រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីបានស្នើឱ្យមានរៀបចំឆ្លាក់រូបភាពនៅលើជញ្ជាំងវិមានឈ្នះ-ឈ្នះ នូវព្រឹត្តិការណ៍សង្គ្រាមកម្ពុជា-ថៃ ឆ្នាំ២០២៦ ដើម្បីទុកឱ្យអ្នកជំនាន់ក្រោយបានដឹង ។…
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីបានស្នើឱ្យមានរៀបចំឆ្លាក់រូបភាពនៅលើជញ្ជាំងវិមានឈ្នះ-ឈ្នះ នូវព្រឹត្តិការណ៍សង្គ្រាមកម្ពុជា-ថៃ ឆ្នាំ២០២៦ ដើម្បីទុកឱ្យអ្នកជំនាន់ក្រោយបានដឹង ។
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ថ្លែងក្នុងកម្មវិធីអបអរសាទរខួប លើកទី១៩ ទិវាអតីតយុទ្ធជន និងនិវត្តជនកម្ពុជានៅថ្ងៃទី១៥ ខែឧសភា ឆ្នាំ២០២៦ យ៉ាងដូច្នេះថា ៖«ល្ងាចមិញ ខ្ញុំបានជជែកគ្នាជាមួយឯកឧត្តម ទៀ សីហា និងឯកឧត្តម ណឹម សុវត្ថិ ដែលទទួលខុសត្រូវក្នុងការដឹកនាំសូមឲ្យរៀបចំឆ្លាក់នៃព្រឹត្តិការណ៍សង្គ្រាមការពារអធិបតេយ្យភាពការឈ្លានពានទឹកដី ឆ្នាំ២០២៥ ដាក់នៅលើហ្នឹងដើម្បីទុកឲ្យជា«…» ព្រោះជាព្រឹត្តិការណ៍ ប្រវត្តិសាស្ត្ររបស់យើង អីញ្ចឹងយើងនឹងធ្វើវា»។
ជាមួយគ្នានោះដែរ សម្តេចធិបតី នាយករដ្ឋមន្ត្រី បានឲ្យដឹងសម្តេចបានឲ្យឆ្លាក់នូវទិដ្ឋភាពចំនួន ៣នៅលើជញ្ជាំងវិមានឈ្នះ-ឈ្នះ ដោយយកគំនូដែលប្រជាជនស្ម័គ្រចិត្តគូរដាក់បង្ហាញដូចជា នៅខេត្តសៀមរាប និងមុខវត្តបុទមមាត់ទន្លេ (Walk Street) ដែលគូជាគំនូរ ។
សម្តេចបានបញ្ជាក់ថា ៖ទិដ្ឋភាព ៣ ដែលខ្ញុំឲ្យធ្វើគឺ ៖ ទី១.ទិដ្ឋភាពនៃការឈឺចាប់នូវសង្គ្រាមផ្សេៗ ជនភៀសសឹកផ្សេងៗ ការស្លា.ប់របួស កងទ័ព និងជនស៊ីវិល ។ ទី ២.ការស្លា.ប់របួសរបស់វីរៈកងទ័ព វីរៈនគបាលជាតិ វីរៈជនកងអាវុហត្ថជនស៊ីវិល ដែលបានចូលរួម នៅក្នុងការពារទឹកដី ។ និង៣. រូបភាពនៃមហាសាមគ្គីរបស់គ្រួសារខ្មែរទាំងក្នុង និងក្រៅប្រទេស ពោល គឺនៅលើពិភពលោកក្នុងការជួយដល់វីរៈកងទ័ព វីរៈនគបាលជាតិ វីរៈកងអាវុធហត្ថ ។
សម្តេចធិបតី បានបន្ថែមថា ការឆ្លាក់រូបគំនូនេះ ដើម្បីទុកឲ្យអ្នកជំនាន់ក្រោយបានដឹងពីប្រវត្តិសាស្ត្រ ។ ជាមួយគ្នានោះដែរ សម្តេចបានលើកឡើងថា កម្ពុជាមិនចង់មានសង្គ្រាមនោះទេ កម្ពុជាត្រូវការសន្តិភាព ហើយប្រជាជនចូលរួមថែរក្សាបូរណភាពទឹកដីខ្លួន ។ ដូច្នេះ វិមានឈ្នះ-ឈ្នះ ធ្វើឡើង មិនមែនតែសម្រាប់សម្តេចតេជោហ៊ុន សែននោះទេ ។ គឺធ្វើសម្រាប់អ្នកទាំងអស់គ្នា ដោយមិនផ្តោតលើថ្នាក់ដឹកនាំ មេទ័ព គ្រួសារទ័ពនោះទេ តែធ្វើដើម្បីយើងទាំងអស់គ្នាតែម្តង ៕
ចែករំលែកព័តមាននេះ