តុល្យការនៃអំពើហិ.ង្សានៅស៊ីរីកាន់តែធ្ងន់ថែមទៀតមកដល់ថ្ងៃទី២ សីហា ដែលញ៉ាំងឱ្យពួកមហាអំណាចលោកខាងលិចបង្កើនការគាបសង្កត់ខាងការទូតប្រឆាំងនឹងរបបលោកប្រធានាធិបតីបាចា អាល់អាសាដ។ យោងតាមបណ្តាអង្គការការពារសិទ្ធិមនុស្សថា ការវាយប្រហារថ្មីៗរបស់កងទាហានស៊ីរីកាលពីថ្ងៃទី១ សីហា
តុល្យការនៃអំពើហិង្សានៅស៊ីរីកាន់តែធ្ងន់ថែមទៀតមកដល់ថ្ងៃទី២ សីហា ដែលញ៉ាំងឱ្យពួកមហាអំណាចលោកខាងលិចបង្កើនការគាបសង្កត់ខាងការទូតប្រឆាំងនឹងរបបលោកប្រធានាធិបតីបាចា អាល់អាសាដ។
យោងតាមបណ្តាអង្គការការពារសិទ្ធិមនុស្សថា ការវាយប្រហារថ្មីៗរបស់កងទាហានស៊ីរីកាលពីថ្ងៃទី១ សីហា កន្លងមកនេះបណ្តាលឱ្យស្លាប់ជនស៊ីវិល២៤នាក់ ក្នុងនោះ១០នាក់នៅក្រុងហាម៉ាជាកន្លែងដែលកងកម្លាំងសន្តិសុខបើកធ្វើកាលពីថ្ងៃទី៣១ កក្កដា កន្លងមកនេះនូវប្រតិបត្តិការយ៉ាងសាហាវមួយចូលរួមដោយរថក្រោះសំដៅដណ្តើមត្រួតត្រាទីក្រុងមានប្រជាជន៧០០.០០០នាក់នេះស្ថិតនៅកណ្តាលប្រទេស។
ក្រៅពីមនុស្សស្លាប់១០នាក់នៅក្រុងហាម៉ាកាលពីថ្ងៃទី១ សីហា បណ្តាអង្គការប្រឆាំងក៏រៀបរាប់ផងដែរពីការស្លាប់ជនស៊ីវិល២នាក់នៅក្រុងអាល់ប៊ូ កាម៉ាល់ ជាប់ព្រំដែនអ៊ីរ៉ាក់ និងពីមនុស្សស្លាប់៣នាក់នៅទីក្រុង HOMS ។ មនុស្ស២នាក់ទៀតស្លាប់ក្នុងទីក្រុងកំពង់ផែ LATTAQUIE មនុស្ស៦នាក់ស្លាប់នៅអ័រប៊ីនជាយក្រុងដាម៉ាស់ក្រោយបាតុកម្មតវ៉ានាថ្ងៃដំបូងនៃរដូវបុណ្យរ៉ាម៉ាដាន។ សរុបតុល្យការនៃអំពើហិង្សាចាប់ពីថ្ងៃទី៣១ កក្កដា មកនៅស៊ីរីអ្នកស្លាប់ឡើងដល់១៣៤នាក់ ក្នុងនោះ៩០នាក់នៅក្រុងហាម៉ា ៕
ចែករំលែកព័តមាននេះ