ADផ្ទាំងផ្សព្វផ្សាយពាណិជ្ជកម្ម

ប្រធានមន្ទីររ៉ែនិងថាមពល ចុះពិនិត្យកុងទ័រភ្លើងក្រោយពលរដ្ឋប្រតិកម្មរឿងប្រើភ្លើងឡើងគីឡូខុសប្រក្រតី

1 នាទី មុន

ប៉ៃលិន
១៥ ខែ ឧសភា ឆ្នាំ ២០២៦ ម៉ោង ១០:១៦

ខេត្តប៉ៃលិន ៖ រហូតមកដល់ពេលនេះ លោក សុខ សួន ប្រធានមន្ទីររ៉ែនិងថាមពលខេត្តប៉ៃលិន បានអះអាងថាទាំងកុងទ័រគីឡូវ៉ាត់ភ្លើងអគ្គិសនីទាំងបណ្តាញខ្សែគឺធម្មតាទាំងអស់ក្រោយពេលពិនិត្យអស់រយៈពេលជាច្រើនម៉ោងនៅព្រឹកថ្ងៃទី១៤ ខែឧសភាឆ្នាំ២០២៦នេះ ក្រោយពេលមានការប្រតិកម្មរបស់ប្រជាពលរដ្ឋជាច្រើនគ្រួសាររឿងតម្លៃបង់ភ្លើងឡើយងទ្វេរគុណនៅស្រុកសាលាក្រៅ…

លោកប្រធានមន្ទីរបានរៀបរាប់អោយដឹងថា ការចុះពិនិត្យនៅផ្ទះឈ្មោះ ផង់ផាន មុខរបរជួសជុលម៉ូតូ រស់នៅភូមិអូរបេង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដែលគាត់សរសេរបង្ហោះលើបណ្តាញសង្គមថា គីឡូភ្លើងក្នុងខែនេះឡើងខ្ពស់ខុសប្រក្រតី ដែលពីមុនធ្លាប់អស់ចំនួន១០ម៉ឺនជាង តែឥឡូវអស់រហូត៦០ម៉ឺនរៀល គឺឡើងច្រើនណាស់ខណ:ការប្រើប្រាស់ធម្មតាដូចខែមុនៗបើអស់ច្រើនម្លឹងៗរកប្រាក់ឯណាបង់បានបើមុខរបរជួសជុលម៉ូតូឥឡូវហាក់ដូចជាស្ងាត់។

លោកបន្តទៀតថា ចំណុចទី១- គឺពិនិត្យនិងផ្ទៀងផ្ទាត់កុងទ័រ ទី២- ពិនិត្យមើលចំនួនប្រើប្រាស់ថាមពលប្រចាំខែក្នុងវិក័យបត្តនិងកុងទ័រថាតើវាត្រឹមត្រូវដែរឬទេ ទី៣- អោយមន្ត្រីជំនាញពិនិត្យមើលខ្សែចេញពីកុងទ័រចូលផ្ទះហើយទាំង៣ចំណុចនេះគឺ ប្រក្រតីត្រឹមត្រូវទាំងអស់ហើយដើម្បីជាក់លាក់ថែមទៀតគឺយមកុងទ័រថ្មីមួយទៀតទៅផ្ទៀងផ្ទាត់រយៈពេលកន្លះម៉ោងគឺថាមិនមានអ្វីខុសទេ ហើយជាលទ្ធផលគឺប្រព័ន្ធទាំងអស់គឺនៅធម្មតាហើយបញ្ហាឡើងគីឡូនេះ តាមការសន្និដ្ឋានមកពីការប្រើប្រាស់ប្រចាំថ្ងៃក្នុងខែក្តៅប្រើច្រើនបានជាឡើងគីឡូវ៉ាត់។

ទោះបីជាយ៉ាងណាក៏ដោយ ប្រជាពលរដ្ឋរង់ចាំមើលខែក្រោយៗ ទៀតថាតើឡើងទៀតឬចុះ និងនៅដដែលដូចមន្ត្រីជំនាញអះអាងដែរឬទេ ព្រោះថាពួកគាត់មិនទាន់អស់ចិត្តនៅឡើយទេ៕