ខេត្តក្រចេះ ៖ កូនត្រីឆ្តោមានចំនួនជាង២ម៉ឺនកូន ដែលបានមកពីការចាប់រឹបអូសយកតាមបែរដែលលួចចិញ្ចឹមដោយខុសច្បាប់ រួមជាមួយឧបករណ៍នេសាទល្មើសមួយចំនួនទៀតបានលែង និងដុតបំផ្លាញចោលនៅថ្ងៃតែមួយក្រោយពីអាជ្ញាធរ សមត្ថកិច្ចមានវិធានការក្តៅបង្រ្កាប នៅតាមបណ្តាឃុំមួយចំនួនក្នុងស្រុកឆ្លូង ។
ខេត្តក្រចេះ ៖ កូនត្រីឆ្តោមានចំនួនជាង២ម៉ឺនកូន ដែលបានមកពីការចាប់រឹបអូសយកតាមបែរដែលលួចចិញ្ចឹមដោយខុសច្បាប់ រួមជាមួយឧបករណ៍នេសាទល្មើសមួយចំនួនទៀតបានលែង និងដុតបំផ្លាញចោលនៅថ្ងៃតែមួយក្រោយពីអាជ្ញាធរ សមត្ថកិច្ចមានវិធានការក្តៅបង្រ្កាប នៅតាមបណ្តាឃុំមួយចំនួនក្នុងស្រុកឆ្លូង ។
ការចុះបង្រ្កាប និងលែងកូនត្រីចូលបឹងធម្មជាតិវិញ ព្រមទាំងការដុតបំផ្លាញឧបករណ៍នេសាទខុចច្បាប់នេះបានធ្វើឡើងកាលពីថ្ងៃទី១០ សីហា នៅឃុំព្រែកសាម៉ាន ស្រុកឆ្លូង ដោយមានការចូលរួមពីសំណាក់លោកម៉ុក ពន្លក នាយរងខណ្ឌរដ្ឋបាលជលផលខេត្ត លោកអភិបាលស្រុកឆ្លូង មន្រ្តីសហគមន៍ មេឃុំ និងកងកម្លាំងប្រដាប់អាវុធ ។
លោកម៉ុក ពន្លក នាយរងខណ្ឌរដ្ឋបាលជលផលខេត្តបានឱ្យដឹងថា ដោយអនុវត្តតាមសេចក្តីជូនដំណឹងលេខ០០៤សជ ស្តីពីការហាមមិនឱ្យចិញ្ចឹមត្រីឆ្តោ និងត្រីរ៉ស់ លោកបានដឹកនាំកម្លាំងមន្រ្តីក្រោមឱវាទចុះបង្ក្រាប និងលែងកូនត្រីឆ្តោដែលបានចាប់នៅក្នុងស្រុកឆ្លូងមានចំនួន៨បែដែលមានកូនត្រីឆ្តោជាង២ម៉ឺនកូនចូលទៅក្នុង
បឹងធម្មជាតិ ។ លោកបានបញ្ជាក់ថា នៅក្នុងការចាប់ និងចាក់លែងកូនត្រីទាំងនោះ សមត្ថកិច្ច បានប្រាប់ម្ចាស់បែទាំងនេះឱ្យបញ្ឈប់នៅសកម្មភាពខុសច្បាប់នេះតទៅទៀត ព្រោះវាធ្វើឱ្យប៉ះពាល់យ៉ាងខ្លាំងដល់ធនធានធម្មជាតិដោយសារតែអ្នកចិញ្ចឹមចាំបាច់ត្រូវនេសាទកូនត្រីរាប់សិបប្រភេទធ្វើជាចំណីរបស់ត្រីទាំងពីរប្រភេទនេះ។
លោកនាយរងខណ្ឌបានបន្ថែមថា ជាមួយការចុះចាប់ និងលែងកូនត្រីឆ្តោ ក៏បានធ្វើការចាប់រឹបអូសសម្ភារឧបករណ៍នេសាទខុសច្បាប់មួយចំនួននៅបឹងក្នុងឃុំព្រែកសាម៉ាន់ ស្រុកឆ្លូងរួមមានរបាំងស្បៃមុងចំនួន២៥ខ្សែ ប្រវែង២.៧០០ម៉ែត្រ លូស្បៃមុងចំនួន២៥គ្រឿង បង្គោលប្ញស្សីចំនួន៥០០ដើម ហើយឧបករណ៍ទាំងនោះត្រូវបានគណៈកម្មការដុតបំផ្លាញចោលទាំងស្រុង និងបានចាក់លែងកូនត្រី ចម្រុះចូលទៅក្នុងបឹងធម្មជាតិវិញ ។
លោកសៀន គិន នាយខណ្ឌរដ្ឋបាលជលផលខេត្តបានឱ្យដឹងថា យោងតាមបទបញ្ជាលេខ០១បបរបស់រាជរដ្ឋាភិបាលចុះថ្ងៃទី២២ ឧសភា ឆ្នាំ២០១១ នៅក្នុងរដូវបិទនេសាទនេះ ក្នុងនាមលោកជានាយកខណ្ឌរដ្ឋបាល គឺនៅតែបន្តសហការជាមួយកងកម្លាំងប្រដាប់អាវុធក្នុងការចុះបង្រ្កាបបទល្មើសនេសាទគ្រប់ប្រភេទ និងការលួចចិញ្ជឹមត្រីឆ្តោ ត្រីរ៉ស់ខុសច្បាប់ឱ្យមានប្រសិទ្ធភាព ៕
ចែករំលែកព័តមាននេះ