ចលាចលនៅកណ្តាលក្រុងឡុងដ៍ត្រូវបានចាត់ទុកថា ជាស្ថានការណ៍ដ៏អាក្រក់បំផុតក្នុងអំឡុងពេលជាច្រើនឆ្នាំដោយបានផ្ទុះឡើងកាលពីថ្ងៃទី៦ សីហា កន្លងមក នៅឯតំបន់ «ថតណេម» ភាគខាងជើងក្រុងឡុងដ៍ ធ្វើឱ្យអគារជាច្រើនត្រូវឆាបឆេះ រួមទាំងរថយន្តប៉ូលិស និងរថយន្តក្រុង។ ក្រៅពីនេះ ហាងទំនិញជាច្រើនត្រូវទទួលរងការខូចខាតពីការ
ចលាចលនៅកណ្តាលក្រុងឡុងដ៍ត្រូវបានចាត់ទុកថា ជាស្ថានការណ៍ដ៏អាក្រក់បំផុតក្នុងអំឡុងពេលជាច្រើនឆ្នាំដោយបានផ្ទុះឡើងកាលពីថ្ងៃទី៦ សីហា កន្លងមក នៅឯតំបន់ «ថតណេម» ភាគខាងជើងក្រុងឡុងដ៍ ធ្វើឱ្យអគារជាច្រើនត្រូវឆាបឆេះ រួមទាំងរថយន្តប៉ូលិស និងរថយន្តក្រុង។ ក្រៅពីនេះ ហាងទំនិញជាច្រើនត្រូវទទួលរងការខូចខាតពីការប្លន់យកទ្រព្យសម្បត្តិផងដែរ ។
ស្ថានការណ៍ខាងលើបានធ្វើឱ្យមានការចោទសួរទាក់ទងនឹងប្រទេសអង់គ្លេស ធ្វើជាម្ចាស់ផ្ទះរៀបចំការប្រកួតអូឡាំពិក២០១២ នៅទីក្រុងឡុងដ៍ ក្នុងរវាងពីថ្ងៃទី២៧ កក្កដា ដល់១២ សីហា ឆ្នាំ២០១២ ខណៈពេលប្រទេសជួបហេតុការណ៍ចលាចលដ៏អាក្រក់បំផុតក្នុងអំឡុងពេល២០ឆ្នាំកន្លងមក។ ទោះបីជាយ៉ាងណាក៏ដោយ ក្រុមការងារទាក់ទងនឹងការរៀបចំការប្រកួតអូឡាំពិកបានសម្តែងនូវទំនុកចិត្តថា អាចទប់ទល់បាន ។
លោកដារីល សេបេល ប្រធានគណៈកម្មការអូឡាំពិក ក្នុងប្រទេសអង់គ្លេសថ្លែងថា «យើងបានដឹងពីកម្រិតនៃការបំពេញការងារយ៉ាងល្អ និងបានដឹងពីផែនការដែលត្រូវចាត់ការហើយ ។ អំពើហិង្សាលើកនេះ នឹងមិនបង្កផលប៉ះពាល់ដល់ក្រុងឡុងដ៍ មិនថាក្នុងពេលបច្ចុប្បន្ន ឬទៅឆ្នាំក្រោយទេ រួមទាំងការងាររបស់យើងដែលកំពុងធ្វើនាពេលបច្ចុប្បន្ន» ។
អ្នកនាំពាក្យអូឡាំពិកក្រុងឡុងដ៍ ២០១២ ថ្លែងថា «មានរបាយការណ៍ល្អិតល្អន់ជាច្រើន ទាក់ទងនឹងសុវត្ថិភាព និងផែនការទប់ទល់ភាពចលាចលដែលអាចកើតឡើងក្នុងអំឡុងពេលប្រកួតអូឡាំពិកនៅឆ្នាំក្រោយ យើងនឹងសហការជាមួយសមត្ថកិច្ចប៉ូលិសធ្វើកិច្ចការនេះឱ្យបានល្អជាទីបំផុត» ។
ការប្រកួតចំនួន៣គូនៅក្របខណ្ឌប្រឺមីញេលីក គ្រោងពន្យារពេល ព្រោះកើតហេតុចលាចលនៅក្រុងឡុងដ៍ សមាគមបាល់ទាត់អង់គ្លេស (FA) មានគម្រោងពន្យារពេលប្រកួតក្របខណ្ឌប្រឺមីញេលីកចំនួន៣ប្រកួតក្នុងសប្តាហ៍ដំបូងនៅទីក្រុងឡុងដ៍ ក្រោយពេលកើតហេតុចលាចលនៅទូទាំងទីក្រុងនេះ និងត្រូវពិនិត្យមើលស្ថានការណ៍ចលាចលជាថ្មីនៅមុនពេលបញ្ជាក់ឱ្យដឹងនៅយប់ថ្ងៃព្រហស្បតិ៍ ទី១១ សីហា។
ការកើតមានអំពើហិង្សាជាបន្តបន្ទាប់នៅទី ក្រុងឡុងដ៍ ធ្វើឱ្យសមាគមបាល់ទាត់អង់គ្លេស (FA) បញ្ជាឱ្យអ្នកមានតួនាទីពាក់ព័ន្ធក្នុងប្រឺមីញេលីក ចូលពិភាក្សាជាមួយសមត្ថកិច្ចប៉ូលិសស្តីពីការពន្យារពេលប្រកួតប្រឺមីញេលីកចំនួន៣ប្រកួតដែលមានការប្រកួតនៅទីក្រុងឡុង នៅថ្ងៃទី១៣ សីហា ខាងមុខ ។ ការប្រកួតខាងលើរួមមានក្លឹប Spurs ជួបក្លឹប Everton ក្លឹប Fulham ជួប Aston Villa និងក្លឹប QPR ជួប Bolton ។ ការប្រកួតចំនួន៣គូនេះត្រូវរង់ចាំការសន្និដ្ឋានជាថ្មីនៅយប់ថ្ងៃទី១១ សីហា ថា តើគួរតែពន្យារពេល ឬយ៉ាងណា?
នៅក្នុងសេចក្តីថ្លែងការណ៍រួមរវាងក្របខណ្ឌប្រឺមីញេលីក និងក្របខណ្ឌបាល់ទាត់លីក បានលើកឡើងថា «ពួកយើងមានការចរចាជាបន្តបន្ទាប់ជាមួយបណ្តាក្លឹបនៅក្រុងឡុងដ៍ សមត្ថកិច្ចប៉ូលិស និងអង្គភាពផ្នែកច្បាប់ពីការប្រកួតបាល់ទាត់នៅទីក្រុងឡុងដ៍ ហើយយើងត្រូវឃ្លាំមើលស្ថានការណ៍ជាថ្មីនៅមុនពេលប្រកាសឱ្យមនុស្សគ្រប់រូបបានដឹងនៅយប់ថ្ងៃទី១១ សីហា»៕
ចែករំលែកព័តមាននេះ