ខេត្តកំពង់ស្ពឺ៖ អគ្គីភ័យបានឆាបឆេះរោងចក្រផលិតស័ង្កសីគៀបស្នោរ បង្ករឲ្យមានការភ្ញាក់ផ្អើលទាំងកណ្ដាលអាធ្រាត្រ ដល់សមត្ថកិច្ចជួយអន្តរាគមន៍យករថយន្តពន្លត់អគ្គីភ័យធ្វើការបាញ់ពន្លត់។
ហេតុការណ៍អគ្គីភ័យលេបត្របាក់រោងចក្រផលិតសង្ក័សីគៀបស្នោរបង្កឱ្យមានការភ្ញាក់ផ្អើលកាលពីវេលាម៉ោង១២និង៤០នាទីរំលងអាធ្រាត្រ ឈានចូលថ្ងៃទី២៩ ខែមេសា ឆ្នាំ២០២៦ នៅចំណុចក្នុង រោងចក្រផលិតសង្ក័សីគៀបស្នោរ យីហោ អ៊ិនធីហ្គ្រិនធី ញូញៀន ភែកឃីជិន មេធៀរៀល ដែលមានទីតាំងស្ថិតនៅក្នុងភូមិព្រៃខ្វាវ ឃុំរកាកោះ ស្រុកគងពិសី ខេត្ដកំពង់ស្ពឺ។ ម្ចាស់ឈ្មោះ ចិន សៀវហរ័ ភេទប្រុស រស់នៅភូមិ-ឃុំកើតហេតុខាងលើ។
នគរបាលស្រុកគងពិសីបាននិយាយដឹងថាករណីអគ្គីភ័យបណ្ដាឲ្យរងការខូចខាត÷ -ឆេះអាគាររោងចក្រ ចំនួន ០១ខ្នង មិនទាន់ដឹងទំហំពិតប្រាកដនៅឡើយនោះទេ។
-ឆេះម៉ាសុីន ហុិនកាត់ស្នោរ ចំនួន ០៦ គ្រឿង ។ មូលហេតុដែលបណ្ដាលឲ្យមានអគ្គីភ័យឆាបឆេះរោងចក្រខាងលើនេះ គឺបណ្តាលមកពីផ្ទុះស្សេរចរន្តអគ្គិសនី។
នគរបាលស្រុកគងពិសីបានបន្តដឹងទៀតថានៅក្នុងកិច្ចប្រតិបត្តិការ÷
-ប្រើប្រាស់រថយន្តពន្លត់អគ្គិភ័យ ចំនួន ០៦គ្រឿងក្នុងនោះ ៖
១/រថយន្តពន្លត់អគ្គិភ័យស្នងការខេត្តកំពង់ស្ពឺ ចំនួន ០១ គ្រឿង និងកម្លាំង ចំនួន ០៨ នាក់
២/រថយន្តពន្លត់អគ្គិភ័យអធិការដ្ឋាននគរបាលស្រុកគងពិសី ចំនួន ០១ គ្រឿង និងកម្លាំង ចំនួន ១១ នាក់
៣/រថយន្តពន្លត់អគ្គិភ័យអធិការដ្ឋាននគរបាលស្រុកសំរោងទង ចំនួន ០១ គ្រឿង និងកម្លាំងចំនួន ០៦ នាក់
៤/រថយន្តពន្លត់អគ្គិភ័យអធិការដ្ឋាននគរបាលស្រុកបសេដ្ឋ ចំនួន ០១ គ្រឿង និងកម្លាំង ០៦ នាក់
៥/រថយន្តពន្លត់អគ្គិភ័យអធិការដ្ឋាននគរបាលក្រុងច្បារមន ចំនួន ០១ គ្រឿង និងកម្លាំង ៦ នាក់
៦/រថយន្តពន្លត់អគ្គិភ័យអធិការដ្ឋាននគរបាលក្រុងឧដុង្គម៉ែជ័យ ចំនួន ០១ គ្រឿងនិង កម្លាំង ០៦ នាក់
ប្រើប្រាស់ទឹកអស់ចំនួន ១២រថយន្តផង។
ចំពោះទំហំទឹកប្រាក់នៃការខូចខាតករណីឆេះអគាររោងចក្រខាងលើនេះមិនទាន់អាចវាយតម្លៃបានចំនួនប៉ុន្មាននៅឡើយនោះទេ៕
ចែករំលែកព័តមាននេះ