ប្រាក់យ៉ាន់រឹងមាំក្នុងផ្សារហ៊ុនបានឡើងថ្លៃ ក្នុងរយៈពេលជាង៣ឆ្នាំមកនេះ អាចជាដំណឹងល្អ នៃកម្លាំងចលករថ្មីសំរាប់ស្តារសេដ្ឋកិច្ចពិភពលោកដែលចុះដុនដាប់ ព្រោះការនាំចូលទំនិញរបស់ប្រទេសចិននៅតែមានកម្លាំងក្នុងការបន្តទិញចូលទំនិញពីប្រទេសដែលមានសេដ្ឋកិច្ចលូតលាស់យឺតៗដូចជាអាមេរិកនិងអឺរ៉ុប។
ប្រាក់យ៉ាន់រឹងមាំក្នុងផ្សារហ៊ុនបានឡើងថ្លៃ ក្នុងរយៈពេលជាង៣ឆ្នាំមកនេះ អាចជាដំណឹងល្អ នៃកម្លាំងចលករថ្មីសំរាប់ស្តារសេដ្ឋកិច្ចពិភពលោកដែលចុះដុនដាប់ ព្រោះការនាំចូលទំនិញរបស់ប្រទេសចិននៅតែមានកម្លាំងក្នុងការបន្តទិញចូលទំនិញពីប្រទេសដែលមានសេដ្ឋកិច្ចលូតលាស់យឺតៗដូចជាអាមេរិកនិងអឺរ៉ុប។
តម្លៃរូបិយប័ណ្ណចិនកើនឡើង០,៧% ក្នុងសប្តាហ៍នេះ ហើយរូបិយប័ណ្ណនេះតែងតែឡើងម្តងក្នុងមួយសប្តាហ៍ចាប់តាំងពីឆ្នាំ២០០៧មក រហូតមានតំលៃ៦,៤យ៉ាន់ក្នុងមួយដុល្លារ ។ ជាលើកទីមួយដែលមិនធ្លាប់មានក្នុងរយៈពេល១៧ឆ្នាំមកនេះ។ តម្លៃប្រាក់យ៉ាន់ថ្ងៃ១២ សីហា គិតត្រឹមម៉ោង១០និង២៧នាទី ក្នុងទីក្រុងសៀងហៃមានតំលៃ៦,២៩៥៣យ៉ាន់ក្នុងមួយដុល្លារ។
មន្ត្រីចិននិយាយថា ក្រៅពីការទប់ទល់ជាមួយអត្រាអតិផរណា និងពន្លឿននៃការកើនឡើងនៃផលិតផលក្នុងស្រុក តម្លៃប្រាក់យ៉ាន់បានឡើងថ្លៃក៏ជាសញ្ញាជួយបន្ថែមជំនឿក្នុងការងើបឡើងវិញនៃសេដ្ឋកិច្ចអាមេរិក។ លោក David Cohen អ្នកសេដ្ឋកិច្ចនៃសកម្មភាពសេដ្ឋកិច្ចក្នុងប្រទេសសិង្ហបុរី និងជាអតីតបុគ្គលិកនៃធនាគារកណ្តាលអាមេរិកនិយាយថា ពួកគេដូចជាចង់ឃើញជំហានបន្ទាប់លើកៅអីក្នុងនាមជាប្រទេសដែលមានសេដ្ឋកិច្ចធំបំផុតលេខពីរ ហើយអតិផរណាក៏ដូចជាឡើងខ្ពស់បន្តិចជាងការចង់បានរបស់គេ។
ក្នុងអំឡុងមានវិបត្តិសេដ្ឋកិច្ចពិភពលោក រដ្ឋាភិបាលរបស់លោកនាយករដ្ឋមន្ត្រីចិន Wen Jiabao បានអបអរចំពោះប្រាក់យ៉ាន់ឡើងថ្លៃរយៈពេល២ឆ្នាំមកនោះ និងរក្សារូបិយប័ណ្ណប្រហាក់ប្រហែលជាមួយប្រាក់ដុល្លាររហូតដល់ខែមិថុនា ឆ្នាំ២០១០។ មូលហេតុនៃការកើនឡើងនោះរួមមានការកើនឡើងនៃអតិផរណា និងការងើបឡើងខ្ពស់នៃពាណិជ្ជកម្មក្នុងខែកក្កដា។
អ្នកវិភាគរបស់ក្រុមហ៊ុន Barclays Capital លោក Chang Jian បានព្យាករណ៍ថា រូបិយប័ណ្ណនឹងកើនឡើងពី៥ទៅ៧ភាគរយក្រោយឆ្នាំនេះ ហើយវានឹងជួយបង្កើនតម្រូវការដែលមានកើនឡើងរួចទៅហើយ ដែលការនាំចូលកើនឡើង២៧ភាគរយ ស្មើនឹងចំនួនទឹកប្រាក់៩៧៣ពាន់លានដុល្លារជាលើកដំបូងក្នុងរយៈពេល៧ខែដំបូងនៃឆ្នាំ២០១១៕
ចែករំលែកព័តមាននេះ