ខេត្តកំពង់ឆ្នាំង ៖ មនុស្សម្នាក់ស្លា.ប់ និង១៤នាក់ទៀតមានក្មេងចាស់ប្រុសស្រីបានរងការចុកពោះ ចុះខ្សោយ ក្អួតចង្អោរ ស្ពឹកដៃជើងដោយសារពុលត្រីក្រពត កាលពីវេលាម៉ោង១១និង៣០នាទីថ្ងៃត្រង់ទី១៤ សីហា ២០១១ នៅលំនៅឋានជនរងគ្រោះភូមិភ្លង ឃុំពាមឆ្ពោក ស្រុកជលគិរី ។
ខេត្តកំពង់ឆ្នាំង ៖ មនុស្សម្នាក់ស្លាប់ និង១៤នាក់ទៀតមានក្មេងចាស់ប្រុសស្រីបានរងការចុកពោះ ចុះខ្សោយ ក្អួតចង្អោរ ស្ពឹកដៃជើងដោយសារពុលត្រីក្រពត កាលពីវេលាម៉ោង១១និង៣០នាទីថ្ងៃត្រង់ទី១៤ សីហា ២០១១ នៅលំនៅឋានជនរងគ្រោះភូមិភ្លង ឃុំពាមឆ្ពោក ស្រុកជលគិរី ។
តាមការរៀបរាប់របស់ស្ត្រីឈ្មោះយិន ស្រីមុំ ដែលរងការពុលស្រាលបាននិយាយថា មុនពេលហូបត្រីក្រពតបង្កឱ្យមានការពុលនេះ ក្រុមគ្រួសារគាត់ដែលមានបងប្អូនបង្កើត ជីដូនមួយ ច្រើននាក់បាននាំគ្នាហូបត្រីក្រពត ដែលបានមកពីការដាក់ឡើប្រហែល៥គីឡូក្រាម។ ពេលនោះពួកគាត់នាំគ្នាបំពងខ្លះ និងស្ងោរខ្លះ ឆ្អិនបណ្តើរហូបបណ្តើរ មើលទៅហាក់សប្បាយរីករាយណាស់ ព្រោះថា ជាថ្ងៃសែនចិនផង។ ស្រាប់តែបន្តិចក្រោយមក ក៏នាំគ្នាចុកពោះ ស្ពឹកដៃជើង និងថប់ដង្ហើម ហើយក៏ដឹងថា ពិតជាពុលត្រីក្រពត ទើបនាំគ្នាជិះកាណូតប្រញាប់ទៅកាន់មន្ទីរពេទ្យទាំងអស់គ្នាមានចំនួន១៥នាក់ មានក្មេងចាស់ប្រុសស្រី។
លុះមកដល់ពាក់កណ្តាលផ្លូវឈ្មោះសេក សៀង អាយុ៣៥ឆ្នាំ ភេទប្រុសបានស្លាប់លើកាណូតគួរឱ្យសោកស្តាយ ។ នៅសល់១៤នាក់ទៀតបានខំតស៊ូធ្វើដំណើររហូតដល់មន្ទីរពេទ្យនាវេលាម៉ោង២និង៣០នាទីរសៀល ហើយត្រូវបានសង្គ្រោះទាន់ពេល។ ក្រុមគ្រូពេទ្យដែលបានធ្វើការសង្គ្រោះបាននិយាយថា មនុស្សទាំង១៤នាក់ដែលកំពុងព្យាបាលនេះមាន៤នាក់ស្ថិតក្នុងសភាពធ្ងន់ធ្ងរនៅឡើយ ៕
ចែករំលែកព័តមាននេះ