ធ្លាក់យន្តហោះក្រុមហ៊ុនអាកាសចរណ៍ឥណ្ឌា ១គ្រឿង ផ្ទុកមនុស្ស ២៤២នាក់
ទីក្រុងញូវដេលី ៖ យន្តហោះ Boeing 787-8 មួយគ្រឿង របស់ក្រុមហ៊ុនអាកាសចរណ៍ Air India បានធ្លាក់នៅទីក្រុងអាមេដាបាដ…
ទីក្រុងញូវដេលី ៖ យន្តហោះ Boeing 787-8 មួយគ្រឿង របស់ក្រុមហ៊ុនអាកាសចរណ៍ Air India បានធ្លាក់នៅទីក្រុងអាមេដាបាដ ភាគខាងលិច នៃប្រទេសឥណ្ឌា នៅម៉ោង០១និង៣៨នាទីរសៀលថ្ងៃព្រហស្បតិ៍ ទី១២ ខែមិថុនា ឆ្នាំ២០២៥នេះ ។
ជើងហោះហើរលេខ AI171 កំពុងដំណើរការហោះហើរពីទីក្រុងអាមេដាបាដ ទៅកាន់អាកាសយានដ្ឋាន Gatwick នៃទីក្រុងឡុងដ៍ ដោយមានមនុស្សនៅលើយន្តហោះចំនួន ២៤២នាក់ ហើយបានធ្លាក់នៅខាងក្រៅបរិវេណអាកាសយានដ្ឋានភ្លាមៗ បន្ទាប់ពីហោះឡើងមិនដល់១នាទីឡើយ ត្រឹមកម្ពស់ជាង២០០ម៉ែត្រ ប៉ុណ្ណោះ ។
ក្រុមហ៊ុនអាកាសចរណ៍ បានបញ្ជាក់នៅក្នុងសេចក្តីថ្លែងការណ៍មួយថា យន្តហោះដែលបានធ្លាក់នោះ មានផ្ទុកមនុស្សសរុប ២៤២នាក់ ក្នុងនោះមានកុមារ១១នាក់ ។ ក្នុងចំណោមនោះ ១៦៩នាក់ជាជនជាតិឥណ្ឌា, ៥៣នាក់ជាជនជាតិអង់គ្លេស, ១នាក់ជាជនជាតិកាណាដា និង ៧នាក់ជនជាតិព័រទុយហ្គាល់ ។
ចំនួនអ្នកស្លា.ប់ ឬអ្នករងរបួស រដ្ឋមន្ត្រីសុខាភិបាលឥណ្ឌា បាននិយាយថា មនុស្សជាច្រើននាក់បានស្លា.ប់ ប៉ុន្តែមិនបានបញ្ជាក់ចំនួនឡើយ ៕
ចែករំលែកព័តមាននេះ