រាជធានីភ្នំពេញ ៖ លោកកែប ជុតិមា អភិបាលរាជធានីភ្នំពេញបានដាក់ចេញវិធានការថ្មីមួយទៀត គឺតម្រូវឱ្យបិទអាជីវកម្មកុងស៊ីបញ្ចាំរបស់របរនៅរាជធានីភ្នំពេញ ដែលមិនមានច្បាប់អនុញ្ញាតត្រឹមត្រូវពីសាលារាជធានីភ្នំពេញ។ លោកដាក់ចេញវិធានការបែបនេះក្នុងពេលអញ្ជើញជាអធិបតីក្នុង កិច្ច
រាជធានីភ្នំពេញ ៖ លោកកែប ជុតិមា អភិបាលរាជធានីភ្នំពេញបានដាក់ចេញវិធានការថ្មីមួយទៀតគឺតម្រូវឱ្យបិទអាជីវកម្មកុងស៊ីបញ្ចាំរបស់របរនៅរាជធានីភ្នំពេញ ដែលមិនមានច្បាប់អនុញ្ញាតត្រឹមត្រូវពីសាលារាជធានីភ្នំពេញ។ លោកដាក់ចេញវិធានការបែបនេះក្នុងពេលអញ្ជើញជាអធិបតីក្នុងកិច្ចប្រជុំប្រចាំខែរបស់សាលារាជធានីភ្នំពេញសម្រាប់ខែសីហានាព្រឹកថ្ងៃទី១ សីហា ឆ្នាំ ២០១១ ដោយមានការចូលរួមពីមន្ត្រីសំខាន់ៗពាក់ព័ន្ធក្រោមឱវាទសាលារាជធានីភ្នំពេញ ។
ក្រៅពីរបៀបវារៈនៃកិច្ចប្រជុំលោកអភិបាលរាជធានីភ្នំពេញបានដាក់ចេញវិធានការសំខាន់ៗចំនួន៤សម្រាប់អនុវត្តឱ្យដល់អាជ្ញាធរក្រោមឱវាទគឺទី១-វិធានការលុបបំបាត់កុងស៊ីបញ្ចាំរបស់របរដែលមិនមានច្បាប់ ។ ទី២-ពង្រឹងគោលនយោបាយភូមិ-ឃុំមានសុវត្ថិភាព ពិសេសការត្រួតពិនិត្យឆែកឆេរឱ្យបានជាប្រចាំ ទី៣-ការបាញ់បោះនៅតាមហាងត្រូវតែបិទ និងទី៤-ពង្រឹងការត្រួតពិនិត្យជនអន្តោប្រវេសន៍ដែលរស់នៅតាមទឹកដែលអត់មានលិខិតស្នាក់នៅ ឬអត្តសញ្ញាណប័ណ្ណតម្រូវឱ្យដេញចេញ និងមិនធ្វើអត្តសញ្ញាណប័ណ្ណឱ្យទេ ។
នៅក្នុងវិធានការចំនួន៤នោះ មានពីរចំណុចអាចចាត់ទុកជាចំណុចសំខាន់ដែលអាជ្ញាធររាជធានីភ្នំពេញ ជាពិសេសអាជ្ញាធរមូលដ្ឋានយកចិត្តទុកដាក់ខ្លាំង នោះគឺបញ្ហាកុងស៊ីបញ្ចាំរបស់របរដែលមានច្រើនសន្ធឹកសន្ធាប់ជ្រកក្រោមស្លាកអាជីវកម្មផ្សេងៗដូចជាលក់ទូរស័ព្ទដៃ លក់គ្រឿងទេសជាដើម ។ បញ្ហានេះអាជ្ញាធររាជធានីភ្នំពេញតម្រូវឱ្យមានច្បាប់ទម្លាប់ត្រឹមត្រូវ ហើយមិនទទួលស្គាល់ច្បាប់អនុញ្ញាតពីស្ថាប័នណាទេ ក្រៅពីសាលារាជធានីភ្នំពេញ ។ ចំណែកបញ្ហាសំខាន់មួយទៀតគឺជនអន្តោប្រវេសន៍ដែលរស់នៅលើទូក ឬផ្ទះលើទឹក ជាពិសេសតាមមាត់ទន្លេក្នុងភូមិសាស្ត្រខណ្ឌប្ញស្សីកែវ និងខណ្ឌមានជ័យ គឺតម្រូវឱ្យអាជ្ញាធរមូលដ្ឋានត្រួតពិនិត្យការស្នាក់នៅ ឬអត្តសញ្ញាណប័ណ្ណ បើសិនជាអត់ត្រូវដេញចេញមិនអនុញ្ញាតឱ្យធ្វើថ្មីទៀតទេ ៕
ចែករំលែកព័តមាននេះ