ខេត្តស្ទឹងត្រែង ៖ ចាប់ពីថ្ងៃទី២៣ដល់ថ្ងៃទី២៦ ខែមេសា ឆ្នាំ២០២៦ លោក ស្រេង ជាហេង ប្រធានមន្ទីរបរិស្ថានខេត្តស្ទឹងត្រែង បានដឹកនាំកម្លាំងចម្រុះចុះប្រតិបត្តិការក្ដៅគគុក…
ខេត្តស្ទឹងត្រែង ៖ ចាប់ពីថ្ងៃទី២៣ដល់ថ្ងៃទី២៦ ខែមេសា ឆ្នាំ២០២៦ លោក ស្រេង ជាហេង ប្រធានមន្ទីរបរិស្ថានខេត្តស្ទឹងត្រែង បានដឹកនាំកម្លាំងចម្រុះចុះប្រតិបត្តិការក្ដៅគគុក ដើម្បីទប់ស្កាត់ និងបង្ក្រាបបទល្មើសធនធានធម្មជាតិ នៅក្នុងភូមិសាស្ត្រដែនជម្រកសត្វព្រៃព្រៃឡង់។
ក្នងបេសកកម្មរយៈពេល ៤ថ្ងៃនេះ មានការចូលរួមយ៉ាងសកម្មពីសំណាក់ មន្ត្រីបរិស្ថាន និងមន្ត្រី
ឧទ្យានុរក្ស ចំនួន ៣២រូប .កម្លាំងកងរាជអាវុធហត្ថខេត្តស្ទឹងត្រែង.រដ្ឋបាលស្រុក ឃុំអន្លង់ភេ និងប៉ុស្តិ៍នគរបាលរដ្ឋបាលមូលដ្ឋាន។
ប្រធានមន្ទីរបរិស្ថានខេត្តស្ទឹងត្រែង លោក ស្រេង ជាហេងបានមានប្រសាសន៍ថា៖ក្នុងប្រតិបត្តិការណ៍ខាងលើធ្វើឡើងក្នុងគោលបំណងយុទ្ធសាស្ត្រ និងសារៈសំខាន់នៃការអភិរក្សប្រតិបត្តិការនេះមិនត្រឹមតែជាការអនុវត្តច្បាប់ប៉ុណ្ណោះទេ ប៉ុន្តែគឺជាកិច្ចការងារដ៏មានសារៈសំខាន់ក្នុងគោលដៅធំៗចំនួន ៣៖១.ការរក្សាសមតុល្យប្រព័ន្ធអេកូឡូស៊ី ធានាឱ្យប្រព័ន្ធអេកូឡូស៊ីមានស្ថេរភាព និងការពារជីវចម្រុះឱ្យជៀសផុតពីការផុតពូជ ជាពិសេសប្រភេទសត្វ និងរុក្ខជាតិកម្រៗនៅក្នុងតំបន់ព្រៃឡង់។
២.ការគ្រប់គ្រងធនធានឱ្យមានប្រសិទ្ធភាព ដើម្បីទុកជាមរតកដល់កូនចៅជំនាន់ក្រោយនិងទប់
ស្កាត់ការបំពុលខ្យល់ ទឹក និងដី ដែលជាប្រភពនៃការទ្រទ្រង់ជីវិតមនុស្ស។
៣. ការជំរុញសេដ្ឋកិច្ច និងគុណភាពជីវិតការការពារព្រៃឈើ និងធនធានធម្មជាតិ គឺជាមូលដ្ឋានគ្រឹះដ៏រឹងមាំសម្រាប់វិស័យកសិកម្ម ឧស្សាហកម្ម និងទេសចរណ៍ធម្មជាតិ ដែលនាំមកនូវសុភមង្គល និងការរស់នៅប្រកបដោយផាសុកភាពសម្រាប់ប្រជាពលរដ្ឋក្ន៧ងប្រធានបទ“ការចូលរួមការពារធនធានធម្មជាតិនៅថ្ងៃនេះ គឺជាការធានានូវដង្ហើមជីវិត និងសេដ្ឋកិច្ចបៃតងសម្រាប់ថ្ងៃអនាគត”។
អ្នកអង្កេតការណ៍បានលើកឡើងដែរថា ប្រតិបត្តិការនេះបានបង្ហាញពីការប្ដេជ្ញាចិត្តយ៉ាងមុតមាំរបស់អាជ្ញាធរខេត្តស្ទឹងត្រែង ក្នុងការការពារ “សួតនៃផែនដី” និងការអនុវត្តច្បាប់ស្ដីពីតំបន់ការពារធម្មជាតិឱ្យមានប្រសិទ្ធភាពខ្ពស់បំផុត៕
ចែករំលែកព័តមាននេះ