រាជធានីភ្នំពេញ ៖ កន្លងទៅ កងរាជអាវុធហត្ថ ធ្លាប់បានឃាត់ខ្លួនបុគ្គលដែលប្រព្រឹត្តបទល្មើសប្រើប្រាស់ដោយខុសច្បាប់ នូវសម្លៀកបំពាក់ជាអាទិ៍សម្រាប់អាជ្ញាធរសាធារណៈ និងបានប្រព្រឹត្តបទល្មើសផ្សេងទៀតដូចជា បទឆបោក, បទក្លែងបន្លំឯកសារសាធារណៈ និងប្រើប្រាស់ឯកសារសាធារណៈក្លែង។ល។…
រាជធានីភ្នំពេញ ៖ កន្លងទៅ កងរាជអាវុធហត្ថ ធ្លាប់បានឃាត់ខ្លួនបុគ្គលដែលប្រព្រឹត្តបទល្មើសប្រើប្រាស់ដោយខុសច្បាប់ នូវសម្លៀកបំពាក់ជាអាទិ៍សម្រាប់អាជ្ញាធរសាធារណៈ និងបានប្រព្រឹត្តបទល្មើសផ្សេងទៀតដូចជា បទឆបោក, បទក្លែងបន្លំឯកសារសាធារណៈ និងប្រើប្រាស់ឯកសារសាធារណៈក្លែង។ល។ ជាក់ស្តែងថ្ងៃទី២០ ខែឧសភា ឆ្នាំ២០២៦នេះ កងរាជអាវុធហត្ថ បានឃាត់ខ្លួនជនសង្ស័យចំនួន២រូប និងកសាងសំណុំរឿងបញ្ជូនទៅតុលាការ ។
ជនសង្ស័យទាំង២នាក់ រួមមាន ៖
១-ឈ្មោះ យិន វណ្ណារ៉ា ហៅ លៀង ភេទប្រុស កើតថ្ងៃទី១៤ ខែកុម្ភៈ ឆ្នាំ២០០០ មុខរបរមិនពិតប្រាកដ ទីកន្លែងកំណើតនៅរាជធានីភ្នំពេញ មានទីលំនៅបច្ចុប្បន្ននៅភូមិរំចេក១ សង្កាត់រតនៈ ក្រុងបាត់ដំបង ខេត្តបាត់ដំបង។
២-ឈ្មោះ រស់ សុវណ្ណច័ន្ទសំណាង ហៅ ដេត ភេទប្រុស កើតថ្ងៃទី១៩ ខែកញ្ញា ឆ្នាំ១៩៨៧ មុខរបរបើកបររថយន្ត ទីកន្លែងកំណើតនៅសង្កាត់ជ្រោយចង្វារ ខណ្ឌឬស្សីកែវ រាជធានីភ្នំពេញ ទីលំនៅមុនពេលឃាត់ខ្លួនស្នាក់នៅផ្ទះលេខ៤១D ផ្លូវលំចំការស្ពៃ ភូមិ២ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
កងរាជអាវុធហត្ថលើផ្ទៃប្រទេស សូមអំពាវនាវដល់សាធារណជនមេត្តាប្រុងប្រយ័ត្នខ្ពស់ និងសូមសហការផ្តល់ព័ត៌មានជូនកងរាជអាវុធហត្ថ ក្នុងករណីឃើញបុគ្គលដែលមានការសង្ស័យ ៕
ចែករំលែកព័តមាននេះ