ប្រទេសជប៉ុន ៖ ក្នុងសង្កថាមួយទៅកាន់ក្រុមនិស្សិតនៅក្រុងហាណូយ កាលពីថ្ងៃទី២ ឧសភា នាឱកាសបំពេញទស្សនកិច្ចមួយនៅវៀតណាម នាយករដ្ឋមន្ត្រីជប៉ុនលោកស្រីសាណាអ៉ីតាកាអ៉ីជី បានរំឭកពីការតាំងចិត្តរបស់លោកស្រី ប្រកបដោយការទទួលខុសត្រូវ ដែលការពិតនោះជាការដើរតួនាទីកាន់តែសកម្មថែមទៀតរបស់ជប៉ុន…
ប្រទេសជប៉ុន ៖ ក្នុងសង្កថាមួយទៅកាន់ក្រុមនិស្សិតនៅក្រុងហាណូយ កាលពីថ្ងៃទី២ ឧសភា នាឱកាសបំពេញទស្សនកិច្ចមួយនៅវៀតណាម នាយករដ្ឋមន្ត្រីជប៉ុនលោកស្រីសាណាអ៉ីតាកាអ៉ីជី បានរំឭកពីការតាំងចិត្តរបស់លោកស្រី ប្រកបដោយការទទួលខុសត្រូវ ដែលការពិតនោះជាការដើរតួនាទីកាន់តែសកម្មថែមទៀតរបស់ជប៉ុន ក្នុងការកសាងរបៀបរបបអន្តរជាតិមួយផ្អែកលើសេរីភាព ការបើកចំហ ប្លែកៗនិងនីតិរដ្ឋ។
ក្នុងពេលកំពុងតែមានការបង្កើនការប្រកួតប្រជែងគ្នាខាងភូមិសាស្ត្រនយោបាយ និងការជម្រុញដល់ការកែប្រែថ្មីខាងបច្ចេកវិទ្យា លោកស្រីប្រមុខរដ្ឋាភិបាលជប៉ុន បានស្នើដល់បណ្ដាប្រទេសអាស៊ី ឲ្យពង្រឹង និងពង្រឹកសមត្ថភាពរបស់ខ្លួន ព្រមទាំងឥរិយាបថកំណត់អានាគតរបស់ខ្លួនផ្ទាល់។
ប្រទេសជប៉ុនក៏ដូចជាវៀតណាមដែរ មានការបារម្ភចំពោះការទាមទារដែនដីរបស់ក្រុងប៉េកាំងនៅសមុទ្រចិន និងស្វែងរកទប់ទល់បណ្ដាផលវិបាកនៃនយោបាយពន្ធគយរបស់អាមេរិក ដោយពង្រីកទំនាក់ទំនងសេដ្ឋកិច្ចនិងសន្តិសុខរបស់ពួកគេ។ ប៉ុន្តែវៀតណាមស្វែងរករក្សាទំនាក់ទំនងល្អជាមួយគ្រប់មហាអំណាចពិភពលោក ចំណែកជប៉ុនវិញសម្លឹងឃើញទំនាក់ទំនងរបស់ខ្លួនជាមួយក្រុងប៉េកាំង កាន់តែល្អក់កករខ្លាំង រយៈពេលប៉ុន្មានខែចុងក្រោយនេះ ។
លើកឡើងជាលើកដំបូងកាលពី១ទសវត្សមុនដោយអតីតនាយករដ្ឋមន្ត្រីជប៉ុនលោកស៊ីនហ្សូអាបេ គំំនិតតំបន់អាស៊ី-ប៉ាស៊ីហ្វិកសេរី និងបើកចំហ ចាប់តាំងពីពេលនោះមកត្រូវបានដៃគូនិងសម្ព័ន្ធមិត្តជាច្រើនរបស់អាមេរិក ប្រកាន់យក ព្រោះចង់ទប់ឥទ្ធិពលចិនក្នុងតំបន់។ ចិនបានបរិហារគំនិតនោះថាជាការប៉ុនប៉ង់បិទបាំងការបង្កើនការប្រឈមមុខដាក់គ្នារវាងប្លុក។ អ្នកនាំពាក្យក្រសួងការបរទេសចិនលោកលីនជាងចោទប្រកាន់ក្រុងតូក្យូថា ចង់បង្កើតការប្រឈមមុខដាក់គ្នារវាងប្លុក។
ក្នុងឱកាសនៃទស្សនកិច្ចលើកដំបូងរបស់លោកស្រីនៅវៀតណាម លោកស្រីនាយករដ្ឋមន្ត្រីជប៉ុនបានចុះហត្ថលេខាលើកិច្ចព្រមព្រៀងនានា សំដៅពង្រឹងកិច្ចសហប្រតិបត្តការខាងសន្តិសុខថាមពល ខ្សែសង្វាក់ផ្កត់ផ្គង់និងការកែប្រែថ្មី។ ជប៉ុនជាអ្នកផ្ដល់ជំនួយសាធារណៈសំខាន់សម្រាប់ការអភិវឌ្ឍប្រទេសនេះនិងជាដៃគូពាណិជ្ជកម្មសំខាន់។ កាលពីឆ្នាំទៅមិញការផ្លាស់ប្ដូរពាណិជ្ជកម្មរវាងប្រទេសទាំង២ កើនដល់លើស៥០ពាន់លានដុល្លារ ៕
ចែករំលែកព័តមាននេះ