សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំអះអាង កាលពីថ្ងៃទី២០ ឧសភា ថា ការចរចាដែលកំពុងធ្វើជាមួយអ៉ីរ៉ង់ បានឈានដល់ដំណាក់កាលចុងក្រោយហើយ ។…
សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំអះអាង កាលពីថ្ងៃទី២០ ឧសភា ថា ការចរចាដែលកំពុងធ្វើជាមួយអ៉ីរ៉ង់ បានឈានដល់ដំណាក់កាលចុងក្រោយហើយ ។ ក្នុងសន្និសីទសារព័ត៌មានខ្លីមួយ នៅមូលដ្ឋានអាកាសចរណ៍ ANDREWS រដ្ឋម៉ារីឡែន លោកត្រាំថ្លែងថា គេនឹងឃើញអ្វីដែលកើតមាន។
យើងអាចឈានដល់កិច្ចព្រមព្រៀងមួយ ឬយើងនឹងត្រូវធ្វើអ្វីដែលអាក្រក់ ។ ខ្ញុំសង្ឃឹមថា អ្វីដែលអាក្រក់នឹងមិនកើតមានទៅចុះ ។ ប្រធានាធិបតីអាមេរិក ក៏ពន្យល់ផងដែរថា សហរដ្ឋអាមេរិកចង់បញ្ចប់ជម្លោះតាមការចរចា ។ ខ្ញុំនឹងមិនប្រញាប់ប្រញាល់ពេកទេ ។ ខុំ្ញចង់ឲ្យមនុស្សស្លាប់តិចជាជាងស្លាប់ច្រើន ។ តែខ្ញុំអាចធ្វើទាំង២ ។
ទោះបីយ៉ាងណា អ៉ីរ៉ង់ហាក់ដូចជានឹងមិនចុះញ៉មដាច់ខាតចំពោះការសម្លុតបំភ័យឡើយ។ អ្នកចរចាសំខាន់អ៉ីរ៉ង់លោកម៉ូហាម៉ាដ បាក់ហ័រហ្គាលីបាហ្វ បានចោទប្រកាន់អាមេរិកថា ចង់ធ្វើសង្គ្រាមឡើងវិញ។
លោកដែលក៏ជាប្រធានសភាអ៉ីរ៉ង់ផងដែរ ក្នុងសារវីដេអូមួយផ្សាយតាមបណ្ដាសារព័ត៌មានអ៉ីរ៉ង់ថ្លែងថា ឧបាយកលរបស់សត្រូវទាំងចេញមុខទាំងលាក់បាំងបង្ហាញថា ទោះបីជាមានសម្ពាធខាងនយោបាយ និងសេដ្ឋកិច្ច សត្រូវនៅតែមិនបោះបង់ចោលទិសដៅយោធារបស់ខ្លួន និងស្វែងរកធ្វើសង្គ្រាមជាថ្មីទៀត ។
លោកបន្តថា អ៉ីរ៉ង់ត្រូវពង្រឹងការរៀបចំខ្លួន ដើម្បីអាចតបតវិញខ្លាំងក្លា ចំពោះរាល់ការវាយប្រហារថ្មី។ លោកថា អ៉ីរ៉ង់នឹងមិនចុះញ៉មដាច់ខាតចំពោះការសម្លុតបំភ័យ ក៏ទោះបីក្រុងវ៉ាស៊ីនតោនសង្ឃឹមលើការចុះចាញ់របស់ប្រជាជាតិអ៉ីរ៉ង់ក្ដី។
ទោះបីយ៉ាងណា អ៉ីរ៉ង់គូសបញ្ជាក់កាលពីយប់ថ្ងៃទី២០ ឧសភា ថា នឹងពិនិត្យសំណើថ្មីរបស់អាមេ
រិក បន្ទាប់ពីទស្សនកិច្ចនៅអ៉ីរ៉ង់របស់អ្នកអាជ្ញាកណ្ដាលប៉ាគីស្ថានម្នាក់។ រីឯរដ្ឋមន្ត្រីការបរទេសអារ៉ាប៊ីសាអូឌីតព្រះអង្គម្ចាស់ហ្វៃសាល់បេនហ្វាហាន បានសម្ដែងការអបអរសាទរដែលប្រធានាធិបតីអាមេរិក លោកដូណាល់ត្រាំ ដែលផ្ដល់ភ័ព្វវាសនាខាងការទូតមួយ ដោយអំពាវនាវដល់អ៉ីរ៉ង់ឲ្យឆក់យកឱកាសនេះដើម្បីចៀសវាងការបង្កើនជម្លោះ ៕
ចែករំលែកព័តមាននេះ