ពិធីបូជាព្រះស.ពព្រះសង្ឃរងគ្រោះ ក្នុងករណីឃា.តកម្មនៅស្រុកព្រៃនប់ ប្រព្រឹត្តទៅដោយក្តីសោ.កសង្រេង
- ព្រះសីហនុ
ខេត្តព្រះសីហនុ ៖ ព្រះសពព្រះសង្ឃ ព្រះនាម សយ សំអៀន គង់នៅវត្តសំរិទ្ធគិរីថ្មដា(ហៅថ្មដាក្រោម)ដែលត្រូវជនដៃដល់មានចេតនាគិតទុក ជាមុន(ដោយប្រើដំបងវាយនិងកាំបិតអារកនិងកាប់សម្លាប់រួចយកសពទៅក្រោយសាលាវិទ្យុវត្ត ចាក់សាំងដុតសព កាលពីម្សិលមិញ ត្រូវបានរៀបចំពិធីបូជាព្រះសពនៅម៉ោងជាង៩ព្រឹកថ្ងៃទី២២ តុលា ឆ្នាំ២០២៦នេះ ក្រោមវត្តមាន លោកអ៊ី ធារិន អភិបាលស្រុកព្រៃនប់ ជាអ្នកប្រគេនព្រះអគ្គី។ គួររំលឹកថា ជនម្នាក់ធ្វើគុ.តព្រះសង្ឃមួយក្នុងវត្ត លុះចាប់បាន សារភាពប្រាប់មូលហេតុ
សូមរំលឹកឡើងវិញថា តាមប្រភពពីសមត្ថកិច្ចប្រាប់ឲ្យដឹងថា មានករណីឃាតកម្មសម្លាប់ព្រះសង្ឃមួយអង្គព្រះនាម សយ សំអៀន ព្រះជន្ម២២ឆ្នាំ ជាព្រះសង្ឃគង់នៅវត្ថសំរិទ្ធគិរីថ្មដា (ហៅថ្មដាក្រោម) ដោយជនសង្ស័យប្រើដំបងវាយនិងយកកាំបិតអារក និងកា ប់សម្លាប់ រួចយកសពទៅក្រោយសាលាវិទ្យុវត្ត ហើយយកសាំង១កាដុងចំណុះ៣០លីត្រ មកចាក់ដុតសពចោលតែម្តង។ ជនសង្ស័យឈ្មោះ ហឿម សុភា ភេទប្រុស អាយុ២៦ ឆ្នាំ មុខរបរជាងសំណងក្នុងវត្ត មានស្រុកកំណើតនៅខេត្តកំពត ត្រូវជាប្អូនប្រុសបង្កើតព្រះគ្រូចៅអធិការវត្តថ្មដាក្រោមនោះតែម្តង ហើយទើបមកស្នាក់នៅក្នុងវត្តរយៈពេលខ្លីប្រមាណជា៣ខែ ។
ចំពោះមូលហេតុ តាមលោកអ៊ួង វុទ្ធី អធិការនគរបាលស្រុកព្រៃនប់ឲដឹងថា ពាក់ព័ន្ធជនសង្ស័យសម្លាប់ព្រះសង្ឃមួយអង្គក្នុងវត្តពុទ្ធគីរី ហៅវត្តថ្មដាក្រោម កាលពីម៉ោងជាង៣ទៀបភ្លឺព្រឹកមិញ ២១តុលា២០២៦នេះ ជនសង្ស័យបានសារភាពប្រាប់សមត្ថកិច្ចថា ដោយសារគំនុំ ខឹងព្រះសង្ឃអង្គនោះតែងតែសឹងនៅសាលាឆាន់ ឱ្យទៅសឹងនៅកុដិមិនព្រមទៅ ទើបក្លាយជាគំនុំខឹងជាប់ក្នុងចិត្ត ដល់ម៉ោងថ្ងៃកើតហេតុ ជនសង្ស័យបានយកដំបងវាយទៅលើព្រះចំនួន២ដំបង ហើយយកកាំបិតអារកបន្ថែម រួចក៍ដឹកតាមរទេះយកទៅដុតនៅក្បែរបន្ទប់ផ្សាយវិទ្យុ ពេលដឹកទៅដល់ ខ្លាចព្រះសង្ឃរងគ្រោះមិនទាន់សុគត់ ជនសង្ស័យបានយកកាំបិតកាប់បន្ថែម៤កាំបិតទៀត ទើបចាក់សាំងដុតតែម្តង ។
ជនសង្ស័យត្រូវបានសមត្ថកិច្ចនគរបាលឃាត់ខ្លួនបានភ្លាមៗនៅកន្លែងកើតហេតុ ពេលកំពុងដុតសព ហើយបញ្ជូនមកអធិការដ្ឋានដើម្បីចាត់ការតាមនីតិវិធី ។
សូមរំលឹកជីវប្រវត្តិព្រះសង្ឃរងគ្រោះដូចខាងក្រោមនេះ ៖
សាមណេរព្រះនាមសយ សំអៀន ព្រះជន្ម២២ព្រះវស្សា ទីកន្លែងកំណើតភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ ប្រសូតក្នុងត្រកូលកសិករ សាមណេរ សយ អៀន អភ័ព្វតាំងពីតូច ប្រសូតបាន៦ខែ លោកឪពុកបានលាចាកលោក បន្សល់ទុកសាមណេរ រស់នៅជាមួយម្តាយរហូតដល់អាយុ៦ឆ្នាំ ម្តាយបានបញ្ជូនឱ្យមករៀនសាលាបឋមជើងគោ ។
រហូតព្រះជន្មបាន១០ឆ្នាំ បានសុំម្តាយចូលបួស ក្នុងព្រះពន្ធសាសនា ក្នុងវត្តបឹងរាំង ឃុំសាមគ្គី ស្រុកព្រៃនប់ ខេត្តព្រះសីហនុ ។
ក្រោយមកសាមណេរ សយ អៀន បានគង់នៅវត្តបច្ចុប្បន្ន វត្តថ្មដាក្រោម នៅឆ្នាំ២០០៨ ដើម្បីបន្តការសិក្សា រហូតបានប្រឡងជាប់សញ្ញាបត្រមធ្យមសិក្សាទុតិយភូមិនៅឆ្នាំ២០២៦នេះ ។ ក្រោយប្រឡងជាប់ សាមណេរ សយ អៀន បានខិតខំរៀនធម៌វិន័យ និងរៀនភាសាបរទេសផ្សេងទៀត ។ លុះដល់ថ្ងៃទី២១ តុលា ឆ្នាំ២០២៦ វេលាម៉ោង៣និង២០នាទីយប់ទៀភ្លឺ(ថ្ងៃកើតហេតុ) សាមណេរ សយ អៀន បានអនិច្ចកម្ម ដោយសារករណីមនុស្សឃាត ក្នុងព្រះជន្មាយុ២២ព្រះវស្សា ៕
ចែករំលែកព័តមាននេះ