ចំណេះដឹង៖ យោងតាមការចុះផ្សាយពីប្រភពបរទេស ការខ្វះខាតលុយកាក់មិនមែនជារឿងគួរឱ្យខ្លាចបំផុតនោះទេ ប៉ុន្តែទម្លាប់អាក្រក់ដែលបង្កប់ក្នុងខ្លួនគឺជា “គុក​” ដែលរារាំងអ្នកមិនឱ្យរីកចម្រើន។ អ្នកជំនាញបានចង្អុលបង្ហាញពីទម្លាប់សំខាន់ៗចំនួន ៣ ដែលនាំឱ្យមនុស្សម្នាក់ជាប់ក្នុងភាពក្រីក្របន្តបន្ទាប់គ្នា។

ទីមួយគឺការប្រកាន់ខ្ជាប់នូវ “សេចក្តីថ្លៃថ្នូរឥតប្រយោជន៍” ដោយសារតែខ្លាចគេមើលងាយ ទើបសុខចិត្តលាក់បាំងភាពខ្វះខាត និងបោះបង់ឱកាសល្អៗក្នុងជីវិត ដើម្បីរក្សារូបភាពខាងក្រៅដ៏សោកសៅ។ ទីពីរគឺការមាន “កំហឹងងប់ងល់ទាំងគ្មានសមត្ថភាព” ដែលធ្វើឱ្យការគ្រប់គ្រងអារម្មណ៍មិនល្អ ក្លាយជាឧបសគ្គធំបំផុតក្នុងការស្វែងរកឱកាស និងកិច្ចសហការក្នុងសង្គម។ ទីបីគឺការមាន “ការយល់ដឹងកម្រិតទាបតែមានភាពរឹងរូសខ្ពស់” ដោយសារតែការចង់បង្ហាញថាក្មេងខ្លាំងជាងការពិត ដែលនាំឱ្យពួកគេបិទផ្លូវរៀនសូត្រ និងការអភិវឌ្ឍខ្លួន។

ជាសរុប ការចង់រួចផុតពីភាពក្រីក្រមិនមែនចាប់ផ្តើមពីការរកលុយឱ្យបានច្រើនភ្លាមៗនោះទេ ប៉ុន្តែវាចាប់ផ្តើមពីការហ៊ានទទួលស្គាល់ភាពខ្វះខាតរបស់ខ្លួន ហ៊ានបន្ទាបខ្លួនដើម្បីរៀនសូត្រ និងចេះគ្រប់គ្រងអារម្មណ៍។ ការកែប្រែទម្លាប់ទាំងនេះ គឺជាកូនសោរដ៏សំខាន់បំផុតក្នុងការត្រួសត្រាយផ្លូវឆ្ពោះទៅរកជោគជ័យ និងជីវិតដែលប្រសើរជាងមុន៕