រាជធានីភ្នំពេញ ៖ មន្ត្រីអនុសាខាកាកបាទ ក្រហមខណ្ឌដង្កោ បាននាំយកគ្រឿងឧបភោគ បរិភោគ និងថវិកាមួយចំនួនទៅចែកជូនដល់បងប្អូនប្រជាពលរដ្ឋក្រីក្រ ចំនួន៨គ្រួសារនៅក្នុងសង្កាត់ឪឡោក ដែលអាជ្ញាធរសង្កាត់ខាងលើបានរាយការណ៍ថា ប្រជាពលរដ្ឋទាំងនោះកំពុងដាច់បាយ ។
រាជធានីភ្នំពេញ ៖ មន្ត្រីអនុសាខាកាកបាទ ក្រហមខណ្ឌដង្កោ បាននាំយកគ្រឿងឧបភោគ បរិភោគ និងថវិកាមួយចំនួនទៅចែកជូនដល់បងប្អូនប្រជាពលរដ្ឋក្រីក្រចំនួន៨គ្រួសារនៅក្នុងសង្កាត់ឪឡោក ដែលអាជ្ញាធរសង្កាត់ខាងលើបានរាយការណ៍ថា ប្រជាពលរដ្ឋទាំងនោះកំពុងដាច់បាយ ។
ពិធីនោះបានប្រព្រឹត្តទៅកាលពីវេលាល្ងាចថ្ងៃទី៥ សីហា នៅក្នុងភូមិត្រពាំងកក់ សង្កាត់ឪឡោក ដណ្ឌដង្កោ ដោយមានការអញ្ជើញជាប្រធានកិត្តិយសពីសំណាក់លោកគិត សុផា អភិបាលខណ្ឌដង្កោ លោកសេង សុផល ប្រធានអនុសាខាកាកបាទក្រហមខណ្ឌ ព្រមទាំងមន្ត្រីអនុសាខា និងមន្ត្រីសាលាខណ្ឌ អាជ្ញាធរសង្កាត់ផងដែរ។
អំណោយរបស់អនុសាខាកាកបាទក្រហមខណ្ឌដែលនាំយកទៅចែកជូនប្រជាពលរដ្ឋនាពេលនេះគឺក្នុង១គ្រួសារទទួលបានអង្ករ១បាវ ទម្ងន់៥០គីឡូក្រាម ទឹកត្រី១យួរ ទឹកស៊ីអ៊ីវ១យួរ មី១កេស និងថវិកាចំនួន១១ម៉ឺនរៀល ។ តាមអាជ្ញាធរសង្កាត់ឪឡោក បានឱ្យដឹងថា ប្រជាពលរដ្ឋក្រីក្រទាំង៨គ្រួសារនោះមក ពីភូមិចំនួន៥ ក្នុងនោះមានភូមិបឹងកំបោរ៣គ្រួសារ ភូមិកក់២គ្រួសារ ភូមិត្រពាំងអារក្ស១គ្រួសារ ភូមិអង្គស្លែង១គ្រួសារ និងភូមិបឹងគ្រើល១គ្រួសារ។
នៅក្នុងឱកាសនោះ លោកគិត សុផា អភិបាលខណ្ឌដង្កោ បានថ្លែងថា រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោហ៊ុន សែន ជាប្រមុខ បានដាក់បទបញ្ជាយ៉ាងម៉ឺងម៉ាត់ឱ្យអាជ្ញាធរគ្រប់លំដាប់ថ្នាក់ពិនិត្យមើលប្រជាពលរដ្ឋក្នុងមូលដ្ឋានរបស់ខ្លួនដោយមិនទុកឱ្យប្រជាពលរដ្ឋណាម្នាក់ស្លាប់ដោយដាច់បាយនោះឡើយ ៕
ចែករំលែកព័តមាននេះ