ខេត្តកំពង់ស្ពឺ ៖ យុវជនឈាមក្តៅម្នាក់ត្រូវបានសមត្ថកិច្ចស្រុកបសេដ្ឋធ្វើការ ចាប់ខ្លួនកាលពីព្រឹកថ្ងៃទី១៣ សីហា ហើយបញ្ជូនទៅកាន់ការិយាល័យកណ្តាលនគរបាលព្រហ្មទណ្ឌកម្រិតធ្ងន់នៃ ស្នងការដ្ឋាននគរបាលខេត្តកាលពីព្រឹកថ្ងៃទី១៥ សីហា ២០១១ ដោយចោទប្រកាន់ពីបទចាប់រំលោ.ភសេពសន្ថវៈនាងក្រមុំម្នាក់ ពេញមួយយប់
ខេត្តកំពង់ស្ពឺ ៖ យុវជនឈាមក្តៅម្នាក់ត្រូវបានសមត្ថកិច្ចស្រុកបសេដ្ឋធ្វើការចាប់ខ្លួនកាលពីព្រឹកថ្ងៃទី១៣ សីហា ហើយបញ្ជូនទៅកាន់ការិយាល័យកណ្តាលនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តកាលពីព្រឹកថ្ងៃទី១៥ សីហា ២០១១ ដោយចោទប្រកាន់ពីបទចាប់រំលោភសេពសន្ថវៈនាងក្រមុំម្នាក់ពេញមួយយប់នៅឯព្រៃជើងភ្នំ ស្ថិតក្នុងភូមិត្រពាំងវែង ឃុំផុង ស្រុកបសេដ្ឋ កាលពីថ្ងៃទី១២ សីហា២០១១ កន្លងទៅនេះ ខណៈនាងដើរមកពីស្ទូងក្រោយគេ។
អនុប្រធានការិយាល័យព្រហ្មទណ្ឌកម្រិតធ្ងន់ លោកសម សាក់ បានប្រាប់ហេតុការណ៍នេះថា យុវជនឈាមក្តៅឈ្មោះម៉ម ហឿន ភេទប្រុស អាយុ២៥ឆ្នាំ មានទីលំនៅភូមិត្រពាំងវែង ឃុំផុង ស្រុកបសេដ្ឋ កាលពីថ្ងៃទី១២ សីហា ២០១១ វេលាម៉ោង៦ល្ងាច ពេលអ្នកភូមិត្រឡប់មកពីស្ទូងវិលចូលផ្ទះវិញ ឈ្មោះម៉ម ហឿន ដើរពីក្រោយនាងក្រមុំឈ្មោះវង្ស សុគា អាយុ២១ឆ្នាំ មានទីលំនៅភូមិជាមួយគ្នា។ មិនដឹងជាមូលហេតុអ្វីទេ ស្រាប់តែអ្នកភូមិដើរលឿនទៅមុនអស់ យុវជននោះចាប់នាងក្រមុំនេះដោយប្រើកាំបិតមុខស្រួចភ្ជង់កនាងគំរាមកុំឱ្យស្រែក ហើយនាំទៅក្បែរដំបូកមួយក្នុងព្រៃរបោះជើងភ្នំ កំបាំងពីភ្នែកអ្នកភូមិ ហើយបង្ខំចាប់រំលោភសេពសន្ថវៈរហូតបានសម្រេចច្រើនដង បើទោះជាស្ថិតនៅហាលខ្យល់ ហាលសន្សើម ហាលមូសយ៉ាងណាក៏ដោយ ក៏ការបង្ខំរួមមេត្រីនៅតែជាទឹកឃ្មុំ របស់ជនអាក្រក់នេះដដែល។
លោកសម សាក់ បន្តថា ពេលនោះក៏មានអ្នកឃើញសភាពការណ៍រំលោភនេះដែរ និងបានទៅរាយការណ៍ប្រាប់ម្តាយឪពុកខាងស្រីទៀតផង។ តែល្ងាចនោះ ជនដៃដល់យល់ថា សភាពការណ៍មិនស្រួល ខ្លួនក៏នាំនាងក្រមុំរត់ទៅលើជើងភ្នំឈ្មោះភ្នំក្តីនៅក្នុងឃុំផុងនេះឯង ដេកអស់មួយយប់ គឺបង្ខំរំលោភសេពសន្ថវៈចំនួន៤ដងបានសម្រេចទាំងអស់។ លុះព្រឹកឡើងដោយពុំមានលុយកាក់ជាប់ខ្លួន ឈ្មោះម៉ម ហឿន ក៏បង្ខំចិត្តនាំនាងក្រមុំវង្ស សុគា មកជូនឪពុកម្តាយវិញ ក្រែងគេលើកលែងទោសគេ ឬយល់ព្រមរៀបការឱ្យ ព្រោះបើរត់ក៏គេចពុំរួចពីសមត្ថកិច្ចដែរ តែទីបំផុតនៅតែត្រូវចាប់ខ្លួន ៕
ចែករំលែកព័តមាននេះ