រាជធានីភ្នំពេញ ៖ គណបក្សប្រជាជនខណ្ឌទួលគោក កាលពីព្រឹកថ្ងៃទី១៣ ខែសីហា បានរៀបចំផ្សព្វផ្សាយលទ្ធផលសន្និបាតគណៈកម្មាធិការកណ្តាលលើកទី៣៦ អាណត្តិទី៥ គណបក្សប្រជាជនកម្ពុជា ក្រោមអធិបតីភាពលោកនាយឧត្តមសេនីយ៍ផ្កាយមាស៤ នាង ផាត អនុប្រធានក្រុមការងារចុះជួយរាជធានីភ្នំពេញ និង
រាជធានីភ្នំពេញ ៖ គណបក្សប្រជាជនខណ្ឌទួលគោក កាលពីព្រឹកថ្ងៃទី១៣ ខែសីហា បានរៀបចំផ្សព្វផ្សាយលទ្ធផលសន្និបាតគណៈកម្មាធិការកណ្តាលលើកទី៣៦ អាណត្តិទី៥ គណបក្សប្រជាជនកម្ពុជា ក្រោមអធិបតីភាពលោកនាយឧត្តមសេនីយ៍ផ្កាយមាស៤ នាង ផាត អនុប្រធានក្រុមការងារចុះជួយរាជធានីភ្នំពេញ និងជាប្រធានក្រុមការងារចុះជួយខណ្ឌទួលគោក។ នៅក្នុងឱកាសនោះដែរក៏មានការចូលរួមពីក្រុមការងារ សមាជិក-សមាជិកាបក្សយ៉ាងច្រើនកុះករ ។
លោកសេង រតនៈ ប្រធានគណៈកម្មាធិការបក្សខណ្ឌទួលគោកបានឡើងអានសុន្ទរកថាសម្តេចអគ្គមហាធម្មពោធិសាលជា ស៊ីម ប្រធានគណបក្សប្រជាជនកម្ពុជា ក្នុងឱកាសបិទសន្និបាតគណៈកម្មាធិការកណ្តាលលើកទី៣៦ ដើម្បីឱ្យសមាជិកបក្សបានយល់ពីអង្គសន្និបាត ។ សន្និបាតបានបញ្ជាក់ជាថ្មីនូវការគាំទ្របេក្ខភាពសម្តេចអគ្គមហាសេនាបតីតេជោហ៊ុន សែន ធ្វើជានាយករដ្ឋមន្ត្រីសម្រាប់អាណត្តិទី៥ និងអាណត្តិក្រោយៗទៀត ។ នៅក្នុងនោះ អង្គសន្និបាតក៏បានវាយតម្លៃប្រកបដោយមោទនភាពចំពោះជោគជ័យនៅក្នុងវិស័យការពារជាតិ ដែលបានធ្វើឱ្យបរាជ័យជាបន្តបន្ទាប់នូវសង្គ្រាមឈ្លានពានរបស់ថៃមកលើអធិបតេយ្យ និងបូរណភាពទឹកដីកម្ពុជា។
លោកនាយឧត្តមសេនីយ៍នាង ផាត ក៏បានលើកឡើងពីរាជរដ្ឋាភិបាលកម្ពុជាក្រោមការដឹកនាំរបស់គណបក្សប្រជាជនកម្ពុជាធ្វើឱ្យប្រទេសជាតិមានសុខសន្តិភាព និងស្ថិរភាពនយោបាយ សេដ្ឋកិច្ចមានការរីកចម្រើន និងជឿនលឿន ឈ្នះអស់ខ្មាំងសត្រូវដែលប៉ុនប៉ងឈ្លានពានទឹកដី ។ ទាំងអស់នេះគឺបានមកដោយសារការធ្វើពលិកម្មគ្រប់បែបយ៉ាងរបស់វីរកងទ័ពយើង ប្រជាជនយើង ក្រោមការដឹកនាំនិងយកចិត្តទុកដាក់របស់សម្តេចអគ្គមហាសេនាបតីតេជោហ៊ុន សែន ។
លោកនាយឧត្តមសេនីយ៍នាង ផាត ក៏បានណែនាំដល់សមាជិក-សមាជិកាបក្ស ត្រូវប្រមូលកម្លាំងបន្ថែម និងបន្តពង្រឹងអង្គការចាត់តាំងគ្រប់ថ្នាក់ដោយចុះមូលដ្ឋានដើម្បីកសាងទំនុកចិត្ត ធ្វើយ៉ាងណាឱ្យប្រជាពលរដ្ឋមានការជឿទុកចិត្តហើយបោះឆ្នោតជូនគណបក្សប្រជាជនកម្ពុជាយើង ៕
ចែករំលែកព័តមាននេះ