រាជធានីភ្នំពេញ ៖ ស្ត្រីជាមេការហាងខារ៉ាអូខេម្នាក់ ដោយជាប់រវល់ធ្វើការ ក៏បានយកក្មួយស្រីរបស់ខ្លួនម្នាក់ ដែលទើបតែមានអាយុ៦ឆ្នាំប៉ុណ្ណោះ ទៅផ្ញើនឹងស្ត្រីម្នាក់ទៀត ដែលជាអ្នកជិតខាងគ្នា ហើយក៏ត្រូវបានប្ដីរបស់ស្ត្រីរូបនោះ ចាប់រំលោភក្មួយស្រី…
រាជធានីភ្នំពេញ ៖ ស្ត្រីជាមេការហាងខារ៉ាអូខេម្នាក់ ដោយជាប់រវល់ធ្វើការ ក៏បានយកក្មួយស្រីរបស់ខ្លួនម្នាក់ ដែលទើបតែមានអាយុ៦ឆ្នាំប៉ុណ្ណោះ ទៅផ្ញើនឹងស្ត្រីម្នាក់ទៀត ដែលជាអ្នកជិតខាងគ្នា ហើយក៏ត្រូវបានប្ដីរបស់ស្ត្រីរូបនោះ ចាប់រំលោភក្មួយស្រី បានសម្រេច២ដង ។ ខណៈនោះ ពុំមាននរណាបានដឹងភ្លាមៗនោះឡើយ ប៉ុន្តែក្រោយមកស្ត្រីជាម្ដាយមីង បានឃើញក្មួយស្រី ដើរចម្លែកខុសពីធម្មតា ក៏បានសួរនាំ។ ពេលនោះទើបដឹងថា ប្ដីអ្នកជិតខាង ដែលជាអ្នកទទួលជួយមើលនាង បានចាប់រំលោភនាង ហើយស្ត្រីជាម្ដាយមីង ក៏ប្ដឹងនគរបាលឲ្យឃាត់ខ្លួនបិសាចតណ្ហានោះ ចាត់ការតាមច្បាប់តែម្ដង ។
ហេតុការណ៍ខាងលើនោះ បានកើតឡើងកាលពីវេលាម៉ោងប្រហែល០៤និ៥០នាទីល្ងាច ថ្ងៃទី០១ ខែឧសភា ឆ្នាំ២០២៦ នៅក្នុងបន្ទប់ជួលលេខ៩ ស្ថិតនៅក្នុងភូមិត្រពាំងល្វា១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
នគរបាលបានប្រាប់ឲ្យដឹងថា ជនល្មោភកាមខាងលើឈ្មោះ ញ៉ឹល ពិសិត ហៅប៉ារចនា អាយុ៣២ឆ្នាំ មុខរបររត់ម៉ូតូកង់បី ចំណែកស្ត្រីជាប្រពន្ធ មិនត្រូវបានស្គាត់អត្តសញ្ញាណនោះទេ បច្ចុប្បន្នស្នាក់នៅបន្ទប់ជួលលេខ៩ ដែលជាកន្លែងកើតហេតុខាងលើនោះ ។
ដោយឡែកក្មេងស្រីរងគ្រោះ ទើបតែមានអាយុ៦ឆ្នាំប៉ុណ្ណោះ នាងស្នាក់នៅក្នុងបន្ទប់ជួលជាន់ទី២ ភូមិត្រពាំងល្វា១ សង្កាត់ កាកាបទី១ ខណ្ឌពោធិ៍សែនជ័យ ជាមួយម្ដាយមីងម្នាក់ អាយុ៣២ឆ្នាំ ដែលមានមុខរបរ មេការហាងខារ៉ាអូខេ ។
នគរបាលបានប្រាប់ឲ្យដឹងបន្តទៀតថា ក្មេងស្រីរងគ្រោះខាងលើមានឪពុកម្ដាយដែរ ប៉ុន្តែបានចេញទៅធ្វើការនៅឯប្រទេសចិនអស់ហើយ ដោយបានផ្ញើនាងឲ្យនៅជាមួយម្ដាយមីង ជាមេការខារ៉ាអូខេខាងលើនោះ ជួយមើលការខុសត្រូវ និងបីបាច់ថែរក្សាជំនួស ។ ប៉ុន្តែដោយជាប់រវល់ទៅធ្វើការដែរ ស្ត្រីជាម្ដាយមីង ក៏បានយកក្មួយស្រីរបស់ខ្លួន ទៅផ្ញើជាមួយស្ត្រី ដែលជាប្រពន្ធរបស់ជនល្មោភកាមឈ្មោះ ញ៉ឹល ពិសិត ហៅ ប៉ារចនា នោះឲ្យជួយមើលថែ ដោយទុកចិតទុកថ្លើមបំផុត ។
នគរបាលបានប្រាប់ឲ្យដឹងបន្ថែមទៀតថា លុះដល់ថ្ងៃកើតហេតុ ខណៈប្រពន្ធមិននៅផ្ទះ ស្រាប់តែបិសាចតណ្ហានោះ ធ្វើសកម្មភាពចាប់រំលោភក្មេងស្រីរងគ្រោះ រហូតបានសម្រេច២លើកជាបន្តបន្ទាប់ ដោយគ្មាននរណា បានដឹងភ្លាមៗនោះឡើយ ។ ប៉ុន្តែក្រោយមកនៅពេលក្មួយស្រីដើរយកខោអាវទៅបោកគក់ ហើយម្ដាយមីងឃើញនាងដើរ..ជើងខុសប្លែកពីធម្មតា ហើយមានការងឿងឆ្ងល់ ក៏សួរនាំ ទើបនាងប្រាប់ថា ឈ្មោះញ៉ឹល ពិសិត ហៅ ប៉ារចនា ចាប់នាងរំលោភ២ដង ។
នគរបាល បានបញ្ជាក់ប្រាប់បន្តថា បន្ទាប់មកស្ត្រីជាម្ដាយមីង ក៏បាននាំក្មួយស្រីទៅឲ្យគ្រូពេទ្យពិនិត្យ ហើយឃើញប្រដាប់ភេទនាងរងរបួស រួចក៏បានទៅដាក់ពាក្យបណ្ដឹងឲ្យនគរបាលប៉ុស្តិ៍កាកាបទី១ ឃាត់ខ្លួនជនតិរច្ឆានខាងលើនាំទៅសាកសួរនៅប៉ុស្តិ៍ មួយជំហាន ។
ក្រោយមកនគរបាលប៉ុស្តិ៍ខាងលើ ក៏បានបញ្ជូនជននោះ ទៅកាន់ផ្នែកព្រហ្មទណ្ឌនគរបាលខណ្ឌពោធិ៍សែនជ័យ ដើម្បីសួរនាំ និងកសាងសំណុំរឿងបន្ត រួចបញ្ជូនទៅកាន់សាលាដំបូងរាជធានីភ្នំពេញ ចាត់ការតាមផ្លូវច្បាប់ ៕
ចែករំលែកព័តមាននេះ