អាមេរិក-អាល្លឺម៉ង់ ៖ ប្រធានាធិបតីអាមេរិក លោកដូណាល់ត្រាំបានព្រមាន កាលពីថ្ងៃទី២ ឧសភាថា លោកមានបំណងកាត់បន្ថយក្នុងចំនួនច្រើន ទាហានអាមេរិកដែលដាក់ពង្រាយនៅអាល្លឺម៉ង់ ក្រោយពីលោកប្រកាសពីការដកទាហានអាមេរិក៥០០០នាក់ ចេញពីប្រទេសសមាជិកអូតង់សំខាន់នោះនៅអឺរ៉ុប…
អាមេរិក-អាល្លឺម៉ង់ ៖ ប្រធានាធិបតីអាមេរិក លោកដូណាល់ត្រាំបានព្រមាន កាលពីថ្ងៃទី២ ឧសភាថា លោកមានបំណងកាត់បន្ថយក្នុងចំនួនច្រើន ទាហានអាមេរិកដែលដាក់ពង្រាយនៅអាល្លឺម៉ង់ ក្រោយពីលោកប្រកាសពីការដកទាហានអាមេរិក៥០០០នាក់ ចេញពីប្រទេសសមាជិកអូតង់សំខាន់នោះនៅអឺរ៉ុប ដែលមានវត្តមានទាហានអាមេរិកច្រើនជាងគេមក ។ ការប្រកាសនោះ នាំឲ្យមានការរិះគន់រហូតដល់បណ្ដាមនុស្សនៃគណបក្សលោកផងដែរ។
នៅ WEST PALM BEACH រដ្ឋផ្លរីដា ពេលលោកត្រៀមឡើងយន្តហោះ លោកត្រាំថ្លែងទៅកាន់ក្រុមអ្នកកាសែតថា យើងនឹងកាត់បន្ថយថែមទៀត ហើយពេលនេះយើងពិតជាសម្រេចកាត់បន្ថយទាហានប្រមាណជា៥០០០នាក់ ។ ចំនួនទាហានអាមេរិកទាំងនេះ ដែលមន្ទីរប៉ង់តាហ្គោនបានប្រកាសដកកាលពីថ្ងៃ១ ឧសភា គ្រោងធ្វើអំឡុងពេលពី៦ ទៅ១២ខែខាងមុខនេះ។ ចំនួននោះស្មើនឹងប្រមាណជា១៥% នៃចំនួនទាហានអាមេរិកប្រមាណជា៣៦.០០០នាក់ ដាក់ពង្រាយនៅអាល្លឺ
ម៉ង់។ វត្តមានកងទាហានអាមេរិកនោះពិតជាសំខាន់ សម្រាប់សន្តិសុខនិងសេដ្ឋកិច្ចរបស់អាល្លឺ
ម៉ង់។
លោកត្រាំប្រកាសពីការកាត់បន្ថយកងទាហាននៅក្នុងប្រទេសអាល្លឺម៉ង់ បន្ទាប់ពីលោកខឹងដែលមុននេះអធិការបតីអាល្លឺម៉ង់់ លោកហ្វ្រីអ៉ីឌ្រិកម័រ វាយតម្លៃនាពេលមុននេះថា អាមេរិកហាក់ដូចជាគ្មានយុទ្ធសាស្ត្រ ច្បាស់លាស់ឡើយ ក្នុងការធ្វើសង្គ្រាមជាមួយអ៉ីរ៉ង់ និងថា អ៉ីរ៉ង់នឹងធ្វើឲ្យអាមេរិករងការអាម៉ាស់ដោយសារសង្គ្រាមនេះ។ និយាយរួមមកលោកត្រាំមានការខឹងសម្បាចំពោះបណ្ដាប្រទេសជាសម្ព័ន្ធមិត្តអឺរ៉ុប មកពីប្រទេសទាំងនោះមិនជួយគាំទ្រដល់ការធ្វើសង្គ្រាមរបស់អាមេរិករួមជាមួយអ៉ីស្រាអែលប្រឆាំងអ៉ីរ៉ង់។
ម្យ៉ាងទៀត ចាប់តាំងពីយូរមកហើយលោកត្រាំទាមទារពង្រឹងកិច្ចការពាររបស់ពួកគេ ដោយចោទប្រទេសទាំងនោះ ថា ចាំតែពឹងផ្អែកលើអាមេរិក។ ក្រៅពីអាល្លឺម៉ង់លោកត្រាំក៏ប្រកាសពីការគ្រោងកាត់បន្ថយចំនួនទាហានរបស់ខ្លួននៅអេស្ប៉ាញនិងអ៉ីតាលីផងដែរ៕
ចែករំលែកព័តមាននេះ