ដំណើរវិលត្រឡប់ចូលប្រទេសវិញរបស់ម្ចាស់ជើងឯកប្រណាំងកង់Tour de France ឆ្នាំ២០១១កាដែល អេវែនត្រូវបានទទួលស្វាគមន៍ពីមនុស្សរាប់ពាន់ម៉ឺននាក់នៅទីក្រុងមែលប៊ីនប្រទេសអូស្ត្រាលី។ កាលពីថ្ងៃសុក្រ (ម៉ោងនៅអូស្ត្រាលី) កាដែលអេវែនបានទៅដល់មាតុប្រទេសរបស់ខ្លួនវិញដោយនាំយកមកទៅជាមួយនូវពានជើងឯក
ដំណើរវិលត្រឡប់ចូលប្រទេសវិញរបស់ម្ចាស់ជើងឯកប្រណាំងកង់Tour de France ឆ្នាំ២០១១កាដែល អេវែនត្រូវបានទទួលស្វាគមន៍ពីមនុស្សរាប់ពាន់ម៉ឺននាក់នៅទីក្រុងមែលប៊ីនប្រទេសអូស្ត្រាលី។ កាលពីថ្ងៃសុក្រ (ម៉ោងនៅអូស្ត្រាលី) កាដែលអេវែនបានទៅដល់មាតុប្រទេសរបស់ខ្លួនវិញដោយនាំយកមកទៅជាមួយនូវពានជើងឯក Tour de France ឆ្នាំ២០១១ដែលខ្លួនបានឈ្នះអំឡុងការប្រណាំង៣សប្តាហ៍នៅបារាំង។
អេវែនដែលជិះកង់ឲ្យក្រុម BMC Racing Team ត្រូវបានក្រុមអ្នកគាំទ្រអូស្ត្រាលីចាត់ទុកថាជាវីរបុរសកីឡាជាតិរបស់ខ្លួន។ ជ័យជម្នះរបស់គេសម្រាប់វិស័យប្រណាំងកង់អូស្ត្រាលីគឺជាជ័យជម្នះលើកដំបូងហើយគិតចាប់តាំងពីឆ្នាំ១៩០៣មក ។
អ្នកគាំទ្រណែនណាន់តាន់តាប់ដែលបានមកប្រមូលផ្តុំគ្នាជុំវិញទីលាន Federation Square បានស្រែកសាទរកាដែល អេវែនយ៉ាងកងរំពង។ អេវែនបាននិយាយដោយរំភើបចិត្តថា៖ «ជាកិត្តិយសដ៏ធំមួយដែលអាចមកឈរនៅទីនេះ ជាពិសេសបានពាក់អាវកាក់ពណ៌លឿងបង្ហាញអ្នកគ្រប់គ្នានៅទីនេះ។ ជាការប្រណាំងដ៏អស្ចារ្យមួយហើយវាមិនទាន់បានបញ្ចប់នៅឡើយទេ» ។
បន្ទាប់ពីត្រូវបានជិះអមដំណើរដោយអ្នកជិះកង់វ័យក្មេងរបស់អូស្ត្រាលីមួយក្រុម អេវែនត្រូវបានថ្លែងស្វាគមន៍និងអបអរសាទរដោយនាយករដ្ឋមន្ត្រីអូស្ត្រាលី Julia Gillardតាមរយៈសារជារូបភាពវីដេអូមួយ។
សូមបញ្ជាក់ថា ក្នុងពេលថ្មីៗនេះ កីឡាករអេវែនទើបតែបានចុះហត្ថលេខាពន្យារកុងត្រាប្រណាំងឲ្យក្រុម BMC Racing Team ដល់ឆ្នាំ២០១២ និងបានចូលរួមជាមួយកីឡាករន័រវេសថូ ហាសូវដែលជំនាញខាងជិះឡើងទួល។ ប៉ុន្តែការចាប់ដៃគូគ្នាជាមួយហាសូវ អេវែនហាក់មិនសូវជាពេញចិត្តនោះទេដ្បិតគេយល់ថា កីឡាករហាសូវនឹងក្លាយជាអ្នកគម្រាមកំហែងការដណ្តើមយកពានជើងឯកពិភពលោករបស់ខ្លួន។ ហាសូវជាកីឡាករជើងខ្លាំងម្នាក់ដោយកាលពីឆ្នាំទៅមិញគេបានដណ្តើមយកពានជើងឯកពិភពលោកពីអេវែនទៅបាត់។ ចំណែកក្នុងការប្រណាំង Tour de France នៅបារាំងឆ្នាំនេះគេដណ្តើមបានការគ្រងអាវកាត់ពណ៌លឿងអស់ជាច្រើនដំណាក់ទៀតផង ៕
ចែករំលែកព័តមាននេះ