ផ្សារហ៊ុនអាស៊ីភាគច្រើនធ្លាក់ចុះកាលពីថ្ងៃព្រហស្បតិ៍ ប៉ុន្តែខំប្រវេប្រវាឡើងវិញក្បែរទំហំដែលខ្លួនបាត់បង់នាពេលថ្មីៗ ដោយសារពាណិជ្ជករចាប់ផ្តើមប្រមូលទិញចូលវិញបើទោះជាផ្សារហ៊ុនអាមេរិក និងអឺរ៉ុបធ្លាក់ចុះខ្លាំងក្តី។ ចំណែកមាសក៏ធ្លាក់ចុះវិញបន្តិច បន្ទាប់ពីឡើងដល់កំពូលរបស់ខ្លួនក្នុងតំល១៨០០ដុល្លារ ក្នុងមួយអោនជាលើកទីមួយ
ផ្សារហ៊ុនអាស៊ីភាគច្រើនធ្លាក់ចុះកាលពីថ្ងៃព្រហស្បតិ៍ ប៉ុន្តែខំប្រវេប្រវាឡើងវិញក្បែរទំហំដែលខ្លួនបាត់បង់នាពេលថ្មីៗ ដោយសារពាណិជ្ជករចាប់ផ្តើមប្រមូលទិញចូលវិញបើទោះជាផ្សារហ៊ុនអាមេរិក និងអឺរ៉ុបធ្លាក់ចុះខ្លាំងក្តី។ ចំណែកមាសក៏ធ្លាក់ចុះវិញបន្តិច បន្ទាប់ពីឡើងដល់កំពូលរបស់ខ្លួនក្នុងតំល១៨០០ដុល្លារ ក្នុងមួយអោនជាលើកទីមួយ ឯប្រាក់យ៉េនជប៉ុន កើនឡើងជាថ្មីធៀបជាមួយប្រាក់ដុល្លារ។
ផ្សារហ៊ុនតូក្យូធ្លាក់ចុះ១,០៤ភាគរយ ចំណែកផ្សារហ៊ុនហុងកុងក៏ធ្លាក់ចុះ១,៤៥ភាគរយ ចំណែកផ្សារហ៊ុនស៊ីដនីធ្លាក់ចុះ០,១ភាគរយ។ ចំណែកផ្សារហ៊ុននៅសឹង្ហាបុរីធ្លាក់ចុះ០,៨៨ភាគរយ គិតត្រឹមម៉ោង១និង៤៥នាទីម៉ោងក្នុងស្រុក។ ផ្សារហ៊ុនសៀងហៃចិនទទួលផលចំណេញកើនឡើង០,៤៣ភាគរយ ចំណែកផ្សារហ៊ុននៅសេអ៊ូលដែលទទួលបានការខាតបង់៤ភាគរយនាពេលថ្មីនោះបែរជាកើនឡើង០,៦៨ភាគរយ។
ផ្សារហ៊ុនតំបន់បានបិទហើយសំរាប់ព្រឹកថ្ងៃព្រហស្បតិ៍ ទី១១ សីហា ដែលបង្ហាញពីការធ្លាក់ចុះនៃផ្សារហ៊ុនអាមេរិកបីដែលធ្លាក់ចុះជាង ៤ភាគរយ ហើយទីផ្សារអឺរ៉ុបក៏ទទួលរងការវាយប្រហារផ្ទួនៗនៃព័ត៌មានអាស្រូវបង្កភាពភ័យខ្លាចដល់បញ្ហាវិបត្តិប្រាក់បំណុលអាមេរិក និងអឺរ៉ុប។ កាលពីថ្ងៃពុធអឺរ៉ុបក៏បានទទួលភ្លើងបង្ហោះសាជាថ្មីជុំវិញពាក្យចចាមអារ៉ាម ដែលថាអត្រា ឥណទានបារាំងដែលឈរនៅលំដាប់ថ្នាក់ AAA ដូចជាមេរិកពីមុននោះអាចធ្លាក់តាមអាមេរិកដូចគ្នា ។ ដោយសារបញ្ហានេះលោកប្រធានាធិបតីបារាំងនីកូឡា សាកូហ្ស៊ីបានផ្អាកការសម្រាករបស់លោកមកប្រកាសពីសកម្មភាពដើម្បីកាត់បន្ថយប្រាក់បំណុលរបស់ខ្លួន ហើយពាក្យចចាមអារ៉ាមនៃការធ្លាក់ចុះឥណទានជាតិនោះថា ជារឿងមិនពិត។
ផ្សារហ៊ុនក្រុងឡុងដ៍FTSE 100 ធ្លាក់ចុះ៣,០៥ភាគរយ ចំណែកផ្សារហ៊ុនប៉ារីស CAC 40 ស្រុតចុះ៥,៤៥ភាគរយ ចំណែកនៅអាល្លឺម៉ង់DAX ធ្លាក់ចុះ៥,១៣ភាគរយ ហើយផ្សារហ៊ុន អេស្ប៉ាញ IBEX ធ្លាក់ចុះ៥,៤៩ភាគរយ ផ្សារហ៊ុនអ៊ីតាលីធ្លាក់ចុះ FTSE MIB ធ្លាក់ចុះ៦,៦៥ ភាគរយ។ ចំណែកការជួញដូរមាសនៅស៊ីដនី ប្រទេសអូស្រ្តាលី នាព្រឹកថ្ងៃព្រហស្បតិ៍កើនឡើង១.៨១៤,៥០ទៅ១.៨១៥,៥០ដុល្លារក្នុងមួយអោនដោយសារអ្នកនិវិយោគចង់រក្សាប្រាក់របស់គេនៅទីសុវត្ថិភាពមួយរយៈសិន តែទោះជាយ៉ាងណាក្តី ការជួញដូរនៅផ្សារហ៊ុនហុងកុងមានតម្លៃត្រឹមតែពី១.៨០៥ទៅ១.៨០៤ដុល្លារក្នុងអោនប៉ុណ្ណោះ។
ចំណែកតំលៃប្រាក់យ៉េនវិញឡើងខ្ពស់ទៅរកតំលៃចាស់របស់ខ្លួនក្នុងសម័យសង្គ្រាមលោកលើកទី២ គឺ៧៦,២៥យ៉េនក្នុងមួយដុល្លារ។ ការជួញដូនៅទីផ្សារញូវយ៉កកាលពីថ្ងៃពុធ ទិញចូល៧៦,៦យ៉េនក្នុងមួយដុល្លារ។ លោកនាយករដ្ឋមន្ត្រីជប៉ុន Naoto Kan និយាយតាមទូរទស្សន៍ថា យើងនឹងអង្កេតទីផ្សារឱ្យបានម៉ត់ចត់បំផុត ហើយនឹងរិះរកវិធីសាស្ត្រដើម្បីដោះស្រាយ។ ចំណែកប្រាក់អឺរ៉ូក្នុងទីផ្សាររូបិយប័ណ្ណពេលនេះមានតម្លៃ១,៤២១៤ដុល្លារក្នុងមួយអឺរ៉ូធ្លាក់ចុះពី១៤១១៤ដុល្លារ ប៉ុន្តែធ្លាក់ចុះយឺតៗធៀបប្រាក់យ៉េនស្មើនឹង១០៨,៨៧យ៉េនក្នុងមួយអឺរ៉ូ។ ចំណែកតំលៃប្រេងធ្លាក់ចុះមកត្រឹមតែ៨២,១ដុល្លារក្នុងមួយបារ៉ែល៕
ចែករំលែកព័តមាននេះ