សង្គ្រាមអ៉ីរ៉ង់ ៖ ប្រធានាធិបតីអាមេរិកលោកដូណាល់ត្រាំថ្លែង កាលពីថ្ងៃទី៣ ឧសភា ថា សហ រដ្ឋអាមេរិកបានពិភាក្សាដ៏វិជ្ជមានបំផុតជាមួយអ៉ីរ៉ង់ ដែលបែបនេះអាចឈានទៅរកអ្វីដែលវិជ្ជមានបំផុតសម្រាប់គ្រប់គ្នា ។…
សង្គ្រាមអ៉ីរ៉ង់ ៖ ប្រធានាធិបតីអាមេរិកលោកដូណាល់ត្រាំថ្លែង កាលពីថ្ងៃទី៣ ឧសភា ថា សហ រដ្ឋអាមេរិកបានពិភាក្សាដ៏វិជ្ជមានបំផុតជាមួយអ៉ីរ៉ង់ ដែលបែបនេះអាចឈានទៅរកអ្វីដែលវិជ្ជមានបំផុតសម្រាប់គ្រប់គ្នា ។ នេះជាការលើកឡើងរបស់លោកក្នុងបណ្ដាញសង្គម TRUTH SOCIAL ។
លោកត្រាំសរសេរថា បណ្ដាតំណាងរបស់ខ្ញុំបានពិភាក្សាដ៏វិជ្ជមានបំផុតជាមួយអ៉ីរ៉ង់ ហើយការពិភាក្សាទាំងនោះ អាចទម្លាយផ្លូវទៅរកអ្វីដែលវិជ្ជមានបំផុតសម្រាប់គ្រប់គ្នា។ បទឈប់បាញ់គ្នានៅតែជាធរមានចាប់តាំងពីថ្ងៃទី៨ មេសា មក បន្ទាប់ពីស្ទើរតែ៤០ថ្ងៃនៃការវាយប្រហាររបស់អាមេ
រិករួមនឹងអ៉ីស្រាអែលប្រឆាំងអ៉ីរ៉ង់ និងការសងសឹកវិញរបស់ប្រទេសនេះ ក្នុងតំបន់ហើយការចរចាត្រូវជាប់គាំំង ។
ប្រធានាធិបតីអាមេរិកប្រកាសម្យ៉ាងទៀតថា កងម៉ារីនអាមេរិកចាប់ផ្ដើម ពីថ្ងៃទី៤ ឧសភា ទៅអមការពារបណ្ដានាវារបស់ប្រទេសទី៣ ដែលជាប់គាំងនៅច្រកសមុទ្រហ័រមូស។ លោកបន្តថា ដើម្បីសុខាមាលភាពរបស់អ៉ីរ៉ង់របស់មជ្ឈឹមបូព៌ា និងរបស់សហរដ្ឋអាមេរិក យើងសូមជូនដំណឹងដល់ប្រទេសទាំងនោះថា យើងនឹងអមការពារ បណ្ដានាវារបស់ពួកគេឲ្យឆ្លងកាត់ផ្លូវសមុទ្រនោះដោយសុខសាន្ត។
លោកលើកឡើងថា នាវាទាំងនោះសុទ្ធតែជារបស់ប្រទេស ដែលមិនចូលរួមក្នុងជម្លោះកំពុងកើតមានជាមួយអ៉ីរ៉ង់។ សហគ្រាសឯកទេសក្នុងការតាមដាននាវាចរណ៍តាមសមុទAXSMARINE គូសបញ្ជាក់កាលពីថ្ងៃទី២៩មេសាថា ចំនួននាវាពាណិជ្ជកម្មគ្រប់ប្រភេទដែលមានវត្តមាននៅឈូងសមុទ្រពែរ្ស៍ មានដល់៩១៣គ្រឿងគិតត្រឹមថ្ងៃទី២៩ មេសា។
លោកត្រាំអះអាងទៀតថា ខ្ញុំបាននិយាយទៅកាន់បណ្ដាតំណាងរបស់ខ្ញុំ ដើម្បីប្រាប់ពួកគេថាយើងនឹងធ្វើអ្វីតាមដែលយើងអាចធ្វើទៅបាន ដើម្បីឲ្យនាវាទាំងឡាយនោះនិងបណ្ដានាវិក ដែលជាប់ក្នុងច្រកសមុទ្រហ័រមូសបានចាកចេញ។ និយាយរួមមកយើងនិយាយប្រាប់ពួកគេថា យកល្អកុំមកកាន់តំបន់នេះទៀត បើដរាបណាវាមិនទាន់ប្រាកដប្រជាសម្រាប់ការធ្វើនាវាចរណ៍។
លោកគូសបញ្ជាក់ថា នេះជាសុឆន្ទៈមួយរបស់បណ្ដាអ្នកដែលប្រយុទ្ធដ៏តឹងតែងរយៈពេលប៉ុន្មានខែចុងក្រោយនេះ។ ទោះបីយ៉ាងណាលោកត្រាំបានព្រមានថា ប្រសិនបើប្រតិបត្តិការនោះត្រូវរាំងស្ទះនោះនឹងជាការសោកស្ដាយដែលត្រូវដោះស្រាយដោយកម្លាំង ៕
ចែករំលែកព័តមាននេះ