រាជធានីភ្នំពេញ ៖ អាជ្ញាធរខណ្ឌដង្កោដឹកនាំដោយលោកហែម ដារិទ្ធិ អភិបាលរងខណ្ឌ បានមានប្រតិកម្មទៅនឹងក្រុមប្រមូលសំរាមរបស់ក្រុមហ៊ុនស៊ិនទ្រីន ដែលបានដើរប្រមូលសំរាមពីតាមផ្ទះរបស់ប្រជាពលរដ្ឋអូសយកទៅចាក់ គរចោលនៅលើផ្លូវសួនច្បារកុមារពោធិ៍ចិនតុង ជាប់នឹងស្លាកហាមឃាត់មិនឱ្យចាក់សំរាមដែលអាជ្ញាធរ
រាជធានីភ្នំពេញ ៖ អាជ្ញាធរខណ្ឌដង្កោដឹកនាំដោយលោកហែម ដារិទ្ធិ អភិបាលរងខណ្ឌ បានមានប្រតិកម្មទៅនឹងក្រុមប្រមូលសំរាមរបស់ក្រុមហ៊ុនស៊ិនទ្រីន ដែលបានដើរប្រមូលសំរាមពីតាមផ្ទះរបស់ប្រជាពលរដ្ឋអូសយកទៅចាក់គរចោលនៅលើផ្លូវសួនច្បារកុមារពោធិ៍ចិនតុង ជាប់នឹងស្លាកហាមឃាត់មិនឱ្យចាក់សំរាមដែលអាជ្ញាធរដាក់នៅទីនោះតែម្តង។
អាជ្ញាធរបានចុះទៅធ្វើការដកហូតរទេះប្រមូលសំរាមរបស់ក្រុមហ៊ុនស៊ិនទ្រីនោះភ្លាមៗកាលពីវេលាម៉ោង៨ព្រឹកថ្ងៃទី១៣ សីហា ២០១១ ក្នុងខណៈពេលកម្មករប្រមូលសំរាមរបស់ក្រុមហ៊ុននោះកំពុងចាក់សំរាមនៅលើផ្លូវសួនច្បារកុមារពោធិ៍ចិនតុង ដែលមានទីតាំងស្ថិតនៅទល់មុខផ្សារស៊ិនជូរី ផ្លាហ្សា ភូមិតាងួន សង្កាត់កាកាប ខណ្ឌដង្កោ ។ អាជ្ញាធរបានឱ្យដឹងថា សួនច្បារកុមារពោធិ៍ចិនតុងនេះទើបត្រូវបានសាលារាជធានីភ្នំពេញ ធ្វើការស្ថាបនាហើយរួចរាល់ជាស្ថាពរក្នុងពេលថ្មីៗនេះ មានសោភ័ណភាពស្រស់ស្អាត និងត្រូវសម្ពោធដាក់ឱ្យប្រើប្រាស់ក្នុងពេលឆាប់ៗនេះ បន្ទាប់ពីការបំពាក់ឧបករណ៍កម្សាន្តរួចរាល់។ មិនតែប៉ុណ្ណោះលោកអភិបាលរាជធានីភ្នំពេញ ក៏បានចេញបញ្ជាដាច់ខាតមិនឱ្យមានការចាក់សំរាមក្បែរនោះទេ ក្រៅពីនេះ ក៏មានលើកស្លាកបំរាមហាមចាក់សំរាមនៅទីនោះផងដែរ ។
ប៉ុន្មានថ្ងៃជាប់គ្នានេះ មានគេយកសំរាមទៅចាក់គរនៅត្រង់ចំណុចខាងលើជាបន្តបន្ទាប់ បង្កឱ្យបាត់បង់សោភ័ណភាពសួនច្បារ ទើបអាជ្ញាធរដាក់កម្លាំងចាំឃ្លាំមើលដើម្បីចង់ដឹងមុខអ្នកដែលយកសំរាមទៅចាក់ចោលនៅទីនោះ រួចហើយចាប់ខ្លួនតែម្តង៕
ចែករំលែកព័តមាននេះ