ប្រទេសអ៉ីរ៉ង់ ៖ របបអ៉ីរ៉ងនៅតែបន្តនយោបាយបង្រាបពួកប្រឆាំង ដោយប្រហារជីវិតពួកគេច្រើននាក់ពីបទចារកម្ម ។ តាមទីភ្នាក់ងារព័ត៌មានអ៉ីរ៉ង់ MIZAN NEWS ថា បុរសអាយុ៣២ឆ្នាំម្នាក់មានឈ្មោះថា…
ប្រទេសអ៉ីរ៉ង់ ៖ របបអ៉ីរ៉ងនៅតែបន្តនយោបាយបង្រាបពួកប្រឆាំង ដោយប្រហារជីវិតពួកគេច្រើននាក់ពីបទចារកម្ម ។
តាមទីភ្នាក់ងារព័ត៌មានអ៉ីរ៉ង់ MIZAN NEWS ថា បុរសអាយុ៣២ឆ្នាំម្នាក់មានឈ្មោះថា EHSAN AFRASHTEH ត្រូវបានប្រហារជីវិតដោយព្យួរក កាលពីថ្ងៃទី១៣ ឧសភា ។ ទោសប្រហារជីវិតត្រូវបានអនុវត្តហើយ EHSAN AFRASHTEH ជាចារបុរសរបស់អ៉ីស្រាអែល ត្រូវបានព្យួរកដោយសារសកម្មភាពរបស់គេ ។ ទីភ្នាក់ងារព័ត៌មាននោះបន្តថា ជននេះជាចារបុរសទទួលការបណ្ដុះបណ្ដាលនៅនេប៉ាល់ ពីភ្នាក់ងារចរចាកម្មអ៉ីស្រាអែល។ រូបគេបានលក់បណ្ដាព័ត៌មានរសើបឲ្យអ៉ីស្រា
អែល ។
ដោយដកស្រង់សម្ដីសារភាពរបស់គេ MIZAN NEWS អះអាងទៀតថា យុវបុរសនោះ បានទៅកាន់តួកគី និងនេប៉ាល់ ទទួលការបណ្ដុះបណ្ដាលផ្សេងៗដូចជាការធ្វើរបាយការណ៍ ការវិភាគលើព័ត៌មានស៊ើបការណ៍ របៀបថតរូបជាសម្ងាត់ និងការបង្កើតប្រព័ន្ធគមនាគមន៍ដែលមានសន្តិសុខ។
ការប្រហារជីវិតថ្មីនេះជាលើកទី៣ ក្នុងរយៈពេល៣ថ្ងៃនាំឲ្យមានប្រតិកម្មខ្លាំងរបស់បណ្ដាអង្គការពារសិទ្ធិមនុស្ស។ អង្គការទាំងនោះបានព្រមានពីការបង្កើនការប្រហារជីវិតបណ្ដាមនុស្សដែលត្រូវចោទប្រកាន់ពីបទចារកម្ម ការប្រើការសារភាពដោយចាប់បង្ខំ និងបណ្ដានីតិវិធីតុលាការដែលមិនមានតុល្យភាព។
ការប្រហារជីវិត EHSAN AFRASHTEH ធ្វើឡើង បន្ទាប់ពីការព្យួរកអ្នកទោសនយោបាយម្នាក់ជាជនជាតិភាគតិច ដែលចាប់ខ្លួនកាលពីឆ្នាំ២០២២ ក្នុងក្របខណ្ឌនៃចលនានារី និង៤៨ម៉ោងក្រោយការប្រហារជិវិតនិស្សិតម្នាក់ ជាប់ចោទពីបទចារកម្មបម្រើអ៉ីស្រាអែល និងអាមេរិក៕
ចែករំលែកព័តមាននេះ