រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានគូសបញ្ជាក់ថា ក្រោយពីពិនិត្យលើក្រសួងស្ថាប័ន១៦ បានធ្វើការកែសម្រួលដល់៣អគ្គនាយកដ្ឋាន និង៣០នាយដ្ឋាននៅតាមក្រសួងស្ថាប័នផ្សេងៗ ហើយនឹងបន្តធ្វើបន្តទៀត…
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានគូសបញ្ជាក់ថា ក្រោយពីពិនិត្យលើក្រសួងស្ថាប័ន១៦ បានធ្វើការកែសម្រួលដល់៣អគ្គនាយកដ្ឋាន និង៣០នាយដ្ឋាននៅតាមក្រសួងស្ថាប័នផ្សេងៗ ហើយនឹងបន្តធ្វើបន្តទៀត ។
សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានថ្លែងក្នុងពិធី «សម្ពោធដាក់ឱ្យប្រើប្រាស់ ជាផ្លូវការ អគារទីស្នាក់ការកណ្តាលថ្មីនៃអគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុ» នៅខណ្ឌជ្រោយចង្វារ នាព្រឹកថ្ងៃទី២១ ឧសភា ឆ្នាំ២០២៦ ថា មកដល់ពេលមានការធ្វើកែកំណែទម្រង់នៅគ្រប់ក្រសួងស្ថាប័ន ដើម្បីធ្វើយ៉ាងណា ឱ្យមានប្រសិទ្ធភាពជូនរដ្ឋ ពោលគឺមិនមែនធ្វើកំណែទម្រង់ត្រឹមក្រោយសង្គ្រាមកន្លងមកនោះទេ ។
សម្តេចធិបតីនាយករដ្ឋមន្ត្រីបានឱ្យដឹងថា មកដល់ពេលនេះ នៅតាមក្រសួង ស្ថាប័ន រដ្ឋនានាបានធ្វើការកែទម្រង់ ដើម្បីធ្វើយ៉ាងណាឱ្យមានប្រសិទ្ធភាពក្នុងការបម្រើការងារជូនរដ្ឋ ។ សម្តេចធិបតីបានបញ្ជាក់ថា «ការធ្វើកំណែទម្រង់នៅអគ្គនាយកដ្ឋានពន្ធមិនខុសពីការធ្វើកំណែទម្រង់រដ្ឋ«..» នៅក្នុងអាណត្តិនេះ អាទិភាព១ វិធានជាគន្លឹះសំខាន់ គឺធ្វើកំណែទម្រង់សារធារណៈ ដោយធ្វើការវិភាគមុខងារ និងកំណែទម្រង់នៅបណ្តាស្ថាប័នមួយចំនួន ។ ហើយខ្ញុំសូមបញ្ជាក់យ៉ាងដូច្នេះថា គោលការណ៍កំណែទម្រង់នេះ ក៏មិនមែនជារឿងថ្មីនោះទេ ហើយមិនមែនធ្វើឡើង ទើបតែចាប់ផ្តើមក្រោយសង្គ្រាមនោះទេ» ។
សម្តេចធិបតីបានសង្កត់ធ្ងន់ថា គ្រប់ស្ថាប័ន បានចាប់ផ្តើមតាំងពីដើមអាណត្តិមកម្ល៉េះ ដោយមកដល់ពេលនេះ បានធ្វើការចំនួន១៦ក្រសួង ស្ថាប័ន ធ្វើការកែសម្រួលហើយក្នុងនោះ គិតមកដល់ពេលនេះ ក្រោយពីពិនិត្យលើស្ថាប័ន១៦ ក៏បានធ្វើការកែសម្រួលដល់៣អគ្គនាយកដ្ឋាន និង៣០នាយដ្ឋាននៅតាមក្រសួងស្ថាប័នផ្សេងៗហើយនឹងបន្តធ្វើបន្តទៀត ។
ពាក់ព័ន្ធនិងការធ្វើកំណែទម្រង់នេះដែរ ក៏ដូចជាឆ្លើយតបទៅនឹងការលើកឡើងពីមជ្ឈដ្ឋានមួយចំនួនដែលបានសរសើរផង រិះគន់ផង លើការងារដែលរាជរដ្ឋាភិបាលធ្វើកំណែទម្រង់ក្រសួងការពារជាតិ សម្តេចធិបតី ហ៊ុន ម៉ាណែត នាយករដ្ឋមន្ត្រីបានអះអាងថា ការកែទម្រង់នេះ មិនមែនកាត់អ្នកស្អប់ចោលដាក់អ្នកស្រឡាញ់ទេ ជាការធ្វើឱ្យត្រូវនឹងស្ថានភាពនៃប្រទេសជាតិ ។
សម្តេចធិបតីបានបញ្ជាក់ថា ការកាត់បន្ថយនាយកដ្ឋាន និងការិយាល័យមួយចំនួននេះ ដើម្បីបង្រួមការិយាល័យមួយចំនួនដែលមានភារកិច្ចស្រដៀងគ្នា ៕
ចែករំលែកព័តមាននេះ