សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំ ប្រកាសនាថ្ងៃទី២ ឧសភា ថា លោកនឹងសិក្សាផែនការមាន១៤ចំណុចរបស់អ៉ីរ៉ង់ ដើម្បីដោះស្រាយជម្លោះនៅមជ្ឈឹមបូព៌ា បន្ទាប់ពីបដិ…
សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំ ប្រកាសនាថ្ងៃទី២ ឧសភា ថា លោកនឹងសិក្សាផែនការមាន១៤ចំណុចរបស់អ៉ីរ៉ង់ ដើម្បីដោះស្រាយជម្លោះនៅមជ្ឈឹមបូព៌ា បន្ទាប់ពីបដិ សេធសំណើនាពេលមុននេះរបស់អ៉ីរ៉ង់ដែលលោកគំរាមកម្ទេចអ៉ីរ៉ង់ឲ្យម៉ត់ ។
តាមបណ្ដាញសង្គម TRUTH SOCIAL លោកត្រាំសរសេរថា ខ្ញុំនឹងសិក្សាផែនការអ៉ីរ៉ង់នោះក្នុងពេលឆាប់ៗតែខ្ញុំគិតថា ផែនការនោះនឹងមិនអាចទទួលយកបានឡើយ ព្រោះអ៉ីរ៉ង់មិនបានបង់គ្រប់គ្រាន់ឡើយ ចំពោះអ្វីដែលត្រូវធ្វើសម្រាប់មនុស្សជាតិ និងពិភពលោកចាប់តាំងពី៤៧ឆ្នាំ មកហើយ គឺតាំងពីការបង្កើតសាធារណរដ្ឋអ៊ិស្លាមមក ។
តាមបណ្ដាទីភ្នាក់់ងារព័ត៌មានអ៉ីរ៉ង់ថា ក្រុងតេហេរ៉ង់បានបញ្ជូនដល់ក្រុងវ៉ាស៊ីនតោន តាមរយៈអាជ្ញាកណ្ដាលប៉ាគីស្ថាន ផែនការមាន១៤ចំណុចមួយ សំដៅបញ្ចប់ជម្លោះក្នុងអំឡុងពេល៣០ថ្ងៃ។
ទីភ្នាក់ងារព័ត៌មានTASMIN គូសបញ្ជាក់ថា ក្នុងផែនការនោះអ៉ីរ៉ង់ទាមទារ ឲ្យដកកងទ័ពអាមេរិកចេញពីបណ្ដាតំបន់នៅក្បែរអ៉ីរ៉ង់ លុបចោលការហ៊ុមព័ទ្ធកំពង់ផែរបស់ខ្លួន លុបចោលការបង្កកទ្រព្យសម្បត្តិ់អ៉ីរ៉ង់ ចេញសងដល់ការកសាងឡើងវិញ លុបចោលបណ្ដាទណ្ឌកម្ម មានយន្តការមួយទាក់ទិននឹងច្រកសមុទ្រហ័រមូស និងការបញ្ចប់សង្គ្រាមលើគ្រប់រណសិរ្សទាំងអស់ ក្នុងនោះមានទាំងនៅលីបង់ផងដែរ។ ទីភ្នាក់ងារព័ត៌មាននោះមិនបានលើកពីសំណុំរឿងនុយក្លេអ៊ែរឡើយ។
នោះជាបញ្ហាសំខាន់សម្រាប់អាមេរិក និងអ៉ីស្រាអែល ដែលចោទអ៉ីរ៉ង់ថា ចង់ផលិតគ្រាប់បែកនុយក្លេអ៊ែរ តែអ៉ីរ៉ង់បានបដិសេធ ៕
ចែករំលែកព័តមាននេះ