មេរោគ hantavirus ដែលបានសម្លាប់មនុស្សបីនាក់ នៅលើនាវាទេសចរណ៍អាត្លង់ទិក បានកំពុងតែបង្កការភ័យខ្លាចនៅលើពិភពលោក ហើយពលរដ្ឋកម្ពុជា ក៏មានការយកចិត្តទុកដាក់តាមដានចំពោះព័ត៌មាននេះផងដែរ ។ ក្រោយពេលដែលមានសេចក្តីរាយការណ៍ និងការបកប្រែយកមកផ្សព្វផ្សាយនៅលើបណ្តាញសារព័ត៌មាន…
មេរោគ hantavirus ដែលបានសម្លាប់មនុស្សបីនាក់ នៅលើនាវាទេសចរណ៍អាត្លង់ទិក បានកំពុងតែបង្កការភ័យខ្លាចនៅលើពិភពលោក ហើយពលរដ្ឋកម្ពុជា ក៏មានការយកចិត្តទុកដាក់តាមដានចំពោះព័ត៌មាននេះផងដែរ ។
ក្រោយពេលដែលមានសេចក្តីរាយការណ៍ និងការបកប្រែយកមកផ្សព្វផ្សាយនៅលើបណ្តាញសារព័ត៌មាន និងបណ្តាញសង្គមព្រោងព្រាត នៅព្រឹកថ្ងៃទី០៤ ខែឧសភា ឆ្នាំ២០២៦ បានឲ្យដឹងថា មហាជនចាប់អារម្មណ៍លើការរីករាលដាលនេះ ទោះបីជាវាមិនមែននៅកម្ពុជាក៏ដោយ ។
ពលរដ្ឋម្នាក់ឈ្មោះ ដេន បានឲ្យដឹងថា វាមិនមែនកើតនៅកម្ពុជាមែន ប៉ុន្តែតាំងពីកូវីដ១៩មក ពលរដ្ឋយកចិត្តទុកដាក់ណាស់លើបញ្ហានេះ ។
ពលរដ្ឋម្នាក់ទៀត ឈ្មោះ សីហា បានបន្តថា រឿងសុខភាព គឺជារឿងចាប់អារម្មណ៍ ហើយស្លាប់រស់របស់មនុស្សជាតិ វារីករាលដាលលឿន បើយើងខ្វះការយកចិត្តទុកដាក់ ។
តាមសេចក្តីរាយការណ៍របស់រ៉យទ័រ មនុស្ស៣នាក់ត្រូវបានគេបញ្ជាក់ថា បានស្លាប់នៅលើនាវាទេសចរណ៍ដោយសារតែការឆ្លងមេរោគ hantavirus នៅពេលដែលនាវា ទេសចរណ៍នោះកំពុងធ្វើដំណើរពីប្រទេសអាហ្សង់ទីនទៅកាន់តំបន់ ខេប វើឌ ( Cape Verde)។
អង្គការសុខភាពពិភពលោក បាននិយាយកាលពីថ្ងៃអាទិត្យ ទី៣ ខែឧសភា បានបញ្ជាក់អំពីការ ការផ្ទុះឡើងនៃការឆ្លងមេរោគ hantavirus ដ៏កម្រមួយនៅលើនាវាទេសចរណ៍នោះ ហើយក្រៅពីអ្នកស្លាប់ វាកំពុងតែធ្វើឲ្យមនុស្សយ៉ាងហោចណាស់បីនាក់ផ្សេងទៀតកំពុងកើតជំងឺ ។
មេរោគ hantavirus ជាមេរោគមួយដែលភាគច្រើនឆ្លងពីសត្វកណ្តុរ ឬសត្វល្អិតផ្សេងៗមកមនុស្ស ប៉ុន្តែមិនទាន់មានសេចក្តីរាយការណ៍អំពីការឆ្លងពីមនុស្សទៅមនុស្សនៅឡើយទេ ។
មេរោគនេះវាច្រើនស្ថិតនៅក្នុងទឹកនោមសត្វកណ្តុរ និងសាធាតុរាវដែលចេញពីសារពាង្គកាយរបស់ពពួកសត្វល្អិត ។ ប្រសិនបើមនុស្សឆ្លងជំងឺនេះ គឺមានអាការៈក្តៅខ្លួន និងឈឺក្បាល ឈឺសាច់ដុំ ឈឺទ្រូង ពិបាកដកដង្ហើម បញ្ហាតម្រងនោម និងសួតជាដើម ។
ចែករំលែកព័តមាននេះ