះ