រាជធានីភ្នំពេញ ៖ ក្រពើភ្នំពូជសុទ្ធចំនួន ១០ក្បាល ត្រូវបានលែងចូលទៅក្នុងទន្លេស្រែពក ដើម្បីគាំទ្រការស្តារប្រភេទសត្វកម្រជិតផុតពូជនៅកម្ពុជា ។ នេះបើយោងតាមផេកក្រសួងបរិស្ថានបានប្រកាសនាព្រឹកថ្ងៃទី២១ ខែឧសភានេះ ។…
រាជធានីភ្នំពេញ ៖ ក្រពើភ្នំពូជសុទ្ធចំនួន ១០ក្បាល ត្រូវបានលែងចូលទៅក្នុងទន្លេស្រែពក ដើម្បីគាំទ្រការស្តារប្រភេទសត្វកម្រជិតផុតពូជនៅកម្ពុជា ។ នេះបើយោងតាមផេកក្រសួងបរិស្ថានបានប្រកាសនាព្រឹកថ្ងៃទី២១ ខែឧសភានេះ ។
រាជរដ្ឋាភិបាល អង្គការ WWF-កម្ពុជា និងដៃគូ ពង្រឹងកិច្ចខិតខំប្រឹងប្រែង ក្នុងការស្ដារប្រភេទក្រពើដ៏កម្របំផុតមួយ នៅលើពិភពលោក ។
ខេត្តមណ្ឌលគីរី ប្រទេសកម្ពុជា-ថ្ងៃទី២២ ខែឧសភា ឆ្នាំ២០២៦ – អង្គការ WWF-កម្ពុជា សហការជាមួយក្រសួងបរិស្ថាន ក្រសួងកសិកម្ម រុក្ខាប្រមាញ់ និងនេសាទ រដ្ឋបាលខេត្តមណ្ឌលគីរី អង្គការ Fauna & Flora International (FFI) អាជ្ញាធរមូលដ្ឋាន និងសហគមន៍ សូមជូនដំណឹងអំពីការលែងក្រពើភ្នំពូជសុទ្ធ ចំនួន១០ ក្បាល (Crocodylus siamensis) ចូលទៅក្នុងទន្លេស្រែពក ស្ថិតក្នុងដែនជម្រកសត្វព្រៃស្រែពក បន្ទាប់ពីដំណើរការពិគ្រោះយោបល់ និងទទួលបានការយល់ព្រមពីភាគីពាក់ព័ន្ធនៅគ្រប់កម្រិត រួមទាំងសហគមន៍ ជនជាតិដើមភាគតិច និងសហគមន៍មូលដ្ឋាន ។
ក្រសួងបរិស្ថានបានបន្តថា កម្មវិធីលែងក្រពើភ្នំនេះ គឺជាជំហានដ៏សំខាន់មួយក្នុងកិច្ចខិតខំប្រឹងប្រែងរបស់កម្ពុជា ដើម្បីស្តារប្រភេទក្រពើដែលជិតផុតពូជបំផុតមួយនៅលើពិភពលោក និងពង្រឹងការអភិរក្ស ប្រព័ន្ធអេកូឡូស៊ីទឹកសាប នៅក្នុងតំបន់ទេសភាពខ្ពង់រាបភាគខាងកើត៕
ចែករំលែកព័តមាននេះ