ខេត្តស្វាយរៀង ៖ កម្លាំងអធិការដ្ឋាននគរបាលក្រុងបាវិតឃាត់ខ្លួនក្មេងទំនើង០៧នាក់ ដែលបានបង្ហោះរូបភាពកាន់កាំបិតឌឺដងគ្នាលើបណ្ដាញសង្គម Facebook មកធ្វើការអប់រំ នៅប៉ុស្តិ៍នគរបាលរដ្ឋបាលបាវិត ។ ករណីនេះ បានកើតឡើងនៅវេលាម៉ោង៨…
ខេត្តស្វាយរៀង ៖ កម្លាំងអធិការដ្ឋាននគរបាលក្រុងបាវិតឃាត់ខ្លួនក្មេងទំនើង០៧នាក់ ដែលបានបង្ហោះរូបភាពកាន់កាំបិតឌឺដងគ្នាលើបណ្ដាញសង្គម Facebook មកធ្វើការអប់រំ នៅប៉ុស្តិ៍នគរបាលរដ្ឋបាលបាវិត ។ ករណីនេះ បានកើតឡើងនៅវេលាម៉ោង៨ និង១៦នាទីព្រឹកថ្ងៃទី០៩ ខែឧសភា ឆ្នាំ២០១៦ ។
បើតាមសមត្ថកិច្ចបានឲ្យដឹងថា ដោយអនុវត្តតាមបទបញ្ជាដ៏ម៉ឺងម៉ាត់របស់ឯកឧត្ដម នាយឧត្តម សេនីយ៍ ស ថេត អគ្គស្នងការនគរបាលជាតិ និងដឹកនាំបញ្ជាផ្ទាល់ពីលោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង បានបញ្ជាអោយកម្លាំងនគរបាលនៃអធិការដ្ឋាននគរបាលក្រុងបាវិត ដឹកនាំដោយលោកវរសេនីយ៍ទោ អ៊ែម សុវណ្ណរិទ្ធ អធិការនគរបាលក្រុងបាវិត ស្រាវជ្រាវ និងឃាត់ខ្លួនក្រុមក្មេងទំនើង០៧នាក់ ដែលបានបង្ហោះរូបភាពកាន់កាំបិត ឌឺដងគ្នាបង្ហោះលើបណ្ដាញសង្គម Facebook។
ដោយក្មេងទំនើងទាំងអស់នោះ សុទ្ធសឹងតែអនីតិជន (ជាសិស្ស) សមត្ថកិច្ចបានធ្វើកិច្ចសន្យាអប់រំ និងអញ្ជើញអាណាព្យាបាលមកទទួលយក ដើម្បីអប់រំបន្តមិនឲ្យប្រព្រឹត្តអំពើ ដែលសង្គមស្អប់ខ្ពើម បន្តទៀត ។
មហាជនបានលើកឡើងថា សិស្សក្មេងៗមួយចំនួនធំ មិនសូវយកចិត្តទុកដាក់នូវការអប់រំពីលោកគ្រូអ្នកគ្រូទេ ដោយសារឪពុកម្តាយ និងអាណាព្យាបាលទំរើសកូន នៅក្នុងថ្នាក់សិក្សាមិនខំប្រឹងរៀនទេ លោកគ្រូ អ្នកគ្រូខំពន្យល់មេរៀន ពួកគេមិនយកចិត្តទុកដាក់ ហើយតែងតែគេចសាលា ដើរលេង ហើយឪពុកម្តាយសិស្សមួយចំនួនកាន់ជើងកូន លោកគ្រូ អ្នកគ្រូ ទូរសព្ទ័ប្រាប់ថា កូនមិនចូលសាលា មិនជឿហើយស្តីបន្ទោសគ្រូវិញថា កូនគេទៅរៀនរាល់ថ្ងៃ ចោទកូនគេគេចសាលា ។
ដូចជាករណីសិស្សទំនើង០៧នាក់នេះ ស្លៀកសំលៀកបំពាក់ឯកសណ្ឋានសិស្សមករៀន ដាក់កាំបិតក្នុងកាបូប គេចសាលា ជិះម៉ូតូដើររកគូប្រយុទ្ធ ត្រូវប្រជាពលរដ្ឋថតបាន ខណៈកំពុងជិះម៉ូតូសំញ៉ែងកាំបិត ហើយថែមទាំងថតរូបកាន់កាំបិតបង្ហោះតាមសង្គមFacebookទៀត មិនដឹងពួកគេគិតអី ៕
ចែករំលែកព័តមាននេះ