ខេត្តស្វាយរៀង ៖ ជនសង្ស័យម្នាក់ត្រូវសមត្ថកិច្ចបង្ក្រាបនិងចាប់ឃាត់ខ្លួនពីបទប្រើប្រាស់ជួញដូរគ្រឿងញៀនដោយខុសច្បាប់ដកហូតគ្រឿងញៀន៨០កញ្ចប់។ករណីនេះកើតឡើងនៅព្រឹកថ្ងៃទី២៥ ខែមេសា ឆ្នាំ២០២៦ វេលាម៉ោង ១០និង៥០នាទី នៅភូមិព្រៃតាពៅឃុំចំបក់ស្រុកស្វាយជ្រំ ។ បើតាមសមត្ថកិច្ចបានឲ្យដឹងថា…
ខេត្តស្វាយរៀង ៖ ជនសង្ស័យម្នាក់ត្រូវសមត្ថកិច្ចបង្ក្រាបនិងចាប់ឃាត់ខ្លួនពីបទប្រើប្រាស់ជួញដូរគ្រឿងញៀនដោយខុសច្បាប់ដកហូតគ្រឿងញៀន៨០កញ្ចប់។ករណីនេះកើតឡើងនៅព្រឹកថ្ងៃទី២៥ ខែមេសា ឆ្នាំ២០២៦ វេលាម៉ោង ១០និង៥០នាទី នៅភូមិព្រៃតាពៅឃុំចំបក់ស្រុកស្វាយជ្រំ ។
បើតាមសមត្ថកិច្ចបានឲ្យដឹងថា ដោយអនុវត្តតាមបទបញ្ជាដ៏ខ្ពង់ខ្ពស់របស់ លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង ដោយមានការដឹកនាំបញ្ជាផ្ទាល់ពី លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ កម្លាំងជំនាញអធិការដ្ឋាននគរបាលស្រុកស្វាយជ្រំ ឃាត់ខ្លួនជនសង្ស័យ ០១នាក់ ពាក់ព័ន្ធករណីជួញដូរគ្រឿងញៀនខុសច្បាប់ នៅឃុំចំបក់ ស្រុកស្វាយជ្រំ។ដោយកម្លាំងអធិការដ្ឋាននគរបាលស្រុកស្វាយជ្រំ បានទទួលព័ត៌មានពីប្រជាពលរដ្ឋថា នៅត្រង់ចំណុចផ្លូវលំក្រាលខ្សាច់ភ្នំ ស្ថិតនៅភូមិព្រៃតាពៅ ឃុំចំបក់ ស្រុកស្វាយជ្រំ មានមុខសញ្ញាកំពុងធ្វើការជួញដូរគ្រឿងញៀនខុសច្បាប់។
ក្រោយពីទទួលព័ត៌មានរួច លោកវរសេនីយ៍ឯក សោម សុភ័ណ្ឌ អធិការនគរបាលស្រុក បានដឹកនាំកម្លាំងជំនាញ នៃអធិការដ្ឋាននគរបាលស្រុកស្វាយជ្រំ សហការជាមួយប៉ុស្តិ៍នគរបាលរដ្ឋបាលចំបក់ បានធ្វើការស្រាវជ្រាវ និងចុះទៅដល់កន្លែងកើតហេតុ បានធ្វើការបង្ក្រាប និងឃាត់ខ្លួនជនសង្ស័យ ០១នាក់ ឈ្មោះ តែម ស្រស់ ភេទប្រុស អាយុ ២៨ឆ្នាំ រស់នៅភូមិព្រៃតាពៅ ឃុំចំបក់ ស្រុកស្វាយជ្រំ ខេត្តស្វាយរៀង។ បន្ទាប់មកសមត្ថកិច្ចបានធ្វើតេស្តទឹកម៉ូត្ត លទ្ធផល វិជ្ជមាន(+)។
ប្រភពបន្តថា ដោយមានការអនុញាតពី ឯកឧត្ដម ខាំ សុផារី ព្រះរាជអាជ្ញា នៃអយ្យការអមសាលាដំបូងខេត្ត បានអនុញាតអោយសមត្ថកិច្ចធ្វើការឆែកឆេរលំនៅឋានរបស់ជនសង្ស័យ នៅភូមិ ឃុំ ខាងលើ បានរកឃើញសារធាតុញៀនមួយចំនួន។ សរុបវត្ថុតាងដកហូតរួមមាន ម្ស៉ៅក្រាមពណ៌សថ្លា ៨០កញ្ចប់, ទូរស័ព្ទដៃ ០១គ្រឿង និងសម្ភារប្រើប្រាស់វេចខ្ចប់មួយចំនួនទៀត។
បច្ចុប្បន្ន ជនសង្ស័យ រួមទាំងវត្ថុតាង កំពុងកសាងសំណុំរឿង ចាត់ការបន្តតាមនីតិវិធី៕
ចែករំលែកព័តមាននេះ