ADផ្ទាំងផ្សព្វផ្សាយពាណិជ្ជកម្ម

Picture

១០​ថ្ងៃ ​កម្ពុជា​បណ្តេញ​ជនបរទេស​ជាង​២​ពាន់​នាក់ទៅ​ស្រុក​វិញ​ ពាក់ព័ន្ធ​ Online Scams

15 ម៉ោង មុន

រាជធានី​ភ្នំពេញ ​៖ ​ជនបរទេស​ខុសច្បាប់ ២,៦៧១​នាក់ មាន​២៩​សញ្ជាតិ ត្រូវ​បាន​បណ្ដេញ​ចេញពី​ព្រះរាជាណាចក្រ​កម្ពុជា​ ​ទៅ​ស្រុក​កំណើតវិញ នេះ​បើ​តាម​អគ្គនាយកដ្ឋាន​អន្តោប្រវេសន៍ ​។ ប្រភព​បាន​លើក​ឡើង​ថា…

រាជធានី​ភ្នំពេញ ​៖ ​ជនបរទេស​ខុសច្បាប់ ២,៦៧១​នាក់ មាន​២៩​សញ្ជាតិ ត្រូវ​បាន​បណ្ដេញ​ចេញពី​ព្រះរាជាណាចក្រ​កម្ពុជា​ ​ទៅ​ស្រុក​កំណើតវិញ នេះ​បើ​តាម​អគ្គនាយកដ្ឋាន​អន្តោប្រវេសន៍ ​។

ប្រភព​បាន​លើក​ឡើង​ថា នៅ​ថ្ងៃ​ទី​២០​ដល់ទី​៣០ ខែមេសា ឆ្នាំ​២០២៦ អនុវត្ត​តាម​អនុសាសន៍​ដ៏​ខ្ពង់ខ្ពស់របស់​ឯកឧត្តម​អភិ​សន្តិ​បណ្ឌិត ឧបនាយករដ្ឋមន្ត្រី រដ្ឋមន្ត្រីក្រសួង​មហា​ផ្ទៃ ឯកឧត្តម សន្តិ​បណ្ឌិត និង​ថ្នាក់ដឹកនាំ​ក្រសួងមហាផ្ទៃ ឧត្តម​សេនីយ៍​ឯក សុខ វាសនា អគ្គនាយក​អន្តោប្រវេសន៍ បាន​ណែនាំ​ឱ្យ​នាយកដ្ឋាន​ស៊ើបអង្កេត និង​អនុវត្ត​នីតិវិធី បន្ត​ធ្វើកា​បណ្ដេញចេញ​ជនបរទេស​សរុប​ចំនួន ២,៦៧១​នាក់ ស្រី​៥៨៥​នាក់ មាន ២៩​សញ្ជាតិ រួម​មាន ៖ ឥណ្ឌូ​នេ​ស៊ី ប៉ា​គី​ស្ថាន វៀតណាម អា្វ​ហ្វ្រិ​ក​ខាង​ត្បួ​ង កា​មេ​រូ​ន ហ្គា​ណា ចិនតៃវ៉ាន់ ឡាវ មី​យ៉ា​ន់​ម៉ា នី​ហ្សេ​រី​យ៉ា អា​មេ​រិ​ក ចិន ឥណ្ឌា ប៊ូ​រុន​ឌី បង់​ក្លា​ដេ​ស ស្រី​លង្កា សេ​រ៉ា​ឡេ​អូន លី​បេ​រី​យ៉ា ប៉ា​នី​ហ្សេ​រី​យ៉ា កូរ៉េ កេ​ន​យ៉ា បេ​នី​ន រុ​ស្សី តូ​ហ្គោ​ល នេ​ប៉ា​ល់ អា​ល្លឺ​ម៉​ង់ ថៃ ម៉ា​ឡេ​ស៊ី ត្រូវ​បាន​បណ្ដេញ​ចេញពី​ព្រះរាជាណាចក្រ​កម្ពុជា ក្នុង​នោះ​មាន​ជនជាតិ​ចិន ៣០៦​នាក់ ពាក់ព័ន្ធ​ករណី​ឆបោក​តាម​ប្រព័ន្ធ​អន​ឡាញ (Online Scams) ត្រូវ​បាន​បណ្ដេញចេញ​តាម​ប៉ុស្តិ៍​នគរបាល​ច្រក​ទ្វារ​អាកាសយានដ្ឋាន​អន្តរជាតិ​សៀមរាប​អង្គរ និង​ជនជាតិ​ថៃ​ចំនួន ៦៣៥​នាក់ ពាក់ព័ន្ធ​ករណី​ឆបោក​តាម​ប្រព័ន្ធ​អន​ឡាញ (Online Scams) ត្រូវ​បាន​បណ្ដេញចេញ​តាម​ប៉ុស្តិ៍​នគរបាល​ច្រក​ទ្វារ​ព្រំដែន​អន្តរជាតិ​ប៉ោយ​ប៉ែ​ត និង​ជនបរទេស​មួយ​ចំនួន​ទៀត​ពាក់ព័ន្ធ​ករណី​លួច​ឆ្លង​ដែន បន្លំ​ឯកសារ​ក្លែងក្លាយ ស្នាក់​នៅ​គ្មាន​លិខិតឆ្លងដែន ចាប់​ជំ​រិ​ទទារ​ប្រាក់ ប្រើប្រាស់​ទិដ្ឋាការ​ក្លែងក្លាយ ( QR Code ក្លែងក្លាយ​) ឆបោក​តាម​ប្រព័ន្ធ​អន​ឡាញ ធ្វើ​ការងារ​ខុសច្បាប់ និង​បទល្មើស​ព្រហ្មទណ្ឌ​ផ្សេង​ៗ​ទៀត​នៅ​ក្នុង​ព្រះរាជាណាចក្រ​កម្ពុជា ត្រូវ​បាន​បណ្ដេញចេញ​តាម​ប៉ុស្តិ៍​នគរបាល​ច្រក​ទ្វារ​អាកាសយានដ្ឋាន​អន្តរជាតិ​តេ​ជោ ។

