រាជធានីភ្នំពេញៈជនសង្ស័យម្នាក់ត្រូវបានកម្លាំងការិ យាល័យព្រហ្មទណ្ឌកំរិតស្រាលនៃនាយកដ្ឋាននគរបាលព្រហ្មទណ្ឌ ក្រសួងមហាផ្ទៃឃាត់ខ្លួននៅសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ បន្ទាប់ពីធ្វើសកម្មភាពលួចម៉ូតូ១គ្រឿងនិងទូរសព្ទ។ តាមនគរបាលនាយកដ្ឋានព្រហ្មទណ្ឌបានអោយដឹងថា នៅថ្ងៃទី២៣ ខែមេសា ឆ្នាំ២០២៦…
រាជធានីភ្នំពេញៈជនសង្ស័យម្នាក់ត្រូវបានកម្លាំងការិ យាល័យព្រហ្មទណ្ឌកំរិតស្រាលនៃនាយកដ្ឋាននគរបាលព្រហ្មទណ្ឌ ក្រសួងមហាផ្ទៃឃាត់ខ្លួននៅសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ បន្ទាប់ពីធ្វើសកម្មភាពលួចម៉ូតូ១គ្រឿងនិងទូរសព្ទ។
តាមនគរបាលនាយកដ្ឋានព្រហ្មទណ្ឌបានអោយដឹងថា នៅថ្ងៃទី២៣ ខែមេសា ឆ្នាំ២០២៦ ជនរងគ្រោះ ឈ្មោះ យ៉ូន ធារ៉ា ភេទប្រុស អាយុ១៧ឆ្នាំ ជនជាតិខ្មែរ បានមកដាក់ពាក្យបណ្ដឹង នៅការិ យាល័យព្រហ្មទណ្ឌកម្រិតស្រាល, កម្លាំងជំនាញការិយាល័យព្រហ្មទណ្ឌកម្រិតស្រាល បានស៊ើបអង្កេតស្រាជ្រាវ និងឃាត់ខ្លួនជនសង្ស័យម្នាក់ ឈ្មោះ យ៉ូន ស៊ីយាន ភេទប្រុស អាយុ១៨ឆ្នាំ ជនជាតិខ្មែរ ស្នាក់នៅ ហាងហេងហេងព្រះច័ន្ទពេញវង្ស ភូមិបាក់ខែង សង្កាត់ព្រែក លៀប ខណ្ឌជ្រោយចង្វារ រាជធានីភ្នំពេញ។
បន្ទាប់ពីឃាត់ខ្លួនសមត្ថកិច្ចដកហូត ម៉ូតូម៉ាក HONDA DREAM C125 ផលិតឆ្នាំ២០២៥ ពាក់ផ្លាកលេខបន្ទាយមានជ័យ 1AD-9500 (របស់ជនសង្ស័យ), ម៉ូតូម៉ាក HONDA DREAM C125 ពណ៌ខ្មៅ ផលិត ឆ្នាំ២០២៦ ពាក់ផ្លាកលេខភ្នំពេញ 1MF-1341 (របស់ជនរងគ្រោះ) និងទូរស័ព្ទដៃ ចំនួន១គ្រឿង ម៉ាក Iphone។
តាមចម្លើយសារភាពជនសង្ស័យ ឈ្មោះ យ៉ូន ស៊ីយាន បានឆ្លេីយថា ខ្លួន ពិតជាបានលួចម៉ូតូ១គ្រឿង ម៉ាក HONDA DREAM ពណ៌ ខ្មៅ ផលិតឆ្នាំ២០២៦ ពាក់ស្លាកលេខ ភ្នំពេញ 1MF-1341 និងទូរស័ព្ទ មួយគ្រឿង ម៉ាក Iphone ប្រាកដមែន។
ដោយមានការអនុញ្ញាតពីប្រធាននាយកដ្ឋាន និងសម្របសម្រួលនីតិវិធីពីឯកឧត្តម គុជ គីមឡុង ព្រះរាជអាជ្ញា នៃអយ្យការអមសាលាដំបូងខេត្តកណ្តាល ចំពោះម៉ូតូ និងទូរសព្ទដៃបានប្រគល់ជូនជនរងគ្រោះវិញ។
បច្ចុប្បន្នជនសង្ស័យ និងសំណុំរឿងបានបញ្ជូនទៅអយ្យការអមសាលាដំបូងខេត្តកណ្តាល ដើម្បីចាត់ការបន្តតាមនីតិវិធី៕
ចែករំលែកព័តមាននេះ