សោកស្តាយ! ទុស្សេខ្សែភ្លើងបង្កជាអគ្គិភ័យឆេះផ្ទះ ឆេះឡាន រីឯមនុស្ស៤នាក់ត្រូវរងរបួសធ្ងន់-ស្រាល
- សៀមរាប
ខេត្តសៀមរាប ៖ ករណីអគ្គិភ័យឆាបឆេះផ្ទះរបស់ឈ្មោះ ហេង ឡាន់ ភេទប្រុស អាយុ៥៥ឆ្នាំ ស្ថិតនៅចំណុចភូមិដូនហុង ឃុំដំដែក ស្រុកសូទ្រនិគម…
ខេត្តសៀមរាប ៖ ករណីអគ្គិភ័យឆាបឆេះផ្ទះរបស់ឈ្មោះ ហេង ឡាន់ ភេទប្រុស អាយុ៥៥ឆ្នាំ ស្ថិតនៅចំណុចភូមិដូនហុង ឃុំដំដែក ស្រុកសូទ្រនិគម ខេត្តសៀមរាប បណ្តាលឱ្យរងការខូចខាតទាំងស្រុង ដោយផ្ទះ០១ខ្នង មានទំហំ០៨ម៉ែត្រ x ១២ម៉ែត្រ ឈើលើថ្មក្រោម ដំបូលប្រក់ក្បឿង និងសង្ក័សី ព្រមទាំងតូបលក់ចាប់ហួយ០១ខ្នង ប្រក់ស័ង្កសីទំហំ៦ x ១២ម៉ែត្រ និងមនុស្សរងរបួសធ្ងន់ ស្រាល៤នាក់ ដោយបានបញ្ជូនទៅសង្គ្រោះនៅមន្ទីរពេទ្យបង្អែកស្រុកសូទ្រនិគមភ្លាមៗ ។
ហេតុការណ៍ខាងលើ កើតឡើងកាលពីវេលាម៉ោង១២ និង២០នាទីរំលងអធ្រាត្រថ្ងៃទី២៥ មេសា ឆ្នាំ២០២៦ និងរលត់ជាស្ថាពរនៅវេលាម៉ោង៣ និង៥០នាទីព្រឹក ស្ថិតចំណុចភូមិដូនហុង ឃុំដំដែក ស្រុកសូទ្រនិគម ខេត្តសៀមរាប ។
បើតាមប្រសាសន៍របស់លោកឧត្តម សេនីយ៍ ត្រី ណុប សារ៉ាក់ ស្នងការរង និងជាអ្នកនាំពាក្យនៃស្នងការដ្ឋាននគរបាលខេត្តសៀមរាបបានប្រាប់តាមតេឡេក្រាមនៅវេលាម៉ោងប្រមាណ១០ និង ៣០នាទីថ្ងៃទី២៥ ខែមេសា ឆ្នាំ២០២៦ ថា ករណីអគ្គិភ័យឆាបឆេះផ្ទះរបស់ឈ្មោះ ហេង ឡាន់ ភេទប្រុស អាយុ៥៥ឆ្នាំ ស្ថិតនៅចំណុចភូមិដូនហុង ឃុំដំដែក ស្រុកសូទ្រនិគម ខេត្តសៀមរាប ។
បណ្តាលឱ្យរងការខូចខាតទាំងស្រុងផ្ទះ ០១ ខ្នង ទំហំ០៨ម៉ែត្រ x ១២ម៉ែត្រ ឈើលើថ្មក្រោមដំបូលប្រក់ក្បឿង និងសង្ក័សី ព្រមទាំងតូបលក់ចាប់ហួយ០១ខ្នង ប្រក់ស័ង្កសីទំហំ ៦ x ១២ម៉ែត្រ រួមទាំង ឆេះ រថយន្ត០១គ្រឿង ម៉ាកតាកូម៉ា -ឆេះម៉ូតូ០៤គ្រឿង និងម៉ូតូសណ្ដោងរ៉ឺម៉ក ។ ០២-របួសម្ចាស់ផ្ទះ ០៤នាក់ កំពុងសម្រាកព្យាបាលនៅមន្ទីរពេទ្យបង្អែកស្រុកសូទ្រនិគម (ធ្ងន់ម្នាក់បញ្ជូនទៅមន្ទីរពេទ្យខេត្តសៀមរាប) សម្ភារ និងទ្រព្យសម្បត្តិផ្សេងៗទៀតពុំទាន់វាយតម្លៃបាន។
លោកបញ្ជាក់ថា ក្នុងកិច្ចប្រតិបត្តិការដោយសហការជាមួយអធិការដ្ឋាននគរបាលស្រុកបាគង រថយន្តអគ្គិភ័យ០១គ្រឿង និងស្នងការដ្ឋាននគរបាលខេត្តសៀមរាប រថយន្តអគ្គិភ័យ០៣គ្រឿង ។ ប្រើប្រាស់រថយន្ដពន្លត់អគ្គិភ័យចំនួន០៤គ្រឿង ។
ចំពោះមូលហេតុវិញ គឺបណ្ដាលមកពីករណីទុស្សេខ្សែភ្លើង ។ បច្ចុប្បន្ន ផ្ទះ ប្រជាពលរដ្ឋ ដែលឆេះ អស់ស្ទើរទាំងស្រុងនោះ និងសម្ភារៈប្រើប្រាស់ រថយន្ត ព្រមទាំងម៉ូតូសណ្តោងរ៉ឺម៉ក បើគិតជាទឹកប្រាក់អស់ជាង១០០០០ម៉ឺនដុល្លារ ៕
ចែករំលែកព័តមាននេះ