ខេត្តកំពង់ឆ្នាំង ៖ យុវជនម្នាក់បានស្លាប់ និងម្នាក់ទៀតបានរងរបួស ក្នុងហេតុការជម្លោះក្នុងវង់ផឹកស៊ី មួយបានកើតឡើងនៅវេលាម៉ោង ៧និង ៤០នាទី ថ្ងៃទី ១៣…
ខេត្តកំពង់ឆ្នាំង ៖ យុវជនម្នាក់បានស្លាប់ និងម្នាក់ទៀតបានរងរបួស ក្នុងហេតុការជម្លោះក្នុងវង់ផឹកស៊ី មួយបានកើតឡើងនៅវេលាម៉ោង ៧និង ៤០នាទី ថ្ងៃទី ១៣ ខែឧសភាឆ្នាំ ២០២៦ នៅភូមិច្រករមៀតឃុំអូរឫស្សី ស្រុកកំពង់ត្រឡាច ។
យោងរបាយការណ៍របស់សមត្ថកិច្ចនគរបាលខេត្តកំពង់ឆ្នាំងបានឲ្យដឹងថា មុនពេលកើតហេតុ នៅមុខផ្ទះឈ្មោះ សើ សុនី ហៅអៃ ភេទប្រុសអាយុ ៦១ ឆ្នាំ មានទីលំនៅភូមិឃុំកើតហេតុខាងលើ មានការជួបជុំផឹកស៊ីមានមនុស្ស៤នាក់ ១-ឈ្មោះ នី ណាស៊ី ភេទ ប្រុសអាយុ៣៥ ឆ្នាំ ២-ឈ្មោះ សើ សុនី ម្ចាស់ផ្ទះ ៣-ឈ្មោះ ជួប សុភ័ក្ត្រ ភេទប្រុសអាយុ ៤១ឆ្នាំ នៅស្រុកកំពង់លែង ,៤-ឈ្មោះសុះ អាលី ភេទប្រុសអាយុ ៣៩ឆ្នាំ ។ទាំង៤នាក់ផឹកអស់ស្រាថ្នាំ អស់២លីត្រនិងស្រាបៀរមួយចំនួនទៀត ។ពេលផឹកស៊ីគេឃើញឈ្មោះ នី ណាស៊ី មានកាំប៉័ងតាំងតោសៀតចង្កេះខាងឆ្វេង ។
ក្រោយពេលផឹកស៊ីឈ្មោះសើ សុនី ក្នុងស្ថានភាពស្រវឹងជោគជាំ បានឌឺដង ឱ្យឈ្មោះ នី រ៉ វី ដែលកំពុងដេកអង្រឹងនៅមុខផ្ទះចម្ងាយប្រមាណ៥ម៉ែត្រពីទីតាំងផឹកស៊ី។ ក្នុងពេលនោះមានប្រជាការពារនិងឈ្មោះសើ សុខនី បានឃាត់បំបែកគ្នា ដោយឱ្យឈ្មោះនី រ៉ វី ចូលក្នុងផ្ទះ ។ប៉ុន្តែក្រោយមកទៀតឈ្មោះ សុះ អាលី បានកាន់ពូថៅចូលទៅកាប់ឈ្មោះ នី រ៉ វី ចំពីលើក្បាលមួយពូថៅ បណ្ដាលរងរបួស ក៏កើតប្រតាយប្រកប់គ្នា ភ្លាមនោះឈ្មោះ សុះ សាលី និងឈ្មោះ នី រ៉ វី បាទស្ទុះទៅយកពូថៅទុកនៅផ្ទះបាយ កាប់ទៅលើឈ្មោះ សុះ អាលី មួយពូថៅ ចំក្រោមគុម្ភត្រចៀក ខាងឆ្វេងបណ្ដាលឱ្យស្លាប់នៅកន្លែងកើតហេតុ ។
ក្រោយពេលកើតហេតុឈ្មោះនី រ៉ វី បានបោះពូថៅចោលជិះម៉ូតូទៅលាងរបួសដេរ២ថ្នេរនៅមន្ទីរពេទ្យ ហើយត្រូវ សមត្ថកិច្ចនគរបាលបានទៅឃាត់ខ្លួន ជនបង្កដល់មន្ទីរពេទ្យ រួចកសាងសំណុំរឿង បញ្ជូនទៅតុលាការតាមនីតិវិធី ៕
ចែករំលែកព័តមាននេះ