នៅត្រីមាសទី១ នៃឆ្នាំ២០២៦ កម្ពុជានាំចេញសម្លៀកបំពាក់ មានតម្លៃសរុប២,៥៧ពាន់លានដុល្លារ មានការកើនឡើង៦ភាគរយ ។ ក្រសួងពាណិជ្ជកម្មបានឲ្យដឹងថា ប្រទេសដែលនាំចូលសម្លៀកបំពាក់ ដែលដេរដោយកម្មករនៅកម្ពុជា គឺមានសហរដ្ឋអាមេរិក…
នៅត្រីមាសទី១ នៃឆ្នាំ២០២៦ កម្ពុជានាំចេញសម្លៀកបំពាក់ មានតម្លៃសរុប២,៥៧ពាន់លានដុល្លារ មានការកើនឡើង៦ភាគរយ ។ ក្រសួងពាណិជ្ជកម្មបានឲ្យដឹងថា ប្រទេសដែលនាំចូលសម្លៀកបំពាក់ ដែលដេរដោយកម្មករនៅកម្ពុជា គឺមានសហរដ្ឋអាមេរិក ជប៉ុន អេស្ប៉ាញ កាណដា អង់គ្លេស ហូឡង់ អាល្លឺម៉ង់ បែលហ្សិក ប៉ូឡូញ និងបារាំង ។
ពីខែមករា ដល់ដើមខែមេសា សហរដ្ឋអាមេរិក បាននាំចូលសម្លៀកបំពាក់ពីកម្ពុជា ជិត៨៨៧លាន ដុល្លារកើនឡើង១៥,៣៥ភាគរយ ជប៉ុនវិញ គឺជាង៣០៤ លានដុល្លារកើនឡើង ជិត៨ភាគរយដែរ ហើយអេស្ប៉ាញវិញ គឺប្រមាណជាជិត២៦៥លានដុល្លារកើនឡើងជិត១៣ភាគរយ ។
ប្រភពដដែលបានបន្តថា ដោយឡែកបារាំងវិញ គឺនាំចូលជាង ៤៩លានដុល្លារធ្លាក់ចុះជាង ៤ភាគរយ ស្របពេលដែលប៉ូឡូញនាំចូលប្រមាណជាជិត៥៤លានដុល្លារធ្លាក់ចុះ ជាង៧ភាគរយដែរ ៕
ចែករំលែកព័តមាននេះ