ខេត្តស្ទឹងត្រែង ៖ តាមសេចក្តីរាយការណ៍ពីខ្សែបន្ទាត់ព្រំដែនកម្ពុជា-ឡាវបានឱ្យដឹងថា ពលរដ្ឋខ្មែររស់នៅស្រុកសៀមប៉ាង ខេត្តស្ទឹត្រែង ចំនួន២នាក់ ក្នុងចំណោម ៦នាក់ ត្រូវបានតម្រួតឡាវការពារព្រំដែនបា.ញ់ បណ្តាលឱ្យម្នាក់បាក់ជើង និងចាប់ខ្លួន១នាក់។ រីឯ៤នាក់ទៀតបានរត់ចូលមកដីកម្ពុជាវិញ ខណៈពួកគេបានចូលទៅ
ខេត្តស្ទឹងត្រែង ៖ តាមសេចក្តីរាយការណ៍ពីខ្សែបន្ទាត់ព្រំដែនកម្ពុជា-ឡាវបានឱ្យដឹងថា ពលរដ្ឋខ្មែររស់នៅស្រុកសៀមប៉ាង ខេត្តស្ទឹត្រែង ចំនួន២នាក់ ក្នុងចំណោម ៦នាក់ ត្រូវបានតម្រួតឡាវការពារព្រំដែនបាញ់ បណ្តាលឱ្យម្នាក់បាក់ជើង និងចាប់ខ្លួន១នាក់។ រីឯ៤នាក់ទៀតបានរត់ចូលមកដីកម្ពុជាវិញ ខណៈពួកគេបានចូលទៅក្នុងទឹកដីឡាវ ដោយគ្មានការអនុញ្ញាត។
មេបញ្ជាការវរការពារព្រំដែន៧០១កម្ពុជា-ឡាវនៃស្នងការដ្ឋានខេត្តស្ទឹងត្រែង លោកស៊ុន បាន បានប្រាប់កោះសន្តិភាពថា ប្រជាពលរដ្ឋម្នាក់ត្រូវតម្រួតឡាវបាញ់ ត្រូវប្រអប់ជើងខាង ឆ្វេងពីស្មងជើងធ្លាយទៅបាតជើងនោះ ឈ្មោះទា បឿន អាយុ២១ឆ្នាំ រស់នៅភូមិកញ្ចាញគោក ឃុំស្រែសំបូរ ស្រុកសៀមប៉ាង បានសំងំពួននៅក្នុងព្រៃរហូតដល់បងប្អូនទៅយកចេញពីព្រៃនាំយកទៅសង្គ្រោះ និងម្នាក់ទៀតដែលត្រូវតម្រួតឡាវចាប់ខ្លួនឈ្មោះផៃ ធិនអាយុ១៨ឆ្នាំ រស់នៅភូមិខិក្រោម ឃុំព្រែកមាស ស្រុកសៀមប៉ាង។ ចំណែក៤នាក់ទៀតបានរត់ចូលមកដីកម្ពុជាវិញ ដោយពុំមានគ្រោះថ្នាក់ឡើយ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ទៀថាហេតុការណ៍នេះ បានកើតឡើងកាលពីវេលាម៉ោង៤និង៤០នាទីរសៀលថ្ងៃទី១១ សីហា ២០១១ ស្ថិតនៅត្រង់ចំណុចចន្លោះបង្គោលលេខ៥៦ និង៥៧ចម្ងាយពីទឹកដីកម្ពុជា២គឺឡូម៉ែត្រ។ លោកស៊ុន បាន បានសង្កត់ធ្ងន់ថា កន្លងមកនៅក្នុងកិច្ចប្រជុំជាមួយភាគីឡាវ យើងបានសំណូមពរដល់ភាគីឡាវថា ប្រសិនបើមានប្រជាពលរដ្ឋខ្មែរការឆ្លងដែនហួសខ្សែបន្ទាត់ ឬខុសយ៉ាងណាមេត្តាកុំបាញ់បោះអី សូមទុកឱ្យមានជីវិត និងកុឱ្យមានរបួស រង់ចំាដោះស្រាយតាមច្បាប់របស់ប្រទេសនីមួយៗរៀងៗខ្លួន តែមិនដឹងជាមូលហេតុអ្វីទេ ទើបតម្រួតព្រំដែនឡាវនៅតែបាញ់ប្រជាពលរដ្ឋ ខ្មែរដែលឆ្លងដែនខុសច្បាប់ បណ្តាលឱ្យខ្លះស្លាប់និងរបួសដូចករណីខាងលើនេះជាដើម៕
ចែករំលែកព័តមាននេះ