រដ្ឋមន្ត្រីសេដ្ឋកិច្ចអាស៊ាន បានព្យាករកាលពីថ្ងៃសៅរិ៍ ទី១៣ សីហា ថា សេដ្ឋកិច្ចក្នុងតំបន់ នឹងលូតលាស់យឺតក្នុងឆ្នាំនេះដោយសារវិបត្តិប្រាក់បំណុលនៅអឺរ៉ុប និងគម្រោងការកាត់បន្ថយការចំណាយរបស់សហរដ្ឋអាមេរិក។ មន្ត្រីអាស៊ាននិយាយថា សេដ្ឋកិច្ចអាស៊ានកើនឡើង៧,៥ភាគរយក្នុងឆ្នាំ២០១០ ប៉ុន្តែរំពឹងថា វាប្រហែលជាធ្លាក់ចុះ៦ភាគ
រដ្ឋមន្ត្រីសេដ្ឋកិច្ចអាស៊ាន បានព្យាករកាលពីថ្ងៃសៅរិ៍ ទី១៣ សីហា ថា សេដ្ឋកិច្ចក្នុងតំបន់ នឹងលូតលាស់យឺតក្នុងឆ្នាំនេះដោយសារវិបត្តិប្រាក់បំណុលនៅអឺរ៉ុប និងគម្រោងការកាត់បន្ថយការចំណាយរបស់សហរដ្ឋអាមេរិក។ មន្ត្រីអាស៊ាននិយាយថា សេដ្ឋកិច្ចអាស៊ានកើនឡើង៧,៥ភាគរយក្នុងឆ្នាំ២០១០ ប៉ុន្តែរំពឹងថា វាប្រហែលជាធ្លាក់ចុះ៦ភាគរយក្នុងឆ្នាំនេះ។
រដ្ឋមន្ត្រីសេដ្ឋកិច្ចបានកត់សំគាល់ក្រោយការជួបប្រជុំក្នុងប្រទេសឥណ្ឌូណេស៊ីថា ពួកគេបន្តទប់ទល់និងកាត់បន្ថយភាពគ្រោះថ្នាក់ រួមមានវិបត្តិប្រាក់បំណុលរបស់ខ្លួន និងបញ្ហាក្នុងទីផ្សារមួយចំនួនដែលចេះតែរីកធំ ការកើនឡើងតំលៃស្បៀង និងទំនិញបញ្ហានៅទីផ្សារហិរញ្ញវត្ថុដែលចេះតែបន្ត ។ រដ្ឋមន្ត្រីអាស៊ានទាំងអស់បានព្រមព្រៀងថា អាស៊ានត្រូវតែប្រុងប្រយ័ត្នចំពោះស្ថានភាពគ្រោះថ្នាក់នៅចំពោះមុខ។
សេដ្ឋកិច្ចលូតលាស់ក្នុងប្រទេសអាស៊ានគួរតែនៅចន្លោះ៥,៧ទៅ៦,៤ភាគរយក្នុងឆ្នាំ២០១១ ដោយសារការវិនិយោគនិងពាណិជ្ជកម្ម ក្នុងតំបន់ដែលបានជួយចាប់ផ្តើមអភិវឌ្ឍសេដ្ឋកិច្ចទន់ខ្សោយ។
លោកស្រីរដ្ឋមន្ត្រីពាណិជ្ជកម្មឥណ្ឌូណេស៊ី Mari Pangestu និយាយថា អាស៊ីអាគ្នេយ៍គឺជាកន្លែងដ៏ល្អក្នុងការដោះស្រាយជាមួយសេដ្ឋកិច្ចពិភពលោកដែលមិននឹងនរច្បាស់លាស់ ហើយលោកស្រីព្យាករថាវានឹងបន្តជាច្រើនឆ្នាំទៀត។ លោកស្រីបានប្រាប់អ្នកសារព័ត៌មានថា រដ្ឋមន្ត្រីសេដ្ឋកិច្ចទាំងអស់យល់ឃើញដូចគ្នាថា នាពេលខាងមុខអាចជា មួយឆ្នាំឬពីរឆ្នាំខាងមុខ ភាពស្រពិចស្រពេចនៃសេដ្ឋកិច្ចពិភពលោកនិងបន្ត ហើយស្ថិតក្នុងស្ថានភាពតស៊ូរស់។
ជំនួញពាណិជ្ជកម្មក្នុងប្រទេសអាស៊ានកើនឡើង៣២,៩ភាគរយ ស្មើ២,០៤សែនកោដិដុល្លារ ក្នុងឆ្នាំ២០១០ បន្ទាប់ពីធ្លាក់ចុះ១៩ភាគរយក្នុងឆ្នាំ២០០៩។ ការវិនិយោគផ្ទាល់ពីបរទេសក្នុងតំបន់អាស៊ានបានកើនឡើង១៩ភាគរយ ក្នុងមួយទសវត្សន៍មកនេះ ហើយកាលពីឆ្នាំមុនបានកើនឡើងចំនួន៧៥,៨ពាន់លានដុល្លារ។ ប្រទេសអាស៊ានដែលមានកម្ពុជា ម៉ាឡេស៊ី សិង្ហបុរី ហ្វ៊ីលីពីន វៀតណាម ថៃ ឡាវ ប្រ៊ុយណេ ឥណ្ឌូណេស៊ី និងថៃ បានជួបប្រជុំជាមួយមន្ត្រីជាន់ខ្ពស់ដែលមកពីដៃគូអាស៊ានមានប្រទេសចិន ជប៉ុន ឥណ្ឌា កូរ៉េខាងត្បូង និងសហរដ្ឋអាមេរិក នៅក្នុងទីក្រុងManado នៅលើកោះ Sulawesi អស់រយៈពេល៣ថ្ងៃមកហើយ។
កិច្ចប្រជុំបានពិភាក្សាគ្នាលើយុទ្ធសាស្ត្រ ក្នុងការទប់ទល់ជាមួយការធ្លាក់ចុះនៃសេដ្ឋកិច្ចពិភពលោក ដោយសារភាពភ័យខ្លាចនៃវិបត្តិប្រាក់បំណុលអឺរ៉ុប និងអត្រាឥណទានអាមេរិកធ្លាក់ចុះ។ ទីផ្សារពិភពលោករង្គោះរង្គើមួយសប្តាហ៍មកហើយដោយសារមានពាក្យចចាមអារ៉ាមនៃការធ្លាក់ចុះអត្រាឥណទានប្រទេសបារាំងព្រោះវិបត្តិប្រាក់បំណុល ដែលចាប់ផ្តើមចេញរូបរាងលើ្រប្រទេសក្រិច ហើយពេលនេះកំពុងមានការព្រួយបារម្ភដល់ប្រទេសអេស្ប៉ាញ និងអ៊ីតាលីដែលអាចនឹងប៉ះពាល់ដល់ការបែកបាក់រូបិយវត្ថុប្រទេសចំនួន១៧ដែលប្រើប្រាស់ប្រាក់អឺរ៉ូ។
អ្នកវិនិយោគទាំងអស់ក៏កំពុងមើលប្រទេសបារាំង និងអាល្លឺម៉ង់ ដែលជាប្រទេសមានសេដ្ឋកិច្ចខ្លាំងបំផុតក្នុងតំបន់អឺរ៉ុបថាអាចសងប្រាក់បំណុលដោយមិនចាំាបាច់បញ្ចុះអត្រាឥណទានរបស់ពួកគេ និងក្លាយជាខ្លួនជាជនរងគ្រោះនៃវិបត្តិប្រាក់បំណុលឬទេ។ ចំណែកក្នុងទ្វីបអាស៊ីក៏មានក្តីបារម្ភពីសុខភាពនៃប្រព័ន្ធធនាគារចិន ដែលពេលនេះមានអត្រាអតិផរណាកើនឡើង៦,៥ភាគរយក្នុងខែកក្កដាជាអត្រាខ្ពស់បំផុតមិនធ្លាប់មានក្នុងរយៈ៣ឆ្នាំមកនេះ៕
ចែករំលែកព័តមាននេះ