ប្រភព​បាន​បន្ត​ថា​ការ​បណ្ដេញចេញ​ជនជាតិ​បរទេស​ខាងលើ​នេះ គឺជា​ការ​អនុវត្ត​តាម​វិធានការ​ច្បាប់​យ៉ាង​ម៉ឺងម៉ាត់​របស់ សម្ដេច​មហា​បរ​វ​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា និង​ការ​ទទួល​ដឹកនាំ​តម្រង់​ទិស​យ៉ាង​មុតមាំ​បំផុត​របស់​ឯកឧត្តម​អភិ​សន្តិ​បណ្ឌិត ស សុខា ឧបនាយករដ្ឋមន្ត្រី​រដ្ឋមន្ត្រី​ក្រសួងមហាផ្ទៃ ក្នុង​កិច្ច​ខិតខំ​ប្រឹងប្រែង​បោសសំអាត និង​លុប​បំបាត់​ឧក្រិដ្ឋកម្ម​តាម​ប្រព័ន្ធ​បច្ចេកវិទ្យា​ដែល​កើត​មាន​ក្នុង​ព្រះរាជាណាចក្រ​កម​ក្ពុ​ជា​ទាំងអស់ ដើម្បី​ធានា​ការពារ​សុវត្ថិភាព​ជូន​ប្រជាពលរដ្ឋ​ទាំង​ក្នុង​តំបន់ និង​សកលលោក ដោយ​គ្មាន​ការ​លើកលែង​នោះ​ឡើយ ជា​ពិសេស​ចំពោះ​មេខ្លោង​ដែល​នៅ​ពីក្រោយ ក៏​ដូច​ជា​ការ​ជួយ​សង្គ្រោះ​ដល់​ជន​រង​គ្រោះ​ដែល​ត្រូវ​មេខ្លោង​បោក​បញ្ឆោត​ឱ្យមក​ធ្វើការ​ក្នុង​សកម្មភាព​ឆបោក​តាម​ប្រព័ន្ធ​បច្ចេកវិទ្យា​ណាមួយ​ហើយ​ត្រូវ​បាន​មាន​សេរីភាព និង​អាច​វិល​ត្រឡប់​ទៅ​ប្រទេស​របស់​ខ្លួន​វិញ ​៕

អត្ថបទសរសេរ ដោយ

កែសម្រួលដោយ