រាជធានីភ្នំពេញ ៖ រថយន្តដឹកសំរាមរបស់ក្រុមហ៊ុនស៊ីនទ្រីមួយគ្រឿងត្រូវជាងជួសជុល ប្រចាំក្រុមហ៊ុនបន្ទាប់ពីជួលជុលរួចក៏ឡើងបើកសាកបណ្តាលឱ្យ ជ្រុលទៅបុកបង្គោលភ្លើងអគ្គិសនីមួយដើមបាក់និងបុករបង ស្រះចិញ្ចឹមត្រីបាក់ធ្លាក់ក្បាលរថយន្តគងចូលម៉ាត់ស្រះទើបអស់ ល្បឿនទៅមុខលែងរួច។ ហេតុការណ៍នេះកើតឡើង
រាជធានីភ្នំពេញ ៖ រថយន្តដឹកសំរាមរបស់ក្រុមហ៊ុនស៊ីនទ្រីមួយគ្រឿងត្រូវជាងជួសជុលប្រចាំក្រុមហ៊ុនបន្ទាប់ពីជួលជុលរួចក៏ឡើងបើកសាកបណ្តាលឱ្យជ្រុលទៅបុកបង្គោលភ្លើងអគ្គិសនីមួយដើមបាក់និងបុករបងស្រះចិញ្ចឹមត្រីបាក់ធ្លាក់ក្បាលរថយន្តគងចូលម៉ាត់ស្រះទើបអស់ល្បឿនទៅមុខលែងរួច។ ហេតុការណ៍នេះកើតឡើងនៅបុរីសូនី ស្ថិតក្នុងភូមិឫស្សី សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង៥និង៣០នាទីល្ងាចថ្ងៃទី១៣ សីហា ឆ្នាំ២០១១។
សមត្ថកិច្ចនគរបាលចរាចរមូលដ្ឋានសហការជាមួយនគរបាលនៃការិយាល័យជំនាញបានទៅវាស់វែង រួចយករថយន្តនោះទៅរក្សាទុកនៅស្នងការដ្ឋាននគរបាលរាជធានីភ្នំពេញជាបណ្តោះអាសន្នរង់ចាំដោះស្រាយគ្នានៅពេលក្រោយជាមួយអង្គភាពអគ្គិសនីកម្ពុជា និងម្ចាស់របងស្រះចិញ្ចឹមត្រី។
តាមការរៀបរាប់របស់ឈ្មោះប៉ិន ធឿន ភេទប្រុស អាយុ៣០ឆ្នាំ ដែលជាជាងជួសជុលរថយន្តរបស់ក្រុមហ៊ុនស៊ីនទ្រី និងជាអ្នកបើកបររថយន្តនោះថា បន្ទាប់ពីជួសជុលរថយន្តរួចគេឡើងបើកសាកមើលទើបជ្រុលទៅបុកបង្គោលភ្លើង និងរបងស្រះចិញ្ចឹមត្រី ដោយសារតែគេកាច់ចង្កូតគេចពីរថយន្តកូរ៉ូឡាមួយគ្រឿងដែលបើកមកបញ្ច្រាសទិសគ្នា៕
ចែករំលែកព័តមាននេះ