ខេត្តត្បូងឃ្មុំ: គម្រោងផ្លូវបេតុងពីរខ្សែតម្លៃជាង៣៥០លានរៀល ក្នុងនោះមាននៅឃុំអំពិលតាពកនិងឃុំព្រះធាតុត្រូវបានដាក់ឲ្យដេញថ្លៃជាសាធារណៈនៅសាលាស្រុកអូរាំងឪ នារសៀលថ្ងៃទី ២០ ខែឧសភា ឆ្នាំ២០២៦។ ក្នុងនោះមានក្រុមហ៊ុនខ្លះបានជាប់ក្នុងបញ្ជីខ្មៅក៏បានចូលរួមដេញថ្លៃ ក្នុងគម្រោងទាំងពីរគឺមានគម្រោង១ ត្រូវបានគេសង្ស័យតម្លៃត្រូវទឹកតែ។…
ខេត្តត្បូងឃ្មុំ: គម្រោងផ្លូវបេតុងពីរខ្សែតម្លៃជាង៣៥០លានរៀល ក្នុងនោះមាននៅឃុំអំពិលតាពកនិងឃុំព្រះធាតុត្រូវបានដាក់ឲ្យដេញថ្លៃជាសាធារណៈនៅសាលាស្រុកអូរាំងឪ នារសៀលថ្ងៃទី ២០ ខែឧសភា ឆ្នាំ២០២៦។ ក្នុងនោះមានក្រុមហ៊ុនខ្លះបានជាប់ក្នុងបញ្ជីខ្មៅក៏បានចូលរួមដេញថ្លៃ ក្នុងគម្រោងទាំងពីរគឺមានគម្រោង១ ត្រូវបានគេសង្ស័យតម្លៃត្រូវទឹកតែ។
ចំពោះលទ្ធផលការដេញថ្លៃ ៖
១.ផ្លូវបេតុងប្រវែង២៣០ម៉ែត្រ នៅឃុំព្រះធាតុតម្លៃដាក់ឲ្យដេញថ្លៃជាង១៦១លានរៀល ក្នុងនោះមានក្រុមហ៊ុនចំនួន៣ បានចូលរួមដេញថ្លៃដោយដេញថ្លៃបានលើក្រុមហ៊ុនលី ធីតា ក្នុងតម្លៃ១៤០លានរៀល តម្លៃនេះសង្ស័យត្រូវទឹកតែ…។
២.ផ្លូវបេតុងប្រវែង២៩៥ម៉ែត្រនៅឃុំអំពិលតាពក តម្លៃដាក់ឲ្យដេញថ្លៃជាង១៩៦លានរៀលមាន៥ក្រុមហ៊ុនបានចូលរួមប្រកួតប្រជែងដោយដេញបានលើក្រុមហ៊ុនថូ មួយគា ក្នុងតម្លៃជាង ៧៨លានរៀល នេះជាតម្លៃដេញដោយតម្លាភាពត្រឹមត្រូវដែលធ្វើឲ្យរដ្ឋចំណេញថវិកាជាង១០០លានឯណោះ។
លោកជា ណារ៉ុន អភិបាលស្រុកអូររាំងឪបានលើកឡើងថា: ការដេញថ្លៃគម្រោងផ្លូវបេតុងក្នុងឱកាសនេះគឺមានចំនួនពីរឃុំដែលជាប្រភេទផ្លូវបេតុងដូចគ្នា ហើយមានក្រុមហ៊ុនជាច្រើនបានមកចូលរួមដេញថ្លៃប្រកួតប្រជែង ដោយក្នុងនោះបើក្រុមហ៊ុនណាមួយ ដែលដេញទាបជាងគេគឺជាអ្នកឈ្នះ។ ហើយមកដល់ឆ្នាំ ២០២៦ ចំពោះមូលនិធិឃុំត្រូវបានបែងចែកជាពីរ ក្នុងនោះមានប្រភេទប្រព័ន្ធធារាសាស្ត្រ ត្រូវបានដាក់ឲ្យដេញថ្លៃកន្លងមកកាលពីថ្ងៃទី២០មេសាកន្លងទៅ ហើយបានដេញចំនួន៥ ឃុំរួចមកហើយដែរ។
អភិបាលស្រុកអូររាំងឪបានបន្តឱ្យដឹងទៀតថា ចំពោះក្រុមហ៊ុនដែលដេញជួសជុលប្រព័ន្ធធារាសាស្ត្រគឺមានក្រុមហ៊ុនខ្លះបានស្ថាបនារួចរាល់និងក្រុមហ៊ុនខ្លះទៀតកំពុងដំណើរការនៅឡើយ។ ហើយពេលនេះគម្រោងផ្លូវបេតុងចំនួនពីរឃុំគឺឃុំអំពិលតាពកនិងឃុំព្រះធាតុ ដែលទាមទារត្រូវការគ្រឿងចក្រដើម្បីស្ថាបនាផ្លូវបេតុងទោះបីរដូវវស្សាមកដល់មិនមានបញ្ហាចោទនោះទេ ។ ជាមួយនោះក្នុងនាមអាជ្ញាធរស្រុកសំណូមពរក្រុមហ៊ុនដែលដេញថ្លៃត្រូវតែមានឆន្ទៈក្នុងការប្រកួតប្រជែងដោយមានសិទ្ធិស្មើភាពគ្នាហើយអ្នកដែលដេញជាងគេហ្នឹងមានសិទ្ធិក្នុងការអភិវឌ្ឍន៍ឃុំ។
អភិបាលស្រុកអូររាំងឪមានចម្ងល់ថាកន្លងមកពេលដេញថ្លៃប្រព័ន្ធធារាសាស្ត្រគឺមានក្រុមហ៊ុនតិចបានចូលរួមតែមកដល់ដេញថ្លៃគម្រោងផ្លូវបេតុងចំនួនពីរខ្សែបែរជាមានក្រុមហ៊ុនច្រើនបានចូលរួម ។ ជាការពិតណាស់ចំពោះផ្លូវបេតុងត្រូវការគ្រឿងចក្រដើម្បីចាក់ថ្ម ដែកគឺមានការចំណាយច្រើន។ ហើយមិនស្វាគមន៍ដល់ក្រុមហ៊ុនណាមួយដែលបានមកចូលរួមដេញថ្លៃបង្ករបញ្ហារំខានដល់ដំណើរការដេញថ្លៃសំខាន់ត្រូវគោរពបទបញ្ជាផ្ទៃក្នុងឳ្យបានល្អ។
សម្រាប់ក្រុមហ៊ុនទួន សុផល ដែលបានចូលរួមដាក់សំណើរដេញថ្លៃនៅឃុំអំពិលតាពក លេខរៀងទី១គឺគណៈកម្មការដេញថ្លៃមិនបើកសំណើរដោយសារតែក្រុមហ៊ុនមួយនេះជាប់ក្នុងបញ្ជីខ្មៅក្នុងខេត្តកំពង់ធំ។ សម្រាប់ក្រុមហ៊ុនដែលដេញថ្លៃបាននៅឃុំព្រះធាតុ ដែលគេសង្ស័យត្រូវទឹកតែ ហើយក្រុមហ៊ុនលី ធីតា មិនបានផ្ដល់ការបំភ្លឺណាមួយនោះទេ ដោយបានឡើងជិះរថយន្តបើកចេញទៅយ៉ាងរំភើយ…។
ព័ត៌មានបន្តនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