សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់នៅព្រឹកថ្ងៃទី១៥ ខែឧសភា ឆ្នាំ២០២៥ថា ដំណោះស្រាយព្រំដែនសមុទ្រជាមួយថៃតាមយន្តការទ្វេភាគី គឺភាគីថៃជាអ្នកបិទទ្វា ។…
សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់នៅព្រឹកថ្ងៃទី១៥ ខែឧសភា ឆ្នាំ២០២៥ថា ដំណោះស្រាយព្រំដែនសមុទ្រជាមួយថៃតាមយន្តការទ្វេភាគី គឺភាគីថៃជាអ្នកបិទទ្វា ។
មានប្រសាសន៍នៅក្នុងទិវាអតីតយុទ្ធជន និងនិវត្តជនកម្ពុជាលើកទី១៩ សម្តេចធិបតី បានលើកឡើងថា MoU 2001 ដែលថៃលុបចោលដោយឯកតោភាគី គឺជាយន្តការទ្វេភាគីតែមួយគត់សម្រាប់ចរចាបញ្ហាព្រំដែនសមុទ្រ ដូច្នេះមានតែកម្ពុជាពុំមានជម្រើសអ្វីក្រៅពីពឹងផ្អែកទៅលើច្បាប់អន្តរជាតិ និងអនុសញ្ញាអង្គការសហប្រជាជាតិ ស្តីពីនីតិសមុទ្រ ជាពិសេសយន្តការនៃការផ្សះផ្សារដោយចាប់បង្ខំ (Compulsory Conciliation) ដែលបង្កើតឡើងក្រោមអនុសញ្ញាមួយនេះនោះទេ ។
ជាថ្មីម្តងទៀត សម្តេចធិបតី បានបញ្ជាក់ថា សម្រាប់ព្រំដែនគោកភាគីទាំងពីរនៅ MoU ២០០០ និងសន្ធិសញ្ញាផ្សេងៗ គឺយើងនៅបន្តប្រើប្រាស់វាទៀត ។ រឿងនេះ មិនមែនជារឿងមួយថ្ងៃចប់ទេ គឺនៅវែងឆ្ងាយ ។
សម្តេចធិបតីបានបញ្ជក់ថា «បើសិនការដោះស្រាយតាមការចរចាដោយសន្តិវិធី យើងមានសេចក្តីសង្ឃឹមត្រឹមតែ១ភាគរយ ដើម្បីបញ្ចប់រឿងយើងនឹងនៅតែប្រើវាឲ្យអស់លទ្ធភាព»៕
ចែករំលែកព័តមាននេះ